కర్తవ్యం - ఎపిసోడ్ 4


కథ వినడానికి ప్లే బటన్ క్లిక్ చేయండి.








Youtube Video link

https://youtu.be/VQtEyudDOSs


'Karthavyam - Episode 4' Mini Telugu Web Series

Written By Vedurumudu Ramarao

రచన: వెదురుమూడి రామారావు



వెదురుమూడి రామారావు గారి సంక్షిప్త ధారావాహిక కర్తవ్యం నాలుగవ భాగం


గత ఎపిసోడ్ లో


మనోహర్, సుధలు దగ్గర కావడం చూసి సంతోషిస్తారు విశ్వనాథం దంపతులు.

కులు, మనాలి, రోతహంగ్ పాస్ కి వెళదామని ప్రపోజ్ చేస్తారు విశ్వనాథం గారు.

రాత్రంతా ఆలోచించుకొని సరేనంటారు మనోహర్, సుధలు.


కర్తవ్యం - ఎపిసోడ్ 1 కోసం ఇక్కడ క్లిక్ చేయండి

కర్తవ్యం - ఎపిసోడ్ 2 కోసం ఇక్కడ క్లిక్ చేయండి

కర్తవ్యం - ఎపిసోడ్ 3 కోసం ఇక్కడ క్లిక్ చేయండి



ఇక కర్తవ్యం నాలుగవ భాగం చదవండి.


పొద్దున్నే బ్రేక్ఫాస్ట్ అవగానే మనాలి కి ప్రయాణం సాగించారు. పిల్లలు ఇద్దరూ కొంచం సుముఖంగా నే మారారు. ఇందాక రోప్ వే లో చేతులు పట్టుకొని ఏవేవో మాట్లాడుకున్నారు. దారిలో ఒక ఎత్తయిన శిఖరం దగ్గర "స్కై డైవింగ్" జరుగుతోంది. గాలి వాటం సరిపోతే ఒక్కొక్క వ్యక్తి ని వాళ్ల నిపుణుల సాయం తో వాళ్ళే ‘డైవింగ్’ కి తీసుకొని వెళుతారు. లేకపోతే కొంచం ప్రమాదకరం.


మనోహర్ కి ఇదంటే చాలా ఇష్టం. తాను డైవింగ్ చెయ్యడానికి రెడీ ఐ పోయాడు. వేసుకోవాలిసిన సరంజామా అంతా వేసుకొని రెడీ గా కూర్చున్నాడు. సుధ మొహం లో ఆందోళన స్పష్టంగా కనిపిస్తోంది. ఎంత సేపు కూర్చొన్నా గాలివాటం ఆతని బరువు కి సరిపోయినంత అవటం లేదు. వాయు దేముడి కి వీళ్ళ ప్రస్తుత పరిస్థితి అర్ధమైనట్టుగా తన వంతు సాయంగా కొంచం పక్కకు తప్పుకున్నాడు. ఇలాంటి అప్పుడు డైవింగ్ చెయ్యడం ప్రాణాంతకం. అయినా సరే మనోహర్ గెంతడానికి ఉత్సాహంగా వున్నాడు. సడన్ గా సుధ గబగబగా మనోహర్ దగ్గరకి వెళ్లి చెయ్యి పట్టుకొని "ఇది వొద్దండీ. ముందుకి పోదాం" అంటూ అతనిని గట్టిగా పెట్టుకొంటూ ప్రాధేయ పడింది.


“డబ్బులు పొతే పొయ్యాయి. పోదాం. నాకు భయంగా వుంది” అని ప్రాధేయ పడింది. మనోహర్ మొహం వెలిగి పోయింది. ఆమె చెయ్యి పట్టుకొని ఆప్యాయంగా వెనుదిరిగాడు.


ఇదేగా కావలిసింది.


కారు ‘మనాలి’ వైపు మెల్లగా సాగిపోతోంది. ఘాట్ రోడ్ మెలికలు, చల్లటి వాతావరం, ప్రకృతి దృశ్యాలు వాళ్లని ఎక్కడికో సశరీరంగా తీసుకొని పోతున్నాయి. 'హిడింబి' టెంపుల్ అక్కడి ఆకర్షణల లో ఒకటి. అల్లాంటి టెంపుల్ ఇంకెక్కడా లేదు. ఆలు పరోటాలు, పెరుగు తో ఆరగించి ఆ టెంపుల్ చూడ్డానికి వెళ్లారు. మాయ బజార్ సినిమా లో సూర్యకాంతం ఘటోత్కచుడి అమ్మ. " సుపుత్రా !! మంచి పని చెయ్యరా కుమార. సంతోషిస్తాను" అనే డైలాగ్ వెంటనే గుర్తుకొచ్చింది. ఆ టెంపుల్ అంతా మంచి కర్ర చెక్క తో నే కట్ట బడి ఉండటం ఒక ఆకర్షణ. ఎన్నాళ్ళో ఇయినా కర్ర చెక్కడాలు చెక్కు చెదరకుండా అలానే వున్నాయి. అక్కడనించి ‘రోతంగ్ పాస్' కి మన కార్ లో వెళ్లడం కష్టం. స్పెషల్ డ్రైవింగ్ అనుభవం అవసరం. అక్కడి వాళ్లు ప్రత్యేకంగా వాళ్ళ కార్ లోడ్రైవింగ్ చేసి తీసుకొని వెళుతారు.


‘రోహతాంగ్ పాస్’ భారతదేశానికి వ్యూహాత్మక ప్రాముఖ్యతను కలిగి ఉంది. ఈ పాస్ హిమానీనదాలు, శిఖరాలు, లాహాల్ వ్యాలీ మరియు చంద్ర నది యొక్క అందమైన దృశ్యాలను అందిస్తుంది. ‘గైపాన్’ యొక్క జంట శిఖరాలు ‘రోహ్తాంగ్’ నుండి కూడా కనిపిస్తాయి. ‘పాస్’ చెనాబ్ నది మరియు బియాస్ నది నీటి పరీవాహక ప్రాంతాల మధ్య ఉంది. ఇది ట్రెక్కింగ్ సూట్లకు ప్రవేశ ద్వారం. పారాగ్లైడింగ్, వాటర్ రాఫ్టింగ్ అక్కడ సాహస యాత్రల కి ఉత్తమ ఆకర్షణలు. మనాలి నించి రోతంగ్ కి యాభయ్ కిలోమీటర్స్ దూరం ఉంటుంది. అది 13, 000 ఫీట్ ఎత్తులో చల్లటి వాతావరణం లో ఆహ్లదకరంగా ఉంటుంది. ప్రతి ఏడాది మే నుంచి నవంబర్ వరకు దారి ఉంటుంది. తరువాత మంచు వల్ల సాధారణ ప్రజలకోసం మార్గం మూసివేయ బడుతుంది. లేహ్, లడఖ్ వెళ్ళాలి అంటే ఈ పాస్ గుండానే వెళ్ళాలి. సందర్శకుల్నిఇంత వరకే ఫ్రీగా వెళ్ళనిస్తారు.


కారు ఒక మంచి చోటు చూసి ఆపారు. ఒక చిన్న టెంట్ వీళ్ళ కోసం రెడీగా వేసి వుంది.. కారు దిగంగానే ఎదురుగా వున్న దృశ్యం చూస్తూ అలానే ఉండిపోయారు వాళ్ళు అందరూ. శీతాకాలంతో పాటు పర్వత వాలులలో విస్తరించిన మంచు దుప్పటి మీద సూర్యుడు తన బంగారు రంగులను చుట్టూ ఉంచాడు. ఇది నమ్మలేని అనుభూతి చెందడానికి ఒక దృశ్యం. వారు భూమి మీద తమ ఉనికిని మరచిపోయారు. ఇది మరువలేని దృశ్యం, అనుభవం. ప్రయాణం లో బడలిక అంతా మాయ మై కొత్త ఉత్తేజం ఆవరించింది. ఎంత సేపో అలా చుట్టూ చూస్తూనే ఉండిపోయారు. విశ్వనాథం సుమతి కూడా మనోహర్ సుధ ల తో బాటు చిన్నపిల్లలై పోయారు. ఆయన అప్రయత్నంగా ‘మను చరిత్ర లో ‘అల్లసాని పెద్దన్న’ రాసిన కవితను పఠించడం ప్రారంభించారు.


“అటజని కాంచె భూమిసురు డంబర చుంబి శిరస్సరజ్ఝరీ

పటల ముహుర్ముహుర్లుఠ దభంగ తరంగ మృదంగ నిస్వన

స్ఫుట నటనానుకూల పరిఫుల్ల కలాప కలాపి జాలమున్

గటక చరత్కరేణు కర కంపిత సాలము శీతశైలమున్”


మన్మధుడికి వయస్సుతో పని లేదు.


అలాంటి అనుభవాన్ని వివరించలేము, అది ఎవరికీ వారే అనుభవించాలి. చుట్టూ కొంత మంది ఇతర పర్యాటకులు అన్ని రకాల ఆటలు పాటల తో ఆనందిస్తున్నారు. వాళ్ళు పరిసరాల్ని కూడా లెక్క చెయ్య కుండా ఒకరి కి ఒకరు దగ్గరగా అల్లుకు పోయి కొంచం సేపు అలానే వుండి పోయారు. సుధ మనోహర్ ల కి ఇంత మంచి క్షణాలు మళ్ళీ మళ్ళీ రావు అని అర్ధమైంది. వాళ్ళ మొహం లో సంతోషం, ఆప్యాయత ఇంక వదిలిపోదు.


విశ్వనాథం గారి ప్రాజెక్ట్ సాధించ బడింది. ఇదేగా కావలసింది..


ఇంత లో అక్కడి గైడ్ లు చుట్టుముట్టారు. ఇక్కడ ఇంకొక ముఖ్య ఆకర్షణ స్కీయింగ్, యాక్ మీద సవారీ. సుధ 'యాక్ సవారి' మీద చిన్న పిల్లలా గెంతుతోంది. ఫోటోగ్రాఫర్స్ కి ఇది మంచి ఆదాయం. అవంగానే ఇద్దరూ స్కీయింగ్ చేద్దాము అని ముందుకు వచ్చారు.


పెద్ద వాళ్ళం ‘మేము చేయలేము, పిల్లలిద్దరూ వెళ్ళండి’ అని వాళ్ళని ప్రోత్సహించారు. ఎంత టైం గడిచిందో తెలియటం లేదు. ఎన్ని ఫొటోస్ తీయించుకొన్నారో తెలీదు. చాలా సార్లు పిలిచిన తరువాత అయిష్టంగా వెనక్కి వచ్చారు. వాళ్ళ మొహం లో వున్న ఆనందం, సంతోషం చూసి తీరాలిసిందే.అలసట అనిపించలేదు. కార్ లో మనోహర్ సుధ లు ఆ అనుభవాన్ని నెమరువేసుకొంటూ దగ్గరగా కూర్చొన్నారు.


విశ్వనాథం గారు మెల్లగా ఇలా అన్నారు. “ఇలాంటి అనుభవాన్ని జీవిత భాగ స్వామి తో, దగ్గర వాళ్లతో పంచుకోవడం, ఆనందించడం లో వున్నసంతృప్తి ఒంటరిగా ఉంటే దొరకదు. అందుకనే మన సాంప్రదాయం లో భార్య భర్త ల బంధానికి అంత గౌరవం ఇస్తారు. మా యాభయ్ సంవత్సరాల వైవాహిక జీవితం ఇంత అర్ధవంతంగా సుఖ సంతోషాలోతో గడిచి పోయింది అంటే ఆశ్చర్యం లేదు. ఒకరి నొకరు అర్ధం చేసుకుంటూ ఒకరి కోసం ఇంకొకరు బ్రతుకుతూ ఉన్నట్టు వుంటే ఇదే నిజమైన జీవితం.


కోప తాపాలు ప్రతి వారి జీవితం లో ఉంటాయి. ‘రాజీ’ అనేది చెడ్డ పదం కాదు. ఇది చాలా అర్థం, విలువను కలిగి ఉంది. ఇది జీవిత సత్యం. సుగమం అయిన జీవిత ప్రయాణానికి మంచి దారి. కలసి మెలసి అనుభవించడం లోనే పరమార్ధం వుంది. భార్య భర్తల సాంగత్యాన్ని వదులుకోకూడదు. ఎంత కష్టమైన, ఎలా పదిల పరచుకోవాలో చూసుకోవాలి. అర్ధం చేసుకొన్న వారికీ సుఖమయ మైన జీవితం వుంది. భార్య భర్తల సంబంధం కొన్ని చోట్ల అనివార్యంగా బాధాకరమైనది, ఇది మన రోజువారీ ఉనికిలో చూపబడుతుంది.


సంబంధంలో ఎటువంటి ఉద్రిక్తత లేకపోతే, అది సౌకర్యవంతమైన నిద్ర-స్థితి, అవుతుంది; ఇది చాలా మంది ప్రజలు కోరుకుంటారు, ఇష్టపడతారు. ఓదార్పు కోసం. ఈ కోరిక ఈ వాస్తవికత, భ్రమ మధ్య విభేదాలు ఉన్నాయి. మీరు ఆ భ్రమను గుర్తించినట్లయితే, మీరు దానిని పక్కన పెట్టడం ద్వారా, సంబంధం యొక్క అవగాహన మీదకు మీ దృష్టిని సారించి జీవితం లో సంతోషం సాధించ వచ్చు, ఇవ్వవచ్చు” అంటూ ఉద్వేగ భరితంగా మాట్లాడారు.


ఆ సమయం లో ఇది వాళ్ళ బుర్రల లోకి వెళుతుందని ఆయనకీ తెలుసు.

ఇదేగా కావలిసింది.


చీకటిపడుతుంటే మెల్లగా గెస్ట్హౌస్కి చేరారు. వేడివేడిగా పరోఠాలు, మసాలాకూర, పెరుగుతో డిన్నర్చేసి ఆరుబయట కుర్చీలలో కూర్చొన్నారు.


మర్నాడు బయలుదేరి వెనక్కి వెళ్ళిపోతాం అనే ఆలోచన అందరికి మెదిలింది. అప్పుడే ‘డెసెర్ట్‘ గా మంచి ఐస్క్రీంస్ వచ్చాయి. మూడ్మారింది.


హిందీ తెలుగు కలగాపొలఁగం చేస్తూ అంతాక్షరి పాడుకొన్నారు. మెల్లగా అలసట తెలుస్తోంది. నిద్రకు ఉపక్రమించారు.

ఇంకా ఉంది...

కర్తవ్యం - ఎపిసోడ్ 5 కోసం ఇక్కడ క్లిక్ చేయండి


వెదురుమూడి రామారావు గారి ప్రొఫైల్ కొరకు, మనతెలుగుకథలు.కామ్ లో వారి ఇతర రచనల కొరకు

ఇక్కడ క్లిక్ చేయండి.


కథలు, నవలలు మరియు జోకుల పోటీల వివరాల కోసం


ఇక్కడ క్లిక్ చేయండి.


మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).


https://www.youtube.com/channel/UCP4xPLpOxrVz33eo1ZjlesQ


ఇప్పుడు మనతెలుగుకథలు.కామ్ లో ప్రచురింపబడ్డ కథలను ఈ క్రింది లింక్ ద్వారా వినవచ్చును.

https://linktr.ee/manatelugukathalu

లింక్ క్లిక్ చేసి, google podcast/spotify podcast/apple podcast లలో మీకు అనువైన దానిని ఎంపిక చేసుకొని మంచి కథలను చక్కటి తెలుగు ఉచ్చారణలో వినండి.


మనతెలుగుకథలు.కామ్ వారి ఫేస్ బుక్ పేజీ చేరడానికి ఈ క్రింది లింక్ క్లిక్ చేయండి. లైక్ చేసి, సబ్స్క్రయిబ్ చెయ్యండి.


https://www.facebook.com/ManaTeluguKathaluDotCom


గమనిక : పాఠకులు తమ అభిప్రాయాలను మనతెలుగుకథలు.కామ్ వారి అఫీషియల్ వాట్స్ అప్ నెంబర్ : 63099 58851 కు పంపవచ్చును.

మాకు రచనలు పంపాలనుకుంటే మా వెబ్ సైట్ లో ఉన్న అప్లోడ్ లింక్ ద్వారా మీ రచనలను పంపవచ్చు.


లేదా story@manatelugukathalu.com కు text document/odt/docx రూపంలో మెయిల్ చెయ్యవచ్చు.


రచయిత పరిచయం: వెదురుమూడి రామారావు. M.Com; LLB;


https://www.manatelugukathalu.com/profile/vrr/profile


జననం:- జనవరి1945 విజయనగరం.

Till B.com – M.R college vizianagaram,

M.COM at Andhra university college of commerce –

LL.B at Osmania University Hyderabad.

Some diplomas and certifications.

రిటైర్డ్ వైస్ ప్రెసిడెంట్ - గ్లోబల్ ట్రస్ట్ బ్యాంకు / oriental bank of commerce– హైదరాబాద్

(21 years with Andhra Bank )–

4 years with a Bank in Oman and -10 years with a Global trust bank in various capacities.

Rich experience in Banking activities. Retired from active services in 2005.

Team member for campus recruitment of B.Tech students from various colleges for Infosys for 6 years.

Trainer in behavioral sciences. with Andhra bank training college and

Later a resource faculty at many organizations.

Played Tennis/ Hockey and basket ball.

రచనలు;

తెలుగు లో చాలా వ్యాసాలు :- సంగ్రహ ఆంధ్ర విజ్ఞాన కోసం . వాణిజ్యము / న్యాయ శాస్త్రము మొదలైనవి.

ప్రచురణలు –

ఇండియన్ ఇన్స్టిట్యూట్ అఫ్ బ్యాంకింగ్ ,హైదరాబాద్ ఇన్స్టిట్యూట్ అఫ్ ఎచ్ ఆర్ డీ , లింక్డిన్ ,

అల్ ఇండియా రేడియో హైదరాబాద్ లో స్కూల్ విద్యార్థుల కు (telugu) కామర్స్ లో పాఠాలు.

గెస్ట్ లెక్చరర్ గ చాలా కంపెనీస్ అండ్ బిజినెస్ స్కూల్స్.

Study handouts and matters for Bankers in the banker’s training college.

Recently in December 2019, one short story in Telugu was published in ' Aavirbhava" online magazine.

Two short stories in Telugu were published in the online magazine ‘Madhura Vaani’ in 2021-2022

Two stories published in "mana Telugu kadhalu.com"

Trying / pencil sketches/ painting and story writing and being active.

ప్రస్తుతం అమెరికా లో పిల్లల తో .

22 views0 comments