ఆధ్యాత్మిక రాయలసీమ
- Gorrepati Sreenu
- Dec 22, 2025
- 2 min read
#AdhyatmikaRayalaseema, #ఆధ్యాత్మికరాయలసీమ - తెలుగు కవిత
రచన: గొర్రెపాటి శ్రీను, #GorrepatiSreenu, #గొర్రెపాటిశ్రీను, #TeluguKavithalu, #TeluguPoems
ఆధ్యాత్మిక సౌరభాలు వెదజల్లే ఆనందభరితమైన తెలుగువారి హృదయ సీమ రాయలసీమ
Adhyatmika Rayalaseema - New Telugu Poem Written By - Gorrepati Sreenu
Published In manatelugukathalu.com On 22/12/2025
ఆధ్యాత్మిక రాయలసీమ - తెలుగు కవిత
రచన: గొర్రెపాటి శ్రీను
ఆధ్యాత్మిక సౌరభాలతో వర్ధిల్లే మహిమాన్విత ప్రదేశం రాయలసీమ !
అగామి కాలజ్ఞాన కర్త, పురోగామి సమాజ సంస్కర్త గా
కీర్తించబడుతున్న బ్రహ్మం గారు పుట్టిన నేల రాయలసీమ !
మధురాతి మధురమైన గీతాలెన్నింటికో ప్రాణం పోసి
కలియుగ ప్రత్యక్ష దైవమైన శ్రీ వెంకటేశ్వర స్వామి అనుగ్రహాన్ని పొందిన
తిరుమల బాలాజీ భక్తుడు అన్నమయ్య నడయాడిన పుణ్యభూమి రాయలసీమ !
"తెలుగదేల యన్న దేశంబు తెలుగేను, తెలుగు వల్లభుండ తెలుగొకండ,
యెల్ల నృపులు గొలువ యెఱుగ వే బాసాడి, దేశ భాషలందు తెలుగు లెస్స"
అంటూ తెలుగు భాష ఔన్నత్యాన్ని
ప్రపంచానికి చాటిచెప్పిన శ్రీ కృష్ణదేవరాయల ఏలుబడిలో
రత్నాలు రాశులుగా పోసి అమ్మిన సిరుల మాగాణం ఈ నేల రాయలసీమ !
తిరుమలలో భూలోక వైకుంఠమై విరాజిల్లుతున్న శ్రీ వేంకటేశ్వరాలయం
శ్రీశైలంలో భ్రమరాంబికా దేవి సమేతుడైన మల్లికార్జునుడి గా
సేవలందుకుంటున్న శివయ్య కొలువై ఉన్న దివ్యక్షేత్రం దక్షిణకాశీ శివాలయం
అహోబిళం, శ్రీకాళహస్తి, మహానంది, యాగంటి, మంత్రాలయం,
కాణిపాకం విఘ్నేశ్వరాలయం
ఒంటిమిట్ట శ్రీ రామాలయం
వంటి ఎన్నో సుక్షేత్రాలు వెలసిన వేదభూమి రాయలసీమ!
పర్యాటకుల సందర్శనలతో వైభవంగా అలరారే ఆనందసీమ రాయలసీమ !
ఈ ప్రాంత ప్రజల పిలుపుల్లోని ఆప్యాయత, అనురాగాలు
తెలుగు భాషలో ప్రత్యేక యాస సుమధురిమలు బహు ప్రశంసనీయం !
మాతృభాషపై రాయలసీమ వాసులకు గల మమకారం, అనుబంధం,
సదా అభినందనీయం..ఆదర్శనీయం !
***
గొర్రెపాటి శ్రీను గారి ప్రొఫైల్ కొరకు, మనతెలుగుకథలు.కామ్ లో వారి ఇతర రచనల కొరకు
విజయదశమి 2025 కథల పోటీల వివరాల కోసం
కొసమెరుపు కథల పోటీల వివరాల కోసం
మేము నిర్వహించే వివిధ పోటీలలో రచయితలకు బహుమతులు అందించడంలో భాగస్వాములు కావాలనుకునే వారు వివరాల కోసం story@manatelugukathalu.com కి మెయిల్ చెయ్యండి.
మాకు రచనలు పంపాలనుకుంటే మా వెబ్ సైట్ లో ఉన్న అప్లోడ్ లింక్ ద్వారా మీ రచనలను పంపవచ్చు.
లేదా story@manatelugukathalu.com కు text document/odt/docx రూపంలో మెయిల్ చెయ్యవచ్చు.
మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.
దయ చేసి సబ్స్క్రయిబ్ చెయ్యండి ( పూర్తిగా ఉచితం ).
రచయిత పరిచయం:
గొర్రెపాటి శ్రీను కలం పేరుతో రచనలు చేస్తున్న నా పూర్తి పేరు నాగ మోహన్ కుమార్ శర్మ .
తల్లిదండ్రులు : శాంతకుమారి, కీ.శే.బ్రమరాచార్యులు
ఉద్యోగం : ప్రైవేటు కంపెనీలో మేనేజర్.
చదువు : డిప్లమా ఇన్ మెకానికల్ ఇంజనీరింగ్ (బి.టెక్)
వెలువరించిన పుస్తకాలు:
"వెన్నెల కిరణాలు" కవితా సంపుటి(2019),
"ప్రియ సమీరాలు"కథాసంపుటి(2023),
"ప్రణయ దృశ్య కావ్యం" కథాసంపుటి(2025).
ప్రస్తుత నివాసం: హైదరాబాద్.
Comments