#TeluguKavithalu, #Kavitha, #Kavithalu, #TeluguPoems, #BulusuRavisarma, #బులుసురవిశర్మ, #RaNestham, #రానేస్తం
Ra Nestham - New Telugu Poem Written By - Bulusu Ravi Sarma
Published In manatelugukathalu.com On 27/01/2025
రా నేస్తం - తెలుగు కవిత
రచన: బులుసు రవి శర్మ
నేస్తం
ఎన్నెన్ని సాయంత్రాలు
నువ్వూ నేను
ఇక్కడ గడిపాం నేస్తం
ఈ గడ్డిపూలనడుగు
మన ఊసులు బాసలు
కథలుగా చెప్తాయి
మనం కల్సి నడిచిన ఈ బాటలో
ప్రతి ఇసుక రేణువు
నీ పాదాల మెత్తదనం చెపుతూ
కవిత్వం రాస్తాయి
మనం కూర్చున్న ఈ పార్కు బెంచి
నీ నా సాంగత్యపు వెచ్చదనం
మళ్లీ మళ్ళీ జ్ఞాపకం చేస్తుంది
ఆ సాయంత్రపు నీరెండ
ఆ ఇంద్రధనస్సు
ఆ పిల్ల తెమ్మర
దూరంగా వినిపించే మురళి
కాలం కర్కశంగా కాటు వేసినప్పుడు
నిశీధిలో నిలువెల్లా
వణికి నప్పుడు
ఒక తటిల్లతలా
స్వాంతన ఇస్తాయి
రా నేస్తం రా
ఈ జీవన సంధ్యలో మరోమారు అక్కడ కూర్చుందాం
ఆ మధుర క్షణాలు మళ్లీ మళ్ళీ
జ్ఞప్తికి తెచ్చుకుంటూ
మరి కొన్ని రోజులు బతుకుదాం
-బులుసు రవి శర్మ
రా నేస్తం: బి. రవి శర్మ
ఇంద్రధనుస్సు, ఉద్యాన వనం లో సంధ్యా సమయం లో హాయి గా కలుసుకోవటం ... పవిత్ర మైన ప్రేమ ...
వంటి చక్కటి "మై మరపించే - హాయి గొలిపే" పదాలు వాడారు
ధన్యవాదాలు ... ఇలాంటి కవితలు చదివితే లోకంలో యుద్ధాలు పోతాయి. ... ప్రేమ మందిరం అవుతుంది ఈ ప్రపంచం.
పి.వి. పద్మావతి మధు నివ్రితి