చింతలేని చిన్నారులు

 #TeluguPoems, #GadwalaSomanna, #గద్వాలసోమన్న, #సోమన్నగారికవితలు, #బాలగేయాలు

Chinthaleni Chinnarulu - New Telugu Poems Written By Gadwala Somanna Published In manatelugukathalu.com On 23/01/2026

చింతలేని చిన్నారులు - తెలుగు కవితలు

రచన: గద్వాల సోమన్న

----------------------------

చిన్నారులు నవ్వితే

ఇల్లంతా వెలుగులు

వికసించిన పువ్వులై

వెదజల్లును సొగసులు

పసి పిల్లల మనసులు

సుతిమెత్తని తీగలు

పవిత్రమైన తలపులు

తేజోమయ తనువులు

ముద్దులొలుకు బాలలు

ముద్దబంతి సుమములు

తలపించును పరుగులు

సెలయేరుల గలగలలు

పిల్లలు బంగారము

ఇంటికి సింగారము

మంచికి చూడుతారు

వారే శ్రీకారము

చింతలేని పిల్లలు

గుబాళించు మల్లెలు

వారి ప్రేమకుండవు

ఏమాత్రం ఎల్లలు

అక్షర ప్రబోధ గీతి

-----------------------------

మితిలేని కోపంతో

అర్ధం లేని రోషంతో

మనసు పాడు చేసుకోకు

ఆనందం కోల్పోకు

లేనిపోని శంకతో

క్షణం క్షణం భయంతో

బ్రతుకులగును నరకమే

అక్షరాల సత్యమే

అహంకార మాటలతో

పనికిరాని చేతలతో

ఎవరిని పోగొట్టుకోకు

ఏకాకిగా ఉండిపోకు

కలుపుగోలుతనంతో

పదిమంది జనంతో

చిరునవ్వులు రువ్వుతూ

మసలుకొమ్ము ప్రేమతో

చెప్పుడు మాటలు చేటు

----------------------------------------

చెప్పుడు మాటలతో

మదిని అపనమ్మకంతో

స్నేహాలు చెడిపోతాయి

బంధాలు తెగిపోతాయి

పనికిరాని తలపులతో

ఓర్వలేని మనుషులతో

చూడ ప్రమాదకరము

అక్షరాల సత్యము

మితిలేని బద్ధకంతో

అంతులేని అప్పులతో

భూలోక నరకమే

అభివృద్ధి శూన్యమే

చేయాలోయ్! కష్టము

ఉండదోయ్! నష్టము

వరించును విజయము

దక్కుతుంది ఫలితము

మాటలతో జర జాగ్రత్త!!

-----------------------------------------

నింపుతాయి మాటలు

జీవితాన వెలుగులు

చూపించి లోపాలు

దిద్దుతాయి బ్రతుకులు

పెంచునోయ్! ధైర్యాన్ని

చూపునోయ్! మార్గాన్ని

మహనీయుల మాటలు

చేర్చునోయ్! గమ్యాన్ని

గురుదేవుల మాటలు

జీవజలపు ఊటలు

ఉజ్వల భవిష్యత్తుకు

వేయునోయి బాటలు

మాటలతో ఇడుములు

వాటితోనే మేలులు

జాగ్రత్త అవసరము

నియంత్రణే ముఖ్యము

ఆదర్శం కావాలి!

-------------------------------------------

అంతం కాదు అపజయము

విజయాలకు సోపానము

గ్రహించాలి ఈ సత్యము

వహించాలి ఇక ధైర్యము

గత గాయలను తలచుకుని

ఒంటరిగా కూర్చుని

పదే పదే కుమిలిపోకు

పిరికితనము పులుముకుని

సాహసమే జీవితము

మారాలి ఊపిరిగా

కాదు ఏది శాశ్వతము

ఉండాలి మాదిరిగా

మనం చేసే కార్యాలు

నేర్చుకున్న పాఠాలు

కావాలి ఆదర్శము

పంచాలి ఆనందము

================================

Enthaina Avasaramu - New Telugu Poems Written By Gadwala Somanna Published In manatelugukathalu.com On 22/01/2026

ఎంతైనా అవసరము - తెలుగు కవితలు

రచన: గద్వాల సోమన్న

----------------------------

కాసింత మంచితనము

జీవితాన గొప్పతనము

ఉంటే కదా మంచిది

మాటల్లో చక్కదనము

విలువైన త్యాగగుణము

అన్నిటా చురుకుదనము

ఉంటే కదా మంచిది

బ్రతుకున హుందాదనము

హృదయాన తెల్లదనము

మాటల్లో మృదుత్వము

ఉంటే కదా మంచిది

చిందితే కరుణరసము

ఘనమైన క్షమాగుణము

ఎదిగేందుకు శ్రమదానము

ఉంటే కదా మంచిది

శ్రేష్టమైన సాత్వికము

చిట్టి పొట్టి పిల్లలు

-----------------------------

గుడిలోని దీపాలు

వనంలోని కుసుమాలు

చిట్టి పొట్టి పిల్లలు

అందమైన బొమ్మలు

మంచికి రూపాలు

వర్షించు మేఘాలు

ముద్దులొలుకు బాలలు

ముద్దబంతి పూవులు

కన్పించు దేవతలు

ప్రేమ పంచు దాతలు

అందాల చిన్నారులు

మందార మాలికలు

గృహమున మాణిక్యాలు

చూడ అరవిందాలు

కల్మషం లేనివారు

పవిత్రమైన హృదయులు

తాతయ్య సుద్దులు

----------------------------------------

ఎంచరాదు నెపములను

విరచరాదు మనసులను

పరుల గుట్టు రాద్ధాంతము

చేయరాదు ఏమాత్రము

ఉచితంగా వచ్చేది

శాశ్వతము కాదు కాదు

జీవితాన మిగిలేది

మంచికి మించి ఉండదు

దెబ్బదీయకూడదోయ్!

సున్నిత మనోభావాలు

కష్టబెట్ట కూడదోయ్!

కన్నవారి హృదయాలు

వెన్నుపోటు పొడవరాదు

ఆప్తులను విడవరాదు

బంధాలు సున్నితమే

అందరికీ అవగతమే

దృఢ సంకల్పముండాలి!

-----------------------------------------

అనుకున్న లక్ష్యాలను

చేరుకోవాలంటే

కొన్ని చోట్ల ఒదగాలి

జీవితాన ఎదగాలి

పొందాలనిన జయము

ప్రదర్శించాలి తప్పక

కొన్నిసార్లు మౌనాన్ని

గుండెలోని ధైర్యాన్ని

కావాలనిన గౌరవము

సుఖమయ జీవితము

చేయాలోయ్! కష్టము

పెరగాలోయ్! ఇష్టము

మనసులోని భావాలు

ఉపయుక్త విషయాలు

పంచితే క్షేమకరము

పదిమందికి ఉపయోగము

పెద్దల పసిడి పలుకులు

-------------------------------------------

ఎవ్వరూ చూడలేదని

తప్పు మాత్రం చేయకు

అందరూ చేస్తారని

అప్పు చేసి పప్పు కూడకు

వయసులో పెద్దవారిని

అవహేళనే చేయకు

పనికిమాలిన వాటిని

కలనైనా ఆశించకు

లేనిపోని గొప్పలకై

ఏమాత్రం పోబోకు

నీచ సుఖభోగాలకై

ఎప్పుడు అర్రులు చాచకు

ఉన్న దానితో తృప్తి

హృదయంలో స్వర్గమే

ఎంత ఉన్నా అసంతృప్తి

అడుగడుగునా నరకమే

================================

Mamathala Kovela Ma Illu - New Telugu Poems Written By Gadwala Somanna Published In manatelugukathalu.com On 14/01/2026

మమతల కోవెల మా ఇల్లు - తెలుగు కవితలు

రచన: గద్వాల సోమన్న

మమతల కోవెల మా ఇల్లు

----------------------------

అదిగో అదిగో మా ఇల్లు

అనురాగాల పొదరిల్లు

మమతల కోవెల మా ఇల్లు

మమకారాల హరివిల్లు

అందరు మెచ్చే మా ఇల్లు

ఆనందానికి పుట్టిల్లు

అమ్మానాన్నల ప్రేమతో

అన్యోన్యతతో విలసిల్లు

తేనెలొలికే మా ఇల్లు

తోచును తొలకరి చిరుజల్లు

త్యాగానికది చిరునామా

వ్యక్తం చేయును ధీమా

మనోహరమైన మా ఇల్లు

ఆత్మీయతకు ఆనవాళ్లు

ఇంటిలో ఉండే అందరూ

మంచి మనసే ఉన్నోళ్లు

మల్లెతీగలా బంధాలు

పల్లెసీమయే మా ఇల్లు

ప్రేమలు చిందే హృదయాలు

సమైక్యతతో శిబిల్లు

కోవెలలాంటి మా ఇల్లు

తల్లిదండ్రులు ఇలవేల్పులు

భగవంతునికిది మందిరము

భక్తితో ఉంటాం అందరము

విద్య ఒక్కటే కదా

-----------------------------

పంచితే తరగనిది

బహు గొప్ప ధననిధి

విద్య ఒక్కటే కదా

బ్రతుకులో జీవనది

జీవితాన పెన్నిధి

అజ్ఞానం తరుమునది

విద్య ఒక్కటే కదా

గౌరవం ఇచ్చునది

సంస్కారం పెంచునది

ఉపకారం చేయునది

విద్య ఒక్కటే కదా

సంక్షేమం కోరునది

ప్రగతి బాట వేయునది

బ్రతుకు తెరువు చూపునది

విద్య ఒక్కటే కదా

గుర్తించుకో సదాది

సత్యాల ముత్యాలు

----------------------------------------

పుస్తకాన్ని చదివితే

జ్ఞానం లభిస్తుంది

లోకాన్ని చదివితే

బ్రతకడం తెలుస్తుంది

వృక్షాలు పెంచితే

ఆయుస్సు పెరుగుతుంది

మొక్కలను నాటితే

పచ్చదనము వస్తుంది

పెద్దలను పూజిస్తే

దీవెన దొరుకుతుంది

మంచిని స్నేహిస్తే

మేలెంతో ఉంటుంది

వృత్తిని ప్రేమిస్తే

గౌరవం తెస్తుంది

బద్ధకం వదిలేస్తే

అభివృద్ధి జరుగుతుంది

మేలి మేటి సూక్తులు

-----------------------------------------

ఇతరులను కష్టపెట్టి

ఎదుగుదలను అరికట్టి

హర్షనీయం కాదు

ఎప్పుడు చేయరాదు

ప్రశ్నించనిదే ఇల

సమాధానం లేదు

ఇలా ఉంటే ఎలా!

మిగిలేది తుదకు కల

ప్రయత్నించకుండా

కష్టం లేకుండా

గెలుపు వీలుకాదు

వట్టిగా దరి చేరదు

యోచించకు అతిగా

సాగిపోకు బాధగా

నలుగురికి సాయపడక

బ్రతుకకు వ్యర్థంగా

ముత్యాల జల్లులు

-------------------------------------------

నింపుకో గుండెల్లో

నిండుగా ఉత్సాహము

పెంచుకో స్నేహంలో

అంతులేని నమ్మకము

పేదోళ్ల బ్రతుకుల్లో

అవ్వాలి ఆశాదీపము

వారి గొప్ప మనసుల్లో

ఉండాలి తొలి స్థానము

శ్రేష్టమైన జ్ఞానంలో

ఎదగాలి ఉన్నతంగా

సృష్టికర్త దేవునిలో

జీవించాలి చల్లగా

స్వచ్ఛమైన ప్రేమలో

కన్నవారి మాటలో

వడి వడిగా సాగాలి

మహనీయుల బాటలో

================================

Kopanni Niyanthrinchu - New Telugu Poems Written By Gadwala Somanna Published In manatelugukathalu.com On 06/01/2026

కోపాన్ని నియంత్రించు - తెలుగు కవితలు

రచన: గద్వాల సోమన్న

కోపాన్ని నియంత్రించు!!

----------------------------

చెరుపు చేయు కోపము

పాడగును ఆరోగ్యము

అదుపు చేస్తే మేలు

దొరుకుతుంది శాంతము

కోపంతో నష్టము

బంధాలకు విఘాతము

ఆదిలో త్రుంచితే

క్షేమమే అపారము

అన్నీ వ్యాధులకది

అవుతుంది కారణము

కల్లోలమగును మది

జాగ్రత్త అవసరము

చేయాలి నియంత్రణ

అది బ్రతుకులో రక్షణ

అధికమైన కోపము

అనర్ధాలకు మూలము

వాస్తవ సత్యాలు

-----------------------------

ఒక వ్యక్తి గొప్పతనము

వారిలోని మంచితనము

బహిర్గతమైతేనే

పదిమందికి ఉపయోగము

గుండెల్లో ఆనందము

చూపించే ఆదర్శము

సార్ధకమైతేనే

ఉంటుంది ప్రయోజనము

నిక్షిప్తంగా ఉంటే

ఉపయోగం పాక్షికము

రవి కిరణమై రావాలి

అప్పుడే మేలు అనంతము

ప్రతిభ వెలికి తీస్తేనే

తేటతెల్లమగుతుంది

ముందడుగు వేస్తేనే

బహుమానం ఉంటుంది

మౌనం గొప్పది

----------------------------------------

కొన్నిసార్లు మౌనమే

అర్ధాంగీకారమే

సమస్యల పరిష్కారము

అది కడు శక్తివంతము

ధ్యానంలో మౌనము

అందించును జ్ఞానము

మహా వృక్షం కూడా

ఎదుగును మౌనంగా

అవసరమే మౌనము

అందులోనే శాంతము

ఉంటుంది ఖచ్చితము

ఎంతైనా వాస్తవము

శాస్త్రవేత్తల మౌనము

చేకూర్చును లాభము

గొప్పగా గొప్ప పనులకు

చుట్టును శ్రీకారము

హుందాగా బ్రతకాలి

-----------------------------------------

కోల్పోతే వ్యక్తిత్వము

జీవితమే నిర్వీర్యము

అటుఇటు కాని చివరికి

అవుతుంది జీవచ్చవము

ఉండాలి హుందాగా

బ్రతకాలి గౌరవంగా

ఘన కార్యాలు చేసేసి

నిలవాలి ఉన్నతంగా

స్థిరత్వం మాటల్లో

మేటి పనులు చేతల్లో

ఉంటేనే గొప్పతనము

జీవితానికి అర్ధము

నీకంటూ ప్రత్యేకత

గౌరవించే అర్హత

కల్గియుండాలి తప్పక

నెరవేర్చాలి బాధ్యత

కీలకం"అవసరం"

-------------------------------------------

బంధాన్నీ కలుపుతుంది

లేదంటే తెంచుతుంది

అవసరమైతే అవసరము

ఎంతకైనా తెగిస్తుంది

బహు బలమైనది అవసరము

అదే గనుక లేకపోతే

ఉండదోయ్!ఆరాటము

బ్రతుకులోన పోరాటము

దేనినైనా చేయించును

వామనునిలా తొక్కును

జీవితాన అవసరము

అవుతుందోయ్! కీలకము

రకరకాల అవసరాలు

వాటికై అగచాట్లు

జీవితమంతా ఇంతే!

దీని పోకడ వింతే!

Vasthavala Jallulu - New Telugu Poems Written By Gadwala Somanna 

Published In manatelugukathalu.com On 04/01/2026

వాస్తవాల జల్లులు - తెలుగు కవితలు

రచన: గద్వాల సోమన్న

వాస్తవాల జల్లులు

----------------------------

బ్రతుకులో ప్రశాంతంగా

కొండంత సంతోషంగా

ఉన్నోడు కోటీశ్వరుడు

సుఖ నిద్ర పొందేవాడు

ధైర్యాన్ని చూపివాడు

గొప్ప పనులు చేసేవాడు

ఘన చరిత్ర లిఖిస్తాడు

గుండెల్లో నివసిస్తాడు

మానవత్వమున్నోడు

మనిషిగా బ్రతికేవాడు

మహనీయుడే అవుతాడు

గౌరవం అందుకుంటాడు

భ్రమరంలాంటి మనసును

అదుపులో పెట్టేవాడు

విజేతగా నిలుస్తాడు

అన్నీ సాధిస్తాడు

అక్షర సత్యాల ముత్యాలు

-----------------------------

మితిమీరిన గర్వము

చేయునోయి! పతనము

కల్గియుంటే మేలు

ఆభరణం వినయము

పెద్దవారి మాటలు

అభివృద్ధికి బాటలు

ఆలకిస్తే గనుక

అవి రక్షణ కోటలు

కన్నవారి ప్రేమలు

జీవితాన వెలుగులు

వారు చేయు సేవలు

త్యాగానికి గురుతులు

గురుదేవుల బోధలు

పోగొట్టును బాధలు

బ్రతుకులను సరిదిద్ది

కల్గించును సమృద్ధి

మంచితనమే మిగిలేది

----------------------------------------

జ్ఞానమెంత ఉన్నా

వినయ, విధేయుతలు

లేకున్న గుండు సున్న

అక్షరాల నిజమన్న

అహంకార ధోరణి

అత్యంత ప్రమాదము

ఆదిలో వదిలితే

ఎంతైనా క్షేమము

విర్ర వీగిన వారు

మట్టిలో కలిశారు

లోకమే శాశ్వతమని

తలచి గర్వించారు

వారి జాడ ఏదీ!

గాలించిన దొరకదు

చివరికి మంచితనం

మాత్రమే మిగిలేది

అమ్మకు అమ్మే సాటి

-----------------------------------------

అమ్మ ఉంటే మోదము

వెలుగుమయము సదనము

ఉన్న చోటే స్వర్గము

అనురాగాల దుర్గము

తల్లి మది మందిరము

అదెంతో సుందరము

ఆమె నోటి మాటలే

తేనె కన్నా మధురము

అమ్మ ఒడి వెచ్చదనము

పువ్వుల్లా మెత్తదనము

వెన్నెల్లా చల్లదనము

మల్లెల్లా తెల్లదనము

అమ్మకు అమ్మే సాటి

సృష్టిలోనే మేటి

అనిశమ్ము గౌరవించు

అమితంగా ప్రేమించు

ఉండాలి ఉన్నతంగా

-------------------------------------------

మహానుభావులుగా

ఉన్నత వ్యక్తులుగా

ఇల ఉండాలంటే

మూలం కృషియేగా

వెలిగే దీపంలా

పారే సెలయేరులా

ఉండాలి ఉర్విలో

విరిసే గులాబీలా

ఎవరెస్టు శిఖరంలా

ఆలయ గోపురంలా

ఉండాలి గొప్పగా

నలుగురికి స్ఫూర్తిగా

బ్రతికినంతకాలము

ఆదర్శమవ్వాలి

లేకపోతే వ్యర్థము

ఉండదోయి అర్ధము

గద్వాల సోమన్న

https://www.manatelugukathalu.com/profile/somanna/profile