దేవుడి పెళ్లి

#TVLGayathri, #TVLగాయత్రి, #TeluguKavithalu, #Kavitha, #Kavithalu, #TeluguPoems, #DevudiPelli, #దేవుడిపెళ్లి, #వసుధకుముప్పు, #ఇష్టపది

గాయత్రి గారి కవితలు పార్ట్ 24

Devudi Pelli - Gayathri Gari Kavithalu Part 24 - New Telugu Poems Written By T. V. L. Gayathri Published In manatelugukathalu.com On 31/05/2025

దేవుడి పెళ్లి - గాయత్రి గారి కవితలు పార్ట్ 24 - తెలుగు కవితలు

రచన: T. V. L. గాయత్రి

దేవుడి పెళ్లి

(గేయం )

**********************************

దేవుని గుడిలో పెళ్ళండి!

దీవెన లందగ రారండి!

దేవళానికి రంగులు వేద్దాం

కోవెలనంతా కడిగేద్దాం

అందంగా అరుగును కట్టేద్దాం

సుందరంగా పందిరి వేసేద్దాం

బాజా భజంత్రీలు మోగిద్దాం

తాజా పూవులు తెచ్చేద్దాం

స్వామికి దండలనల్లేద్దాం

మామిడాకులను తెచ్చేద్దాం

తోరణాల నట కట్టేద్దాం

ఊరందరినీ పిలిచేద్దాం

దండిగ వంటలు వండేద్దాం

గుండిగలన్నీ నింపేద్దాం

పసందుగ విందులు చేసేద్దాం

వసంత మంతట చల్లేద్దాం

ఊరేగింపులు చేసేద్దాం

తీరుగ దేవుని త్రిప్పేద్దాం

దేవుని భక్తిగ మ్రొక్కేద్దాం

కావగ రమ్మని పిలిచేద్దాం

ఆహా ఓహో అనుకుందాం

అందరమిళ్లకు వచ్చేద్దాం//

************************************

వసుధకు ముప్పు 

(ఇష్టపది )

అణ్వాయుధపు ముప్పు కవనివేడెక్కింది 

ప్రళయంబు తెస్తుంది భయము పుట్టిస్తుంది

ఉగ్రవాదముఁ బెంచి యసురు తీసేస్తుంది

నిగ్రహముఁ మరపించి  నిప్పులెగదోస్తుంది.

మతవాద కాంక్షతో మానవత్వము వీడి

అతివేషములు వేయ నాపదలు వచ్చునని 

తెలిసికొని ముష్కరులు తెలివితో మసలగా 

కలుగు సుఖసౌఖ్యములు గౌరవంబు మిగులును 

బలము కన్నను మిన్న బాసటగ నిల్చుటను 

విలువైన సూక్తులను వినిపింప వలెనిపుడు 

మాతృభూమిని కొలిచి మమతలను పోషించి

జాతి పరువును నిల్పి జయమంచు నినదించి

శాంతికాముక దివ్య సామ్రాజ్యమున పుట్టి

ప్రాంతములు వేరుగా భాషలును భిన్నముగ

విలసిల్ల జనులెల్ల ప్రీతిగా మెలగుచూ

కలిమిలేములయందు కష్టసుఖములు పడుచు

ఐకమత్యము తోడ ఆనందమును పంచి

ప్రాకటముగా సాగు భారతీయులు ఘనులు.//

*******************************

టి. వి. యెల్. గాయత్రి.

పూణే. మహారాష్ట్ర.

Profile Link:

https://www.manatelugukathalu.com/profile/tvlgayathri