సాహస బాలుడు జిత్తు
- Nallabati Raghavendra Rao
- Apr 27
- 7 min read
#NallabatiRaghavendraRao, #నల్లబాటిరాఘవేంద్రరావు, #SahasaBaluduJitthu, #సాహసబాలుడుజిత్తు, #TeluguStories, #తెలుగుకథలు
Sahasa Baludu Jitthu - New Telugu Story Written By - Nallabati Raghavendra Rao
Published In manatelugukathalu.com On 27/04/2025
సాహస బాలుడు జిత్తు - తెలుగు కథ
రచన: నల్లబాటి రాఘవేంద్ర రావు
(ప్రముఖ రచయిత బిరుదు గ్రహీత)
కథా పఠనం: మల్లవరపు సీతారాం కుమార్
జిత్తుకు మూడవ సంవత్సరం పూర్తవబోతోంది. వచ్చి రాని మాటల జిత్తు ఒకరోజు తన తల్లి ప్రమీలతో బయటకు వెళ్ళాడు.
''జిత్తు.. నువ్వు ఈ పోల్ పట్టుకొని ఇక్కడే నిలబడు. నేను రోడ్డు అవతల షాపుకు వెళ్లి రెండు నిమిషాల్లో నాకు కావాల్సింది కొనుక్కొని వచ్చేస్తాను. నువ్వు ఈ టౌన్ లో ఈ జనం, ఈ వాహనాలు మధ్యలోంచి అటు వైపుకు రాలేవు. అవతలకు రావద్దు. నేను రెడ్ సారీ కట్టుకున్నాను కదా.. గుర్తుపెట్టుకుని నన్నే చూస్తూ ఉండు. నేను కూడా అటువైపు నుంచి నిన్నే చూస్తూ ఉంటాను. ఇది సిటీ బస్సు స్టాండ్. ఇప్పుడే వచ్చేస్తాను జాగ్రత్త. '' అంటూ జిత్తు తల్లి ప్రమీల గబ గబా రోడ్డు దాటి అటు వైపుకు వెళ్లి తనకు కావలసినది ఒక షాపులో కొను క్కుంటూ జిత్తూ జాగ్రత్తగా అక్కడే ఉన్నాడో లేదో అని ఇటువైపు కూడా చూస్తుంది మధ్య మధ్యలో.
రెండు సిటీ బస్సులు వచ్చి జనాన్ని ఎక్కించుకొని వెళ్లిపోయాయి. మూడవ సిటీ బస్సు వచ్చి జనాన్ని ఎక్కించుకొని వెళ్లేసరికి చూస్తే ఆ పోల్ ని పట్టుకొని నిలబడిన జిత్తు కనపడలేదు. ప్రమీల కంగారుపడి సామానులు కొనుక్కోవడం వదిలి ఇటువైపుకు వచ్చి అంతా వెతికి అక్కడి షాపులు వాళ్లను కూడా అడిగి ఫలితం లేకపోవడంతో భయపడి అక్కడ కూర్చుండి పోయి ఏడుపు మొదలెట్టింది.
మూడవ సిటీ బస్సు కిటికీ దగ్గర ఎర్ర చీర కట్టుకొని కూర్చున్న ఆవిడ తన తల్లి అని భ్రమించి, అపోహ పడి తను ఎక్కుతున్నానని తనకన్నా ముందు తన తల్లి బస్సు ఎక్కేసిందని తలంచి తను కూడా గబ గబా ఆ సిటీ బస్సు ఎక్కేసాడన్నమాట జిత్తు.. ఇదీ అసలు జరిగిన విషయం.
టిక్కెట్లు కొడుతున్న కండక్టర్ అది పూర్తికాగానే మూడు సంవత్సరముల జిత్తు బస్సులో ఒంటరిగా నిలబడి ఉండడం గ్రహించి దగ్గరకు వచ్చి.. వంగి నెమ్మదిగా వివరం అడిగాడు.
''అమ్మ రెడ్ చీర.. అమ్మ రెడ్ చీర ''''అంటున్నాడు జిత్తు కళ్ళు గుండ్రంగా తిప్పుతూ.
కండక్టర్ ఇది మిస్సింగ్ కేసు అని అర్థమైపోయి బస్సు లోని వాళ్లను అందరిని అడిగాడు.. ఈ పిల్లాడు ఎవరి తాలూకా అని.. అయితే అందరూ తెలియదు అని చెప్పారు.
అయితే జిత్తు గట్టి ధైర్యంతో బుగ్గలు చొట్టలు పడేలా బస్సులోని అందరి వైపు చూస్తూ నవ్వడం బస్సులోని అందరకు ముచ్చటేసింది.
అందరూ.. ఆ పిల్లాడిని తమ ఇంటికి తీసుకపోతే బాగుండు.. అన్నట్టు మనసులో అనుకుంటున్నట్టు ఉంది అక్కడ వాతావరణం.
కండక్టర్ చేసేది లేక కొంచెం దూరంలో ఉన్న పోలీస్ స్టేషన్ దగ్గర బస్సును ఆపుచేసి జరిగింది వివరంగా రాసి ఇచ్చి అక్కడ జిత్తును అప్పచెప్పాడు.
జిత్తు నవ్వుతూ అక్కడున్న కుర్చీలో కూర్చున్నాడు. అంతేనా పక్కనే మరో కుర్చీలో ఉన్న ఓ ఎర్ర టోపీని తీసుకుని తన నెత్తిమీద పెట్టుకుని.. '' హీ హీ హీ హీ హీ హీ '' అని నవ్వడం మొదలెట్టాడు. ముచ్చటపడిన పోలీసులు బిస్కెట్లు, పాలు తెప్పించారు.
జిత్తు స్టేషన్లో ఏమాత్రం జంకు లేకుండా కలతిరుగుతూ అక్కడ సామాన్లు అన్నీ సదరడం మొదలు పెట్టాడు. ఏదో కనబడినట్లు సడన్గా క్రిందకు వంగి ఎస్ఐ గారి బల్లకింద పాతబూట్లు లో ఉన్న రెడ్ కలర్ పెన్ డ్రైవ్ ను తీసి బల్లపైన పెట్టాడు. ఆరు నెలల నుండి కనపడ కుండా పోయిన అతి ముఖ్యమైన ఆ పెన్ డ్రైవ్ దొర కడంతో స్టేషన్లో అందరూ కళ్ళు పెద్దవి చేసుకొని జిత్తుని ఎత్తు కొని ముద్దుల్లో ముంచేశారు.. ఎస్ఐతో సహా.
ఈలోగా కంప్లైంట్ ఇవ్వడానికి బిట్టు తల్లి ప్రమీల స్టేషన్కు వచ్చేసింది.
అక్కడ తన కొడుకును చూసి 'బాబు' అంటూ దగ్గరకు వెళ్ళబోయింది. ఎస్సై లేచి ఆమెకు అడ్డు పడ్డాడు.
''బాబు.. ఈవిడ మీ అమ్మగారేనా'' అని అడిగాడు జిత్తును చూస్తూ ఎస్సై.
జిత్తు తన తలను అడ్డంగా తిప్పుతూ.. '' కాదు కాదు.. ''. అన్నాడు గట్టిగా తన చేతిలో బిస్కెట్లను విసిరేస్తూ. ఆశ్చర్యపోయింది ప్రమీల. పోలీసులకు ప్రమీల ఎంత చెప్పినా వినలేదు. ఆమెను ఒకదొంగ తల్లిగా గ్రహించి ఓ పక్కన కూర్చోమన్నారు.
కుర్చీ మీద దర్జాగా కూర్చున్న జిత్తు బుగ్గలు చొట్టలు పడేలా పెదాలు రెండు సాగదీస్తూ మరో బిస్కెట్ ప్యాకెట్ విప్పుకొని తింటూ తింటూ పాలు తాగు తున్నాడు.
ప్రమీల మళ్లీ ఏడుపు మొదలెట్టింది పరిస్థితి అర్థం కాక.
'నువ్వు ఈ పిల్లాడిని ఎక్కడినుండో ఎత్తుకొచ్చావు. కనపడకపోయేసరికి ఇప్పుడు తప్పిపోయాడు.. అంటూ వచ్చావు. అవునా చెప్పు.. '' చాలా గట్టిగా ప్రమీలను నిలదీశాడు ఎస్సై. ప్రమీల తన సెల్లో ఫోటోలు చూపించాలని, తన భర్తకు ఫోన్ చేయాలని ప్రయత్నించింది. చార్జింగ్ ఒక పాయింట్ మాత్రమే ఉంది. కాసేపు ఛార్జ్ చేయమంది సెల్ ని. పోలీసులు.. ఇలాంటి దొంగవాళ్ళ మాటలు మనం నమ్మకూడదు.. అనుకుంటూ ఆమెను అసలు తల్లి వచ్చేవరకు అలాగే కూర్చుండమన్నారు.
మళ్లీ ఎస్సై ప్రమీల వైపు చూసి.. ''పోనీ మీ హస్బెండ్ నెంబర్ చెప్పు.. నా సెల్ నుండి ఫోన్ చేస్తాను. '' అన్నాడు.
ప్రమీల చెప్పబోయి నెంబర్ గుర్తుకు రాక తడబడింది.
''రోజుకి 170 సార్లు మొగుడికి ఫోన్ చేసే నువ్వు నీ మొగుడు నెంబర్ గుర్తులేదు అంటున్నావ్. మమ్మల్ని నమ్మమంటున్నావు. చాలుచాలమ్మా. ఈ దొంగ నాట కాలు మాకు తెలుసులే.. అలా కూర్చో. '' ప్రమీలను ఎర్రగా చూస్తూ గద్దించాడు ఎస్సై.
ప్రమీల బోరున ఏడుపు లంకించుకుంది మళ్లీ.
కాసేపటికి పోలీసులందరూ ఏదో పని మీద కంగారుగా బయటకు వెళ్లారు.
జిత్తు ప్రమీల మాత్రమే ఉన్నారు.. స్టేషన్లో.
నెమ్మదిగా ప్రమీల జిత్తు పక్కకు వచ్చి కూర్చుని...
''అదేంటిరా పోలీసులకు నేను అమ్మను కాదు అని చెప్పావు.'' అంది ఏడుస్తూ.
''మరి నన్ను రోడ్డు ఇవతల ఎందుకు వదిలేసి వెళ్ళి పోయావమ్మ. ఇందాక నేను కూడా ఇలాగే నీలాగే ఏడుస్తూ బాధపడ్డాను. '' అంటూ బుజ్జి బుజ్జి మాట లతో ఏడుస్తూ తల్లిని కౌగిలించుకున్నాడు జిత్తు. ప్రమీల తను చేసిన తప్పును గ్రహించి జిత్తును ఎత్తు కొని ముద్దాడింది ఆ స్టేషన్లో.
''మాకు కూడా చిన్నగా అనుమానం వచ్చి ఈ విషయం తెలుసుకుందామని మేము కాసేపు పక్కన ఉన్నాము. మొత్తానికి మీ జిత్తు అంత ఘటికుడు ఈ స్టేట్ లోనే ఉండి ఉండడు. మీరు అదృష్టవంతులు. మీ పిల్లాడు దొరికినందుకు కాదు. ఇంత ధైర్యవంతుడైన పిల్లాడిని ఆ భగవంతుడు మీకు బిడ్డగా ఇచ్చి నందుకు. ఈ గిఫ్ట్ ను మీరు రక్షించుకోండి. పిల్లాడిని ఒంటరిగా వదిలేయ కుండా జాగ్రత్తగా పెంచుకోండి. '' అంటూ జిత్తును ఆమె తల్లికి అప్పచెప్పాడు ఎస్సై.
మూడు సంవత్సరముల చిన్నపిల్లడే తనకు జ్ఞానోద యం కలిగించినందుకు తల్లిగా ప్రమీల సిగ్గుపడుతూ జిత్తును ఎత్తుకొని అందరికీ కృతజ్ఞతలు తెలియ చేసి స్టేషన్ నుండి నవ్వుతూ బయటకు వెళ్ళి పోయింది.
**
నల్లబాటి రాఘవేంద్ర రావు గారి ప్రొఫైల్ కొరకు, మనతెలుగుకథలు.కామ్ లో వారి ఇతర రచనల కొరకు
విజయదశమి 2025 కథల పోటీల వివరాల కోసం
కొసమెరుపు కథల పోటీల వివరాల కోసం
మేము నిర్వహించే వివిధ పోటీలలో రచయితలకు బహుమతులు అందించడంలో భాగస్వాములు కావాలనుకునే వారు వివరాల కోసం story@manatelugukathalu.com కి మెయిల్ చెయ్యండి.
మాకు రచనలు పంపాలనుకుంటే మా వెబ్ సైట్ లో ఉన్న అప్లోడ్ లింక్ ద్వారా మీ రచనలను పంపవచ్చు.
లేదా story@manatelugukathalu.com కు text document/odt/docx రూపంలో మెయిల్ చెయ్యవచ్చు.
మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.
దయ చేసి సబ్స్క్రయిబ్ చెయ్యండి ( పూర్తిగా ఉచితం ).
మనతెలుగుకథలు.కామ్ వారి ఫేస్ బుక్ పేజీ చేరడానికి ఈ క్రింది లింక్ క్లిక్ చేయండి. లైక్ చేసి, సబ్స్క్రయిబ్ చెయ్యండి.
గమనిక : పాఠకులు తమ అభిప్రాయాలను మనతెలుగుకథలు.కామ్ వారి అఫీషియల్ వాట్స్ అప్ నెంబర్ : 63099 58851 కు పంపవచ్చును.
30 /10 /2022 తేదీన హైదరాబాద్ రవీంద్ర భారతిలో మనతెలుగుకథలు.కామ్ వారిచే సన్మానింపబడి, ప్రముఖ రచయిత బిరుదు పొందారు.
రచయిత పరిచయం: నల్లబాటి రాఘవేంద్ర రావు
30 /10 /2022 తేదీన హైదరాబాద్ రవీంద్ర భారతిలో మనతెలుగుకథలు.కామ్ వారిచే సన్మానింపబడి, ప్రముఖ రచయిత బిరుదు పొందారు.
ముందుగా " మన తెలుగు కథలు" నిర్వాహకులకు నమస్సులు..
"రచయిత పరిచయం"..... ఇది చాలా ముఖ్యం.
రచయిత తన గొప్పలు చెప్పుకోవడం కాదు గాని తన గతచరిత్ర వివరాలు అందరికీ తెలియ చేయటం అవసరమే. ఈ చర్య ఆ రచయితకు మానసికంగా ఎంతగానో ఉపయోగపడి అతను మరిన్ని మంచి మంచి రచనలు చేసి సమాజానికి అందించే అవకాశం ఉంది.. ఎంతో పెద్ద ఆలోచనతో అలాంటి 'మహా ప్రయత్నం'.. చేస్తున్న 'మన తెలుగు కథలు' కు మరొక్కసారి అభినందనలు.
పునాది....
-----------
ఏడు సంవత్సరాలు వయసు నాది. మా తండ్రి సుబ్బారావు గారు ప్రోత్సాహంతో శ్రీ కృష్ణార్జున యుద్ధం అనే 10 నిమిషాల నాటకాన్ని నేనే రాసి కృష్ణుడి వేషం నేనే వేసి దర్శకత్వం నేనే చేసి పెద్ద స్టేజి మీద దసరా నవరాత్రులకు ప్రదర్శించాము.
ఆ తర్వాత భక్త ప్రహ్లాద లో ప్రహ్లాదుడు గా.. మరో నాటకంలో శ్రీరాముడుగా.. రచన దర్శకత్వం నాదే.. ఏడు సంవత్సరాల వయస్సు.
తర్వాత పదిహేను సంవత్సరాల వయసులో
టెన్త్ క్లాస్ యానివర్సరీ కి 15 మంది నటులతో నా దర్శకత్వం లో పెద్ద స్టేజి మీద నాటకం వేసాము.
అప్పుడే నేను రచయితను కావాలన్న
ఆశయం మొగ్గ తొడిగింది.
నా గురించి..
---------------
50 సంవత్సరాల సుదీర్ఘ సాహితీ ప్రయాణం.
450 ప్రచురిత కథల రచన అనుభవం.
200 గేయాలు నా కలం నుండి జాలువారాయి
200 కవితలు నా మేధస్సు నుండి ఉద్భవించాయి
20 రేడియో నాటికలు ప్రసారం.
10 టెలీఫిల్మ్ ల నిర్మాణం.
200 కామెడీ షార్ట్ స్కిట్స్
3 నవలలు దినపత్రికలలో
" దీపావళి జ్యోతి "అవార్డు,
"రైజింగ్స్టార్" అవార్డు
" తిలక్ స్మారక" అవార్డు... మరికొన్ని అవార్డులు.
ప్రస్తుత ట్రెండ్ అయిన ఫేస్బుక్ లో ముఖ్యమైన 15 గ్రూపుల్లో... ఇంకా అనేక వెబ్ సైట్లు, బ్లాగులు,ఆన్లైన్ పత్రికలలో యాక్టివ్ గా తరచు నాకథలు, కవితలు,గేయాలు, ముఖ్యంగా కామెడీ షార్ట్ స్కిట్స్ ప్రతి రోజూ దర్శనమిస్తూ ఉంటాయి..
రమారమి 75 అవార్డులు, రివార్డులు అందు కున్నాను... అని గర్వంగా చెప్పుకునే అవకాశం కలగటం... ఆ చదువులతల్లి అనుగ్రహమే!
ఇదంతా ఒక్కసారిగా మననం చేసుకుంటే... 'పడని సముద్ర కెరటం' లా... నూతనశక్తి మళ్లీ పుంజుకుంది.
ఇక నా విజయ ప్రయాణగాధ....
------+------------------------------
పేపర్లెస్ రచయితగా... ఒక కుగ్రామం లో పేరు ప్రఖ్యాతులు పొందిన నా తండ్రి సుబ్బారావు గారు నా ఆలోచనలకు, రచనలకు ప్రాణప్రతిష్ట చేసిన ప్రథమగురువు. తల్లి వీరభద్రమ్మ నాకే కాదు నా కథలకూ ప్రాణదాతే!!
తదుపరి రమారమి 50 సంవత్సరాల క్రితమే.. మా ఊరివాడైన నా జూనియర్ క్లాస్మేట్... నా స్నేహితుడు ఇప్పటి సినీ దర్శకుడు " వంశీ "... కథలు రాస్తూ... నన్ను కూడా కథలు రాయ మని... చెప్తుండేవాడు. అప్పటి నుండి ఎక్కువగా రాయడం మొదలు పెట్టాను.ఆ తర్వాత మా ఊరి వారైన సినీ గేయరచయిత
" అదృష్టదీపక్".. నా కథలు.. చదివి.. మెచ్చు కునే వారు.. దాంతో ఇంకా విరవిగా కథలు రాయడం మొదలు పెట్టాను.
1. మొదటి రచన 1975 నాటి ప్రఖ్యాత పత్రిక "ఆంధ్రసచిత్రవారపత్రిక" లో బుద్ధిలేనిమనిషి కథ.
2. రేడియో నాటికలు గొల్లపూడి మారుతీ రావు గారి సమకాలంలో విరవిగా వచ్చాయి.
3. సినిమాకథలపోటీ లో అలనాటి "విజయచిత్ర" ద్వితీయబహుమతి కథ.. "డిసెంబర్ 31 రాత్రి"
4. ఉగాది కథలపోటీ "ఆంధ్రభూమి" బహుమతి కథ
5. ఉగాది కథల పోటీలో "ఆంద్రజ్యోతి" బహు మతి కథ
6. దీపావళి కథలు పోటీలో "ఆంధ్రజ్యోతి" బహుమతి కథ.
7. అప్పాజోస్యుల( అమెరికా) నిర్వహించిన కథల పోటీలో "నలుగురితో నారాయణ".. ఆంధ్రప్రభ విశిష్ట కథ ప్రచురణ
8. అల్లూరి స్మారక జయంతి "కళావేదిక " కరప తిలక్ స్మారక అవార్డు కథ " బ్రతుకు జీవుడా"
9. "స్వాతి " తానా అమెరికా కథల పోటీలో ప్రచురణ కు ఎన్నికైన కథ..." వైష్ణవమాయ."
10. రాష్ట్రస్థాయి కథలపోటీ హైదరాబాద్ "నిమ్స్"ద్వితీయ బహుమతి కథ..న్యాయనిర్ణేత శ్రీమతి యద్దనపూడి సులోచనారాణి." బంగారు పేకమేడ"
11. "అనిల్ అవార్డ్" స్వాతి కన్సోలేషన్ బహు మతి..." అమృతం కురిసింది"
12. సస్పెన్స్ కథల పోటీ "స్వాతి" లో ఎన్నికైన కథ
13. "పులికంటి సాహితీ సంస్థ" రాష్ట్రస్థాయి పోటీలకు ఎన్నికైన కథ..
14. రాష్ట్రస్థాయి కథలపోటీ "ఆరాధన" హైదరా బాద్ ద్వితీయ బహుమతి కథ.." అదిగో స్వర్ణ యుగం" న్యాయనిర్ణేత జ్ఞానపీఠ అవార్డు గ్రహీత.. శ్రీ రావూరి భరద్వాజ గారు.
15. "అభ్యుదయ ఫౌండేషన్" కాకినాడ రాష్ట్ర స్థాయి అత్యుత్తమ కథ.. " ఐదేళ్ల క్రితం " .
16. సి.పి.బ్రౌన్ "సాహితీ స్రవంతి".. ప్రత్యేక కథ
" ఇంద్రలోకం".
17. కొమ్మూరి సాంబశివరావు స్మారక సస్పెన్సు కథల పోటీలో "నవ్య' ప్రచురణకు ఎన్నికైన కథ.
18. "వేలూరు పాణిగ్రహి" విజయవాడ " గాంధీ తాత" రాష్ట్రస్థాయి ద్వితీయ బహుమతి కథ.
19. 'కదలిక'... సర్వశిక్షఅభియాన్ రాష్ట్ర ప్రభుత్వ సహకారంతో నిర్మింపబడిన అత్యున్నత టెలీ ఫిల్మ్... చిన్న సినిమా.
20. "అల కమ్యూనికేషన్" హైదరాబాద్ కథల పోటీలో ఎంపికైన కథ...." హృదయానికి శిక్ష".
21. రాష్ట్రస్థాయి కథలపోటీ "మైత్రేయ కళాసమితి" మెదక్.. పుస్తక సంకలనానికి ఎన్నికైన కథ. "బిందెడు నీళ్లు".
22. రాష్ట్ర స్థాయి కథల పోటీలు "జాగృతి" కన్సోలేషన్ బహుమతి కథ "ఆలస్యం అమృతం విషం"
23. రాష్ట్రస్థాయి దీపావళి కథల పోటీ "ఆంధ్ర ప్రదేశ్" పత్రిక ప్రత్యేక బహుమతి హాస్య కథ.
24. రాష్ట్రస్థాయి దీపావళి కథల పోటీ "ఆంధ్రప్రభ" ప్రచురణకు ఎంపికైన కథ.
25. దీపావళి కథల పోటీ "ఆంధ్రభూమి" ప్రచురణ కు ఎన్నికైన కథ.
26. రాష్ట్రస్థాయికథల పోటీ "ఆప్కో ఫ్యాబ్రిక్స్" హైదరాబాద్ నిర్వహణ పోటీ లో ఎన్నికైన కథ.
27. రాష్ట్రస్థాయి కథలపోటీ "ఆంధ్రప్రదేశ్పత్రిక" కు ఎన్నికైన హాస్యకథలు." చంద్రమండలంలో స్థలమును అమ్మబడును".
28.దీపావళి కథల పోటీ "జాగృతి" పత్రిక కు ఎన్నికైన కథ.
29. "హాస్యానందం" విశేష స్కిట్స్ కొరకు.. "రైజింగ్ స్టార్".. అవార్డు.
30 ఆంధ్రజ్యోతి "భావ తరంగం" వారం వారం 30 కథలు.
31. "కళా దర్బార్" రాజమండ్రి.. రాష్ట్రస్థాయి కవితలపోటీలలు... 4 సంవత్సరాలు ఉత్తమ కవిత్వానికి ప్రథమ బహుమతి...మూడుసార్లు.. ఉత్తమ కవిత్వానికి ద్వితీయ బహుమతి.
32.."హాసం" మాస పత్రిక లో ప్రచురింపబడిన "చిరాకు దంపతులు చింతకాయ పచ్చడి" కథ చదివిన చాలా మంది సినీ ప్రముఖులు ఫోన్ కాల్స్ చేసి అభినందించడం.
33. ప్రఖ్యాత సిరివెన్నెల పత్రికలో సిరివెన్నెల సీతా రామశాస్త్రి గారి నిర్వహణలో జానపద పాటల పోటీలో ప్రథమ బహుమతి పాటకు వారి నుండి పత్రికాముఖంగా ప్రత్యేక ప్రశం సలు.. తదుపరి ఆ పాట అనేక రంగస్థల ప్రదర్శనలు పొందడం.
34. విశేష కథలుగా పేరు ప్రఖ్యాతులు తెచ్చిన కథలు
నలుగురితోనారాయణ
కొరడా దెబ్బలు
అమృతం కురిసింది.
వైష్ణవమాయ
ఐదేళ్ల క్రితం
ఇంద్రలోకం
బిందెడు నీళ్లు
చంద్రమండలంలో స్థలములు అమ్మబడును
డిసెంబర్ 31 రాత్రి
మహాపాపాత్ముడు
35. రాజమండ్రి ,కాకినాడ ,విజయవాడ, విశాఖ పట్నం ,రామచంద్రపురంలో.. విశేష సన్మానాలు.
ప్రస్తుతం...
1. ఒక పరిశోధన నవల.. ఒక చారిత్రక నవల రాసే ప్రయత్నం
2. పరిషత్ నాటికలు జడ్జిగా..
3. కొందరు సినీప్రముఖుల ప్రోత్సాహంతో..
సినిమాలకు కథ మాటలు స్క్రీన్ప్లే అందించే ప్రయత్నం.
4. .. 4 కథల సంపుటిలు... రెండు కవితా సంపుటిలు.. 1గేయ సంపుటి.. 2 కామెడీ షార్ట్ స్కిట్స్.. రెండు నాటికల సంపుటిలు..ఒక నవల ప్రచురణ తీసుకొచ్చే ప్రయత్నం.
5. ఒక ప్రింటెడ్ పత్రిక ప్రారంభించే ఉద్దేశ్యం.
భార్య.. గోవిందీశ్వరి... హౌస్ వైఫ్.
కుమారుడు... వెంకట రామకృష్ణ .. బి.టెక్ సాఫ్ట్వేర్ ఇంజనీర్... మైక్రోసాఫ్ట్.. హైదరాబాద్.
కోడలు... మాధురీ లత..... ఎం ఫార్మసీ.
కుమార్తె.. సౌభాగ్య.. స్టూడెంట్.
మనుమరాలు.. ఆద్య... యాక్టివ్ బేబీ.
నా కథలను ఆదరించి తమ అమూల్య అభి ప్రాయాలు తెలియజేస్తున్న... రెండు రాష్ట్రాల తెలుగు ప్రజలందరికీ... వినమ్ర నమస్సులు.
నల్లబాటి రాఘవేంద్ర రావు
Comments