త్యాగమూర్తి తల్లి

 #TeluguPoems, #GadwalaSomanna, #గద్వాలసోమన్న, #ThyagamurthyThalli, #త్యాగమూర్తితల్లి, #సోమన్నగారికవితలు, #బాలగేయాలు

సోమన్న గారి కవితలు పార్ట్ 152

Thyagamurthy Thalli - Somanna Gari Kavithalu Part 152 - New Telugu Poem Written By Gadwala Somanna Published In manatelugukathalu.com On 13/12/2025

త్యాగమూర్తి తల్లి - సోమన్న గారి కవితలు పార్ట్ 152 - తెలుగు కవితలు

రచన: గద్వాల సోమన్న

త్యాగమూర్తి తల్లి

--------------------------------------

కన్నతల్లి మనసులో

వెన్న ముద్దలున్నవి

ఆమె నోటి మాటలో

శుభములెన్నో ఉన్నవి

అమ్మ జోలపాటలో

అమృతమే చిందునది

ఆమె గొప్ప గుణంలో

ప్రేమతత్వమున్నది

త్యాగానికి రూపము

అమ్మ ఇంట దీపము

ఆమె ఉంటే స్వర్గము

లేకపోతే నరకము

కన్న మనసు గొప్పది

గౌరవిస్తే మంచిది

అమ్మే కదా దేవత

చూసుకొనుట బాధ్యత

వెలలేని ఆత్మీయులు

-----------------------------

లేకుంటే ఆత్మీయులు

మన క్షేమమే శూన్యము

వారు పంచే సలహాలు

ఖరీదైన ముత్యాలు

వారితో ఘన బంధాలు

జాగ్రత్తగా ఉండాలి

అమూల్యమైన స్నేహాలు

ఉన్నతంగా చూడాలి

ఆత్మీయులు మన ఆస్తులు

అనుకుంటే ప్రాణాలు

కష్టాల్లో తోడుగా

ఉంటారోయ్! దుర్గంగా

ఈ సభ్య సమాజంలో

ఘనమైన జీవితంలో

వదలుకోకు ఆత్మీయత

కల్గియుండు అన్యోన్యత

మూలాధారం నమ్మకం

----------------------------------------

అన్నీ బంధాలకు

మూలమే నమ్మకము

దండలో దారంలా

అదేనోయ్! ఆధారము

కోటలాంటి నమ్మకము

పరికింపగ కవచము

అదే గనుక లేనిచో

మనుగడ అసాధ్యము

ఉంటేనే నమ్మకము

నిలబడును కుటుంబాలు

లేదంటే మాత్రము

నాశనం జీవితాలు

నమ్మకాన్ని నిలుపుకో

బంధాలను కాచుకో

అంతులేని విజయాలు

నీ సొంతం చేసుకో

ఒంటరితనం దుర్బరం

-----------------------------------------

తోడులేని జీవితము

చూడగా అధ్వాన్నము

ఒంటరితనం నరకము

చరిత్ర చెప్పే సత్యము

కంచె లేని పొలంలా

కాపులేని తరువులా

ఉంటుందోయ్! జీవితము

నీరెండిన బావిలా

అమావాస్య రాత్రిలా

నడిరేయి ధాత్రిలా

ఉంటుందోయ్! తిలకింప

ఏకాకి జీవితము

అందుకే ఆప్తులను

ప్రాణమిచ్చే మిత్రులను

పోగొట్టుకోకూడదు

మన శ్రేయోభిలాషులను

చిరునవ్వులు సిరి పువ్వులు

-------------------------------------------

అందము దరహాసము

ముఖమున మధుమాసము

కల్గియుంటే గనుక

బ్రతుకు ఆనందభరితము

వికసించిన కుసుమాలు

వెలుగులీను దీపాలు

వదనాన మందహాసము

ఘన తేజము, ఉత్తేజము

మోవిని నగవులు చిందిన

హరివిల్లుయై వెలసిన

ముగ్ధమనోహరం కదా

దాన్ని కల్గియుండు సదా

ఆరోగ్య ప్రదాతలే

ఆయుష్షు కారకాలే

చెదరని చిద్విలాసము

ఆనంద కారణాలే

గద్వాల సోమన్న

https://www.manatelugukathalu.com/profile/somanna/profile