మా మంచి తాతయ్య

#TeluguKavithalu, #Kavitha, #Kavithalu, #TeluguPoems, #GadwalaSomanna, #గద్వాలసోమన్న, #MaManchiThathaiah, #మామంచితాతయ్య

Ma Manchi Thathaiah - New Telugu Poem Written By - Gadwala Somanna

Published In manatelugukathalu.com On 18/01/2025

మా మంచి తాతయ్య - తెలుగు కవిత

రచన: గద్వాల సోమన్న

తాతయ్య పిలుపులో

తన్మయత్వమున్నది

వారు చెప్పు కథలలో

నీతి ఎంతో ఉన్నది

తాతయ్య మనసులో

ప్రేమ ఊట ఉన్నది

వారి అనుభవంలో

ఆకాశమే చిన్నది

తాతయ్య మీసంలో

పౌరుషమే ఉన్నది

మెలివేస్తే మాత్రం

అండమెంతో ఉన్నది

తాతయ్య చేతిలో

చేతి కర్ర ఉన్నది

నడుచునప్పుడెల్లా

తోడు వేళ్ళు చున్నది

తాతయ్య కళ్ళలో

కళ చాలా ఉన్నది

వారి నోటి మాటలో

తేనె ధార ఉన్నది

మనుమళ్లను చూస్తే

తాతయ్యకు సంతసము

వారికది మరుపురాని

అనుభూతికి చిహ్నము

తాతయ్య ఉన్న ఇల్లు

అందమైన హరివిల్లు

అనురాగాల పొదరిల్లు

పరిమళాల విరిజల్లు

తాతయ్య మా కొండ

కోట రీతిలో అండ

అందుకే తాతయ్యకు

అక్షరాల పూదండ

-గద్వాల సోమన్న

https://www.manatelugukathalu.com/profile/somanna