వస్తున్నది యుగాది

#TeluguKavithalu, #Kavitha, #Kavithalu, #TeluguPoems, #NeerajaHariPrabhala, #నీరజహరిప్రభల, #VasthunnadiUgadi, #వస్తున్నదియుగాది

Vasthunnadi Ugadi - New Telugu Poem Written By Neeraja Hari Prabhala 

Published In manatelugukathalu.com On 30/03/2025

వస్తున్నది యుగాది - తెలుగు కవిత

రచన: నీరజ హరి ప్రభల 

(ఉత్తమ రచయిత్రి బిరుదు గ్రహీత) 

వస్తున్నది - ఉషస్సుతో  యుగాది  వత్సరము.

తెస్తున్నది  -  మనస్సులో  హర్షాతిరేకము.

వాసంత  సమీరంలో  క్రొంగొత్త  లేలేత  మావిచిగురులు  తిన్న  ఆమని  కుహు, కుహు  రాగాలు పాడగా,

షడ్రుచుల  ఉగాది పచ్చడి  జీవిత  అనుభవసారాన్నివ్వగా ,

కొత్త కవితలతో కవి సమ్మేళనము  పుంతలు త్రొక్కగా,

పండితుల  పంచాంగశ్రవణము  ఆశా సౌధములను   నిలుపగా,

రుచికరమైన మామిడిపండ్లు, తాటిముంజలతో  వేసవి తాపం చల్లారగా,

మత్తు గొలిపే  మల్లెల సుగంధాలతో మనసులెల్లా పరిమళించగా,

వసంతకాల ఆహ్లాదభరిత  ఆనంద  సౌరభాన్ని  ఆస్వాదిస్తూ,

గడచిన  కరోనా మహమ్మారి  పీడను మరిచి  మనోధైర్యంగా  నిశ్చింతగా ఉంటూ, 

మానవత్వ  విలువలనెరిగి అందరికీ  మధురమైన  ఆనందానుభూతులను  పంచుతూ, పెంచుతూ,

సుఖ జీవనయానంలో  సరాగాల  మధురిమలను  ఆస్వాదిస్తూ, 

అందరికీ  ప్రేమాప్యాయతలను  పంచుతూ ,  కనువిందుగా, సందడిగా  పండుగ  జరుపుకుంటూ ,

ఏ  బాధలు లేకుండా, రాకుండా మనసారా  ‘విశ్వావసు’  నామ  సంవత్సర  యుగాదిని  స్వాగతిద్దాము - కనులారా వీక్షిద్దాము.

శాంతి  సౌభ్రాతృత్వాన్ని  పొందుతూ  ప్రశాంత  జీవనం  సాగిద్దాం.

-నీరజ  హరి ప్రభల

https://www.manatelugukathalu.com/profile/neerajahari