ఆకలి మంటలు
- Mohana Krishna Tata
- Jul 29
- 2 min read
#MohanaKrishnaTata, #తాతమోహనకృష్ణ, #AkaliMantalu, #ఆకలిమంటలు, #TeluguComedyStories, #తెలుగుహాస్యకథలు, #కొసమెరుపు
Akali Mantalu - New Telugu Story Written By Mohana Krishna Tata
Published In manatelugukathalu.com On 29/07/2025
ఆకలి మంటలు - తెలుగు కథ
రచన: తాత మోహనకృష్ణ
భర్త రామ్ ఆఫీస్ నుంచి ఇంటికి వచ్చేసరికి ఏడుస్తూ కూర్చుంది భార్య శాంతి. భార్యని అలా చూస్తూ కంగారుపడ్డాడు రామ్
"ఏమైంది? ఎందుకలా ఏడుస్తున్నావు? అందరూ బాగానే ఉన్నారు కదా?" అని అడిగాడు.
భర్తని చూసి, ఏడుపు శబ్దం బాగా పెంచేసింది శాంతి.
"ఏం బాగోలేదండి. చాలా కష్టాల్లో ఉన్నారండి.. పాపం తినడానికి కూడా లేదు. బండెడు సంసారం నడిపించలేక ఇబ్బంది పడుతున్నారు. సంతోషంగా పూరీ-కూర తిందామని కిచెన్ లోకి వెళ్ళగా, గోధుమపిండి అయిపోయిందట. వాళ్ళకి సాయం చేసేవారు ఎవరూ లేరండి పాపం. అసలే వాళ్ళు బెస్ట్ క్వాలిటీ పిండి వాడతారట. కొనడానికి డబ్బులు తక్కువయ్యాయంట..చాలా పేదరికంలో ఉన్నారండి"
"మనం చేయదగిన సహాయం చేద్దాంలే.. ఏడవకు. ఇంతకు గోధుమపిండి ఎంత కావాలో?"
"ఏమోనండి. మంచి క్వాలిటీ అయితే బాగుంటుంది.. పూరీ కూడా చేసి పెడితే తృప్తిగా తింటారు."
"ఏదో మనకు తోచిన సహాయం చేద్దాం. నువ్వే సామానులు కొని వాళ్ళకి ఇచ్చి, ధైర్యం చెప్పు..బాగుంటుంది"
"అసలే నాకు వంట రాదు. నేను వండి పెడితే..అది తిని వాళ్ళకి జీవితం పైన విరక్తితో ఏమైనా చేసుకుంటారేమో" అంటూ ఏడుపు మొదలెట్టింది
"నువ్వు అలా ఏడవకే! ఊరుకో. ఎవరైనా నిన్ను ఇలా చూసారంటే, నేను పోయానేమో అనుకుంటారు..నేనే వెళ్తానులే"
"నేను బతికుండగా మీరు ఎలా పోతారు లెండి? మీరు పొతే, ఇంటి పని ఎవరు చేస్తారు చెప్పండి?"
"ఇలాంటి టైంలో కూడా నీ వెధవ కామెడీ ఒకటి. ఇంతకీ ఎవరు వాళ్ళు? నీకు చాలా దగ్గర వాళ్ళా?"
"అవునండి బాగా తెలిసిన వాళ్ళు. రోజూ నేను వాళ్ళను చూస్తూనే ఉంటాను. పాపం అలాంటి కష్టాలు పగవాళ్ళకి కూడా రాకూడదండి." అంటూ విలపిస్తోంది శాంతి.
"నిజమే. ఎవరూ కూడా ఇలా ఆకలితో బాధపడకూడదు. నేనే రుచిగా పూరీలు చేసి వాళ్ళకి పెడతాను. ఈ పరిస్థితిలో వాళ్ళు పాపం ఏం చేసుకుంటారు?"
"మీది నిజంగా చాలా మంచి మనసండి. మీరు కొంచెం నటించడం కూడా నేర్చుకోవాలి."
"పర్వాలేదు. బాధలో ఉన్నవారితో ఎలా మాట్లాడాలో నాకు ట్రైనింగ్ అక్కర్లేదు. నేను బాగా నటించగలను."
"అది కాదండి. అక్కడ జరుగుతున్న 'ఆకలి మంటలు' సీరియల్ లో ఫ్యామిలీకి మీరు వంట చేసి పెట్టండి..పుణ్యం వస్తుంది. కొంచెం ధైర్యం కూడా చెప్పి రండి. రోజూ టీవిలో చూసే నాకు ఇక్కడ దుఃఖం ఆగట్లేదు. వాళ్ళకేమైనా అయితే నేను అస్సలు తట్టుకోలేను." అంటూ ఏడుపు సౌండ్ డాల్బీ రేంజ్ లో పెంచేసింది
"ఇదంతా సీరియల్ గోలా? ఎంతసేపు ఆ సీరియల్ గొడవే కానీ, ఆఫీస్ నుంచి ఇంటికి వచ్చిన నాకు కాఫీ ఏది? నిన్ను సీరియల్ చూడనివ్వడమే పెద్ద తప్పు..ఇంకా అక్కడికి వెళ్లి వాళ్ళ కన్నీళ్లు తుడవాలా?" అంటూ టీవీ రిమోట్ నేలకేసి కొట్టాడు రామ్.
*********
తాత మోహనకృష్ణ గారి ప్రొఫైల్ కొరకు, మనతెలుగుకథలు.కామ్ లో వారి ఇతర రచనల కొరకు
యూట్యూబ్ లోకి అప్లోడ్ చేయబడ్డ తాత మోహనకృష్ణ గారి కథలకు సంబంధించిన ప్లే లిస్ట్ కోసం
విజయదశమి 2025 కథల పోటీల వివరాల కోసం
కొసమెరుపు కథల పోటీల వివరాల కోసం
మేము నిర్వహించే వివిధ పోటీలలో రచయితలకు బహుమతులు అందించడంలో భాగస్వాములు కావాలనుకునే వారు వివరాల కోసం story@manatelugukathalu.com కి మెయిల్ చెయ్యండి.
మాకు రచనలు పంపాలనుకుంటే మా వెబ్ సైట్ లో ఉన్న అప్లోడ్ లింక్ ద్వారా మీ రచనలను పంపవచ్చు.
లేదా story@manatelugukathalu.com కు text document/odt/docx రూపంలో మెయిల్ చెయ్యవచ్చు.
మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.
దయ చేసి సబ్స్క్రయిబ్ చెయ్యండి ( పూర్తిగా ఉచితం ).
మనతెలుగుకథలు.కామ్ వారి ఫేస్ బుక్ పేజీ చేరడానికి ఈ క్రింది లింక్ క్లిక్ చేయండి. లైక్ చేసి, సబ్స్క్రయిబ్ చెయ్యండి.
గమనిక : పాఠకులు తమ అభిప్రాయాలను మనతెలుగుకథలు.కామ్ వారి అఫీషియల్ వాట్స్ అప్ నెంబర్ : 63099 58851 కు పంపవచ్చును.
రచయిత పరిచయం:
Profile Link:
YouTube Playlist Link:
నా పేరు తాత మోహనకృష్ణ. నాకు చిన్నతనం నుండి కథలంటే ఇష్టం. చందమామ, వార పత్రికలలో కథలు, జోక్స్ చదివేవాడిని. అలా, నాకు సొంతంగా కథలు రాయాలని ఆలోచన వచ్చింది. చిన్నప్పుడు, నేను రాసిన జోక్స్, కథలు, కొన్ని వార పత్రికలలో ప్రచురింపబడ్డాయి. నేను వ్రాసిన కధలు గోతెలుగు.కామ్, మనతెలుగుకథలు.కామ్ లాంటి వెబ్ పత్రికలలో ప్రచురింపబడ్డాయి. బాలల కథలు, కామెడీ కథలు, ప్రేమ కథలు, క్రైం కథలు రాయడమంటే ఇష్టం.
ధన్యవాదాలు
తాత మోహనకృష్ణ
Comments