అమ్మ కోసం

#TeluguKavithalu, #Kavitha, #Kavithalu, #TeluguPoems, #BulusuRavisarma, #బులుసురవిశర్మ, #AmmaKosam, #అమ్మకోసం

Amma Kosam - New Telugu Poem Written By - Bulusu Ravisarma

Published In manatelugukathalu.com On 23/01/2025

అమ్మ కోసం - తెలుగు కవిత

ఒడియా మూలం: శ్రీ దిలీప్ బలవంత రాయ్

తెలుగు సేత: రవి శర్మ

అబద్ధాలు నిజాలు 

నిండిన ప్రపంచం

నీ వొడి వీడిన తర్వాతే తెలుసుకున్నా!

ఆనందం  విషాదం 

నిండిన సమాజం

నీ చేయి వీడిన తర్వాతే 

అవగతం చేసుకున్నా!

వీనుల విందు 

అంటే ఏమిటో

నీ పిలుపు విన్న తరువాతే

తెలుసుకున్నా!

అనీర్వచనీయమైన 

అనుభూతి ఏమిటో

నీ స్పర్శ తర్వాతే 

తెలుసుకున్నా! 

రక్షణ కి మారు పేరు 

ఏమిటో

నీ కొంగు వీడిన తర్వాతే తెలుసుకున్నా!

కదిలే దేవత 

నీవేనని

నీ పాద స్పర్శ తర్వాతే తెలుసుకున్నా!

నీ వినా జీవనం మరణం 

ఒక్కటే నని ఈ బ్రతుకంతా 

వ్యర్థ మని కూడా 

తెలుసుకున్నా!

ఇంక పదాలే లేవు 

సాహిత్యంలో అని 

నీ గురించి రాసిన తర్వాతే తెలుసుకున్నా !

-బులుసు రవి శర్మ 

https://www.manatelugukathalu.com/profile/bvsr