కప్పు - అబ్సర్డ్
- Veereswara Rao Moola
- 2 days ago
- 2 min read
#VeereswaraRaoMoola, #వీరేశ్వరరావుమూల, #CupAbsurd, #కప్పుఅబ్సర్డ్, #HorrorStoriesInTelugu
Cup - Absurd - New Telugu Story Written By Veereswara Rao Moola Published In manatelugukathalu.com On 04/01/2026
కప్పు - అబ్సర్డ్ - తెలుగు కథ
రచన: వీరేశ్వర రావు మూల
చాలాకాలం తర్వాత ఆమెను, అతను హోటల్లో కలుసుకున్నాడు.ఆమె ఎదురుగా కూర్చున్నాడు. రెండు టీ కప్పులు ఆర్డర్ ఇచ్చాడు. అతనికి సాయంత్రం ఆమె తో, అదే హోటల్లో, ఆమె తో టీ పంచుకోవడం ఇష్టం.
ఆమె కేసి చూస్తూ, కొద్దిగా టీ రుచి చూసాడు. టీ యాలకుల వాసన తో ఘుమ ఘమ లాడుతోంది. రుచి చూసి, కప్పు బల్ల మీద పెట్టాడు. కప్పు ఖాళీ లేకుండా నిండిపోయింది!
ఆమె తో జోక్స్ వేస్తూ, సగం కప్పు ఖాళీ చేసాడు. ఆమె తో తన జీవితం, భవిష్యత్తు గురించి చర్చించడం మొదలు పెట్టాడు. తరువాత మళ్ళీ కప్పు కేసి చూసాడు.
పూర్తిగా నిండి ఉంది కప్పు! అతను అసహనం తో ఒక్క గుక్క లో పూర్తిగా తాగి పెట్టాడు.
మళ్ళీ చూస్తే కప్పు నిండిపోయి ఉంది.
అతనికి కోపం వచ్చింది. అసహనం గా అడిగాడు.
'మనం మాట్లాడుకుంటుంటే సర్వర్ ఇంకో కప్పు టీ తెచ్చాడా?'
'లేదు అప్పుడు రెండు కప్పులు ఇచ్చాక మళ్ళీ ఇటువైపు రాలేదు.'
' మనం త్వరలో పెళ్లిచేసుకుందాం'
ఆమె సిగ్గు పడింది.
'అలాగే, నీకు ఉద్యోగం వచ్చాక' అని చెప్పి ఆమె వెళ్ళి పోయింది.
ఉద్యోగం త్వరలో వస్తుంది అని ఆనందంగా అనుభూతి పొందాడు!
అతను కప్పు తాగి బల్ల మీద పెట్టాడు. మళ్ళీ కప్పు నిండిపోయింది. ఒక్క గుక్క లో త్రాగాడు!
మళ్ళీ కప్పు నిండిపోయింది!
అతను విసుగు, కోపంతో కప్పును పగలగొట్టాడు. ముక్కలన్నీ నేల మీద చెల్లా చెదురుగా పడ్డాయి. బయటకు వెళ్ళడానికి ప్రయత్నించాడు. బయట లాక్ చేయబడి ఉంది.
మళ్ళీ వెనక్కి వెడితే, తను కూర్చున్న టేబుల్ శుభ్రంగా ఉంది. సర్వర్ టీ కప్పుతో సిద్దంగా ఉన్నాడు.
టీ కప్పు లో నిండా "టీ" ఉంది!
సమాప్తం
వీరేశ్వర రావు మూల గారి ప్రొఫైల్ కొరకు, మనతెలుగుకథలు.కామ్ లో వారి ఇతర రచనల కొరకు
ఉగాది 2026 కథల పోటీల వివరాల కోసం
కొసమెరుపు కథల పోటీల వివరాల కోసం
మేము నిర్వహించే వివిధ పోటీలలో రచయితలకు బహుమతులు అందించడంలో భాగస్వాములు కావాలనుకునే వారు వివరాల కోసం story@manatelugukathalu.com కి మెయిల్ చెయ్యండి.
మాకు రచనలు పంపాలనుకుంటే మా వెబ్ సైట్ లో ఉన్న అప్లోడ్ లింక్ ద్వారా మీ రచనలను పంపవచ్చు.
లేదా story@manatelugukathalu.com కు text document/odt/docx/docs రూపంలో మెయిల్ చెయ్యవచ్చు.
మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.
దయ చేసి సబ్స్క్రయిబ్ చెయ్యండి ( పూర్తిగా ఉచితం ).
మనతెలుగుకథలు.కామ్ వారి ఫేస్ బుక్ పేజీ చేరడానికి ఈ క్రింది లింక్ క్లిక్ చేయండి. లైక్ చేసి, సబ్స్క్రయిబ్ చెయ్యండి.
గమనిక : పాఠకులు తమ అభిప్రాయాలను మనతెలుగుకథలు.కామ్ వారి అఫీషియల్ వాట్స్ అప్ నెంబర్ : 63099 58851 కు పంపవచ్చును.
రచయిత పరిచయం:
కవి, రచయిత. నిర్మాణ రంగంలో ఐటీ విభాగం మేనేజర్ గా పనిచేసి పదవీ విరమణ తీసుకున్నారు. 1985 నుంచి రాస్తున్నారు. వివిధ పత్రికల్లో కథలు, కవితలు, కార్టూన్లు, ఇంగ్లిష్లో కూడా వందకు పైగా కవితలు వివిధ వెబ్ పత్రికల్లో ప్రచురితమయ్యాయి.నిధి చాల సుఖమా నవల సహరి డిజిటల్ మాసపత్రిక లో ప్రచురణ జరిగింది.
Comments