ప్రేమ
- Karlapalem Hanumantha Rao
- Apr 16
- 2 min read
#ప్రేమ, #Prema, #KarlapalemHanumantha Rao, #కర్లపాలెంహనుమంతరావు, #TeluguMoralStories, #నైతికకథలు
Prema - New Telugu Story Written By Karlapalem Hanumantha Rao
Published In manatelugukathalu.com On 16/04/2025
ప్రేమ - తెలుగు కథ
రచన: కర్లపాలెం హనుమంతరావు
కథా పఠనం: మల్లవరపు సీతారాం కుమార్
రాచకొండ ఎగువ ప్రాంతంలో మూడేళ్ళు వరసగా కరువు కాటకాలు తాండవించాయి. దిగవల్లి పల్లెలో మూడో నెల గర్భిణిగా వున్న చాకలి మల్లికి కడుపులో తీవ్రమైన నొప్పి మొదలయింది. పరీక్షించిన ఆచారి "వత్తిడి వల్ల గర్భసంచికి గాయమయింది. తులసాకు రసం వారం పాటు వాడితే గాని వాపు నెమ్మదించదు" అన్నాడు. పచ్చని మొక్క కొండమీద కనిపించి చాలా కాలమయింది. తులసి ఆకుల కోసం ఉన్న తన ఒక్క గాడిద మీద ఎక్కి పల్లంలోని అగ్రహారానికి బైలుదేరి వెళ్ళాడు మల్లి మొగుడు సాంబడు. రెండు రోజుల తరవాత ఓ గుప్పెడు ఆకులతో తిరిగి వచ్చాడు, కాని అతని వెంట వెళ్ళిన గాడిద కనిపించలేదు.
గాడిద 'ఏమైంద' ని అడిగితే.. తులసాకు ధర ఆకాశంలో ఉంది. మన బక్క జీవిని కుదవ పెట్టి ఈ గుప్పెడు ఆకు కొనుక్కొచ్చాను" అన్నాడు సాంబడు.
నివ్వెర పోయిన మల్లి 'గాడిదే లేనప్పుడు ఇంక దాని మువ్వల పట్టీ మాత్రం దేనికి?' అని అడిగింది సాంబడు చేతిలోని తోలుపట్టా వంక చూసి.
'గాడిద మెడలో మోగే మువ్వల సవ్వడి చెవిన బడితేగాని నాకు నిద్ర పట్టదు. నీకు తెలుసు కదే!' అన్నాడు తడి కళ్ళతో సాంబడు.
***
కర్లపాలెం హనుమంతరావు గారి ప్రొఫైల్ కొరకు, మనతెలుగుకథలు.కామ్ లో వారి ఇతర రచనల కొరకు
విజయదశమి 2025 కథల పోటీల వివరాల కోసం
కొసమెరుపు కథల పోటీల వివరాల కోసం
మేము నిర్వహించే వివిధ పోటీలలో రచయితలకు బహుమతులు అందించడంలో భాగస్వాములు కావాలనుకునే వారు వివరాల కోసం story@manatelugukathalu.com కి మెయిల్ చెయ్యండి.
మాకు రచనలు పంపాలనుకుంటే మా వెబ్ సైట్ లో ఉన్న అప్లోడ్ లింక్ ద్వారా మీ రచనలను పంపవచ్చు.
లేదా story@manatelugukathalu.com కు text document/odt/docx/docs రూపంలో మెయిల్ చెయ్యవచ్చు.
మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.
దయ చేసి సబ్స్క్రయిబ్ చెయ్యండి ( పూర్తిగా ఉచితం ).
మనతెలుగుకథలు.కామ్ వారి ఫేస్ బుక్ పేజీ చేరడానికి ఈ క్రింది లింక్ క్లిక్ చేయండి. లైక్ చేసి, సబ్స్క్రయిబ్ చెయ్యండి.
గమనిక : పాఠకులు తమ అభిప్రాయాలను మనతెలుగుకథలు.కామ్ వారి అఫీషియల్ వాట్స్ అప్ నెంబర్ : 63099 58851 కు పంపవచ్చును.
రచయిత పరిచయం:
కర్లపాలెం హనుమంతరావు -పరిచయం
రిటైర్డ్ బ్యాంకు అధికారిని. 20 యేళ్ళ వయస్సు నుంచి రచనా వ్యాసంగంతో సంబంధం ఉంది. ప్రింట్, సోషల్ మీడియాల ద్వారా కవిత్వం నుంచి నవల వరకు తెలుగు సాహిత్యంలోని ప్రక్రియలు అన్నింటిలో ప్రవేశం ఉంది. సినిమా రంగంలో రచయితగా పనిచేశాను. వివిధ పత్రికలకు కాలమిస్ట్ గా కొనసాగుతున్నాను. పోదీ కథల జడ్జి పాత్రా నిర్వహిస్తున్నాను. కథలకు , నాటక రచనలకు వివిధ పత్రికల నుంచి బహుమతులు, పురస్కారాలు సాధించాను. ప్రముఖ దినపత్రిక 'ఈనాడు' తో 25 ఏళ్ళుగా రచనలు చేస్తున్నాను. మూడేళ్ళు ఆదివారం అతిధి సంపాదకుడిగా పనిచేసిన అనుభవం నా ప్రత్యేకత.
Comentarios