top of page
Original.png

ఎగతాళి చేయకు

#TeluguPoems, #GadwalaSomanna, #గద్వాలసోమన్న, #EgathaliCheyaku, #ఎగతాళిచేయకు, #సోమన్నగారికవితలు, #బాలగేయాలు

ree

సోమన్న గారి కవితలు పార్ట్ 94


Egathali Cheyaku - Somanna Gari Kavithalu Part 94 - New Telugu Poem Written By Gadwala Somanna Published In manatelugukathalu.com On 08/07/2025

ఎగతాళి చేయకు - సోమన్న గారి కవితలు పార్ట్ 94 - తెలుగు కవితలు

రచన: గద్వాల సోమన్న


ఎగతాళి చేయకు

----------------------------------------

పేదోళ్ల స్థితిని చూసి

ఎగతాళిగా నవ్వకు

వారంతా దైవ సృష్టి

ఈ వాస్తవం మరువకు


స్థాయిని బట్టి గర్వించకు

అపహాస్యమే చేయకు

ఒకే స్థితి ఎప్పుడు ఉండదు

ఏదైనా జరుగవచ్చు


కుమిలి కుమిలి ఏడ్వవద్దు

ఎదుటివారి ఎదుగుదలకు

నీచమైన బుద్ధితో

అపకారం తలపెట్టకు


చేతనైతే సాయం

అందించుము ప్రేమతో

లేక వహించు మౌనం

మిగుల గొప్ప మనసుతో

ree















చిన్నారి-సీతాకోకచిలుక

----------------------------------------

నింగిలో విహరిస్తూ

చిన్నారి చేతిపై

ముద్దుగా వాలిందొక

సీతాకోకచిలుక


మనసేమో మురిసింది

ప్రేమగా చూసింది

స్వేచ్ఛ విలువ తెలిసింది

గనుక విడిచిపెట్టింది


పాప మంచి మనసుకు

మురిసి మురిసి పోయింది

సీతాకోకచిలుక

కృతజ్ఞత తెలిపింది


సృష్టిలోని జీవులను

ప్రేమతో చూడాలి

కీడును తలపెట్టక

సంరక్షణ చేయాలి

ree













మాస్టారు చెప్పిన జీవిత సత్యాలు

------------------------

ఎగసిపడే కెరటాలు

ఉదయంచే కిరణాలు

నేర్పునోయి పోరాటము

గెలవాలనే ఆరాటము


కదిలిపోయే మేఘాలు

కోయిలమ్మ రాగాలు

పంచునోయి అందాలు

కదిలించును హృదయాలు


వికసించిన కుసుమాలు

వెదజల్లును సౌరభాలు

అహ్లాదమే అమితము

తిలకిస్తే నయనాలు


చూపాలి ఆపన్నహస్తము

చేయాలి సజ్జనుల స్నేహము

ఇక బ్రతుకులు సుఖమయము

తెచ్చిపెట్టును గౌరవము

ree











పక్షులతో లాభమెంతో!

----------------------------------------

కోయిలమ్మ పాడితే

వనమంతా సందడి

చిలుకమ్మ పలికితే

మధురమైన సవ్వడి


నెమలమ్మ ఆడితే

పావురాయి ఎగిరితే

కడు నేత్రానందము

గంతులేయు డెందము


కోడిపుంజు కూస్తే

తలపించు గడియారము

కోడిపెట్టె పొదిగితే

వృద్ధినొందు సంతానము


పక్షులతో లాభమే

మానవులకు పాఠమే

ప్రేమ కాస్త చూపాలి

వాటి మేలు తలవాలి

-గద్వాల సోమన్న

Comments

Rated 0 out of 5 stars.
No ratings yet

Add a rating
bottom of page