బతుకమ్మ రావమ్మా

#TeluguKavithalu, #Kavitha, #Kavithalu, #TeluguPoems, #అద్దంకిలక్ష్మి, #AddankiLakshmi, #BathukammaRavamma, #బతుకమ్మరావమ్మా

Bathukamma Ravamma - New Telugu Poem Written By Addanki Lakshmi

Published In manatelugukathalu.com On 22/09/2025

బతుకమ్మ రావమ్మా - తెలుగు కవిత

రచన: అద్దంకి లక్ష్మి 

బతుకమ్మ బతుకమ్మ ఉయ్యాలో

బంగారు బతుకమ్మ ఉయ్యాలో

ఎంగిలి బతుకమ్మ ఉయ్యాలో

ఎల్లవేళ కాపాడమ్మ ఉయ్యాలో

పూలన్నీ తెచ్చాము ఉయ్యాలో 

పిల్లా పాపాలొచ్చే ఉయ్యాలో

తీరొక్క పూలు ఉయ్యాలో 

తిరిగి తిరిగి తెచ్చే ఉయ్యాలో

తంగేడు పూలతో ఉయ్యాలో 

తగురీతిగా పెట్టే ఉయ్యాలో

గునుగు పూలు తెచ్చే ఉయ్యాలో 

గుమ్మడి ఆకులు పైనా ఉయ్యాలో

బంతి చామంతులు ఉయ్యాలో 

పసిడి కాంతులీనే  ఉయ్యాలో

మందార పూలన్నీ ఉయ్యాలో 

మల్లెపూలు కూడా ఉయ్యాలో

పసుపు కుంకుమలు  ఉయ్యాలో 

పావన తల్లికి ఉయ్యాలో

అత్త కోడలంతా ఉయ్యాలో

ఆడి పాడి నారు ఉయ్యాలో

వనితాలందరు చేరి ఉయ్యాలో 

వరము లీయవె తల్లి ఉయ్యాలో

పండ్లు పాలు తెచ్చే ఉయ్యాలో 

పరమాన్నం చేసి ఉయ్యాలో

అందరూ కలిశాము ఉయ్యాలో

హారతు లిచ్చాము ఉయ్యాలో

బతుకమ్మ బతుకమ్మ ఉయ్యాలో 

బాగుగా దీవించు ఉయ్యాలో

---------------------------------------------------------

అష్టాదశ పీఠాలు - బతుకమ్మ పండుగ

బతుకమ్మ బతుకమ్మ ఉయ్యాలో 

బంగారు బతుకమ్మ ఉయ్యాలో

అష్టాదశ పీఠాలు ఉయ్యాలో 

అష్ట ఐశ్వర్యాలు ఇచ్చే ఉయ్యాలో

శ్రీ శాంకరీ దేవి ఉయ్యాలో

శ్రీలంక వెలసిన ఉయ్యాలో

మమ్మేల రావమ్మా ఉయ్యాలో

శ్రీ కామాక్షి దేవి ఉయ్యాలో

 కాంచీపుర వాసిని ఉయ్యాలో

 చింతలు తీర్చవే ఉయ్యాలో

శ్రీ శృంఖల దేవి ఉయ్యాలో

ప్రద్యుమ్న వాసినీ ఉయ్యాలో

పాపాలు పోగొట్టు ఉయ్యాలో

శ్రీ చాముండేశ్వరి ఉయ్యాలో

క్రౌంచపురవాసిని ఉయ్యాలో

కావిత ఫలాదాయని ఉయ్యాలో

శ్రీ జోగులాంబ దేవి ఉయ్యాలో

అలంపుర వాసినీ ఉయ్యాలో

సర్వార్థ ఫలదాయని ఉయ్యాలో 

శ్రీ భ్రమరాంబికా దేవి ఉయ్యాలో

శ్రీశైలవాసినీ ఉయ్యాలో 

శుభములు చేకూర్చే ఉయ్యాలో

శ్రీ మహాలక్ష్మి దేవి ఉయ్యాలో

కొల్హాపుర పీఠం ఉయ్యాలో

కోరికలు తీర్చమ్మా ఉయ్యాలో

శ్రీ ఏకవీరా దేవి ఉయ్యాలో

నాందేడు వాసిని ఉయ్యాలో

భవాని వేద ప్రఖ్యాత ఉయ్యాలో

శ్రీ మహాకాళి దేవి ఉయ్యాలో 

ఉజ్జయిని తల్లి ఉయ్యాలో

 వాంఛి తార్థప్రదాయనీ ఉయ్యాలో

శ్రీపురుహూతికా దేవి ఉయ్యాలో

పిఠాపురంలో వెలసిన ఉయ్యాలో

భక్తుల బ్రోచేటి ఉయ్యాలో

శ్రీ గిరిజా దేవి ఉయ్యాలో

ఓఢ్ర దేశం లో వెలసిన ఉయ్యాలో

సిరిసంపదలియమ్మ ఉయ్యాలో

శ్రీ మాణిక్యాంబ ఉయ్యాలో

దాక్షాయని దేవి ఉయ్యాలో

భక్తులకు మోక్షమిచ్చే ఉయ్యాలో

శ్రీ కామరూపిణి దేవి ఉయ్యాలో

హరి క్షేత్ర వాసిని ఉయ్యాలో

మమ్ముగాచే తల్లి మహేశ్వరి ఉయ్యాలో

శ్రీ మాధవేశ్వరి ఉయ్యాలో

త్రివేణి సంగమ ప్రయాగ వెలసిన ఉయ్యాలో

భక్తి ముక్తి ప్రదాయని ఉయ్యాలో

శ్రీ వైష్ణవి దేవి ఉయ్యాలో

జ్వాలా కేతం ఉయ్యాలో

జ్ఞాన వైరాగ్య మిచ్చే ఉయ్యాలో

శ్రీ మాంగళ్య గౌరీ ఉయ్యాలో

గయాక్షేత్ర వాసినే ఉయ్యాలో

మమ్ము బ్రోవు తల్లి ఉయ్యాలో

శ్రీ విశాలాక్షి దేవి ఉయ్యాలో 

వారణాసి శివాంతికే ఉయ్యాలో

అన్నపూర్ణాదేవి ఉయ్యాలో

శ్రీ సరస్వతి దేవి ఉయ్యాలో

కాశ్మీర పురవాసిని ఉయ్యాలో

మహావిద్య జ్ఞాన ప్రదాయిని ఉయ్యాలో

చల్లంగా చూడమ్మా ఉయ్యాలో

బతుకమ్మ కొలిచేము ఉయ్యాలో

బంగారు బతుకమ్మ ఉయ్యాలో

***

అద్దంకి లక్ష్మి  గారి ప్రొఫైల్ కొరకు, మనతెలుగుకథలు.కామ్ లో వారి ఇతర రచనల కొరకు 

 ఇక్కడ క్లిక్ చేయండి.

విజయదశమి 2025 కథల పోటీల వివరాల కోసం

ఇక్కడ క్లిక్ చేయండి.

కొసమెరుపు కథల పోటీల వివరాల కోసం

ఇక్కడ క్లిక్ చేయండి.

మేము నిర్వహించే వివిధ పోటీలలో రచయితలకు బహుమతులు అందించడంలో భాగస్వాములు కావాలనుకునే వారు వివరాల కోసం story@manatelugukathalu.com కి మెయిల్ చెయ్యండి.

మాకు రచనలు పంపాలనుకుంటే మా వెబ్ సైట్ లో ఉన్న అప్లోడ్ లింక్ ద్వారా మీ రచనలను పంపవచ్చు.

లేదా story@manatelugukathalu.com కు text document/odt/docx రూపంలో మెయిల్ చెయ్యవచ్చు.

 మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ 

మనతెలుగుకథలు.కామ్ వారి ఫేస్ బుక్ పేజీ చేరడానికి ఈ క్రింది లింక్ క్లిక్ చేయండి. లైక్ చేసి, సబ్స్క్రయిబ్ చెయ్యండి.

https://www.facebook.com/ManaTeluguKathaluDotCom

గమనిక : పాఠకులు తమ అభిప్రాయాలను మనతెలుగుకథలు.కామ్ వారి అఫీషియల్ వాట్స్ అప్ నెంబర్ : 63099 58851 కు పంపవచ్చును.

రచయిత్రి పరిచయం: అద్దంకి లక్ష్మి

https://www.manatelugukathalu.com/profile/addankilakshmi

నా పేరు శ్రీమతి అద్దంకి లక్ష్మి

జన్మ స్థలం:రాజమహేంద్రవరం

డేట్ అఫ్ బర్త్

3_6_1946.

నివాసం: నవీ ముంబయి

విద్యార్హతలు:

బి.ఎ; బి. ఇడి

**వృత్తి:విశ్రాంత ఉపాధ్యాయిని,

బాంబే మునిసిపల్ కార్పొరేషన్

**తల్లిదండ్రులు: శ్రీమతి రత్నమ్మ గారు_శ్రీరామ మూర్తి గారు.

భర్త:శ్రీ వేంకటేశ్వర రావు;

విశ్రాంత జాయింట్ కమిషనర్, ఆదాయపు పన్ను శాఖ

**కుమారుడు:

గిరిధర్ సిఏ;ఎంబీఏ; శాక్రమెంటో కాలిఫోర్నియా,

**కూతురు:మాధురి వెబ్ మేనేజర్ న్యూయార్క్ స్టేట్ అమెరికా.

అల్లుడు మధుసూదన్ అమెరికా

వృత్తి/ప్రవృత్తిలో ముఖ్య ఘట్టాలు

**నూతన విద్యా విధానం గురించి ఉపాధ్యాయులకు శిక్షణ ఇచ్చి,ఉత్తమ రిసోర్స్ పర్సన్ టీచర్ గా పురస్కారం పొందాను,

నిరక్షరాస్యతను నిర్మూలించుటకు

సేవా కార్యక్రమాలు నిర్వహించాను,,

నాటకాలు వ్రాసి

విద్యార్థుల నాటకాలు

వేయించాను బెస్ట్ డైరెక్టర్ బెస్ట్ రైటర్ అవార్డులు పొందాను,

సౌత్ ఇండియన్ భాషలలో వేయించిన నాటకాల్లో, పిల్లలకు బెస్ట్ యాక్టర్ గా పురస్కారాలు లభించాయి

చదువులో వెనుకబడ్డ విద్యార్థులకు ప్రత్యేకంగా పాఠాలు చెప్పి వారి విద్యాభివృద్ధికి తోట్పడినాను,

**తెలుగు రచయితల సంఘం మహారాష్ట్ర వారి సంకలనాలలో కథ,కవిత రాసి పురస్కారాలు పొందాను,

**ఆల్ ఇండియా రేడియో తెలుగు కేంద్రంలో ఢిల్లీలో నాలుగేండ్లు తెలుగులో వార్తలు చదివిన అనుభవం

**ఎంప్లాయిమెంట్ న్యూస్ పేపర్ లో నాలుగేండ్ల అనుభవం

సాహితీ జీవితం_రచనలు

**వివిధ సాహితీ సమూహాల్లో కథలు,కవితలు రాస్తుంటాను

**ఆంధ్ర ప్రభ,ఆంధ్ర పత్రికల్లో కథలు, వ్యాసాలు ప్రచురించ బడ్డాయి

ఆంధ్రప్రభ పత్రికలో కథలకు బహుమతులు పొందాను

**అనేక సమూహాల్లోని

ఇ-సంకలనాలలో నా కథలు,కవితలు,

పద్యాలు ప్రచురించ బడినవి

కవితలకు కథలకు బహుమతులు పొందినాను

నేను రాసిన

కవితలు మరియు ప్రక్రియలు 4000 పైగా

**మినీ కవితలు

పంచపదులు

సున్నితాలు

ఇష్టపదులు

**గేయాలు

**వ్యాసాలు

**నాటకాలు

పద్యాలు

గజల్స్

కథలు

రుబాయీలు

బాల సాహిత్యం

**పేరడీ పాటలు 20 వివిధ దిన పత్రికలలో ప్రచురించబడ్డాయి

*సాహిత్య సేవ

తేనియలు,

తొణుకులు,

చిలక పలుకులు,

పరిమళాలు,

మధురిమలు,

ముత్యాలహారాలు,ఇష్టపదులు,

సకినాలు,

సున్నితాలు,

పంచ పదులు, బాల పంచ పదులు, నానీలు అనేక లఘు కవితా ప్రక్రియల్లో అన్నిట్లోనూ శతాధికంగా కవితలు రాసి, ప్రశంసా పత్రాలను పొందినాను,

**1500 వందలకు పైగా ప్రశంసా పత్రాలు పొందాను

**సాహితీ చక్రవర్తి, ఇష్టపది శ్రేష్ఠ,కవన కిరణం, అక్షర ఝరి , పంచపది కవి రత్న లాంటి , సాయి వనములో సాహిత్యం నుంచి కవన రత్న, కథా భూషణ్, మెదక్ జిల్లా విశిష్ట పురస్కారం, ఏకె మీడియం ముంబై వారి పురస్కారం, నారీ శ్రీ, సున్నితార పురస్కారం,,

అన్ని గ్రూపుల నుంచి,

15 బిరుదులు పొందడం జరిగినది,

ఆగస్టు 2022లో అమ్మ అంశముపై నేను రాసిన పద్యములకు,,

2 సున్నితాల ప్రక్రియ లో కవితకు కూడా ఇండియా బుక్ ఆఫ్ రికార్డ్స్ లో నమోదైనను,

రెండుసార్లు ఇండియా బుక్ ఆఫ్ రికార్డ్స్ లో నమోదయ్యాను,

1.ప్రచురణ,,,

1 ,కవితా కుసుమాలు పుస్తకాన్ని ప్రచురించుకున్నాను,