హృదయాంజలి
- Chavali Balakrishnaveni
- 3 days ago
- 3 min read
#ChavaliBalakrishnaveni, #చావలిబాలకృష్ణవేణి, #Hrudayanjali, #హృదయాంజలి, #TeluguKavithalu, #Kavitha, #Kavithalu, #TeluguPoems, #ద్విపదలు
Hrudayanjali - New Telugu Poem Written By - Chavali Balakrishnaveni
Published in manatelugukathalu.com on 05/07/2025
హృదయాంజలి - తెలుగు కవిత
రచన: చావలి బాలకృష్ణవేణి
🙏☘️ హృదయాంజలి☘️🙏
గుణముల నీకు తగుశుభగు లేరి?
గణముల కధిపతీ! గజముఖ వరద! 1
పార్వతి ప్రియ పుత్ర! భాగ్యవిధాత!
నేర్వగ ఛందము నీదయ దాత! 2
త్రాతవు నీవయ దండము సామి
భ్రాతవు స్కందుని పలుకవదేమి? 3
శీతవికాసము చేయుము బుద్ది
వ్రాతను మార్చుమ రంజిలు సిద్ధి! 4
తల్లికి దండ్రికి దండము లీయ
కొల్లగ జేర్చితి గుండెల హాయి! 5
శృతిగూఁడి నాట్యము నీధృతి జూఁపు
కృతిగొను నందము నీదయ జూఁపు! 6
శృంగికి చేతన మీయగ నీవె
భృంగికి రావగ తేకువ నీవె! 7
కైలాసమునగల కళలకు రాజ
శైలాట వదనుడ శాస్త్రవిరాజ! 8
అచరణ హృదయార వంద్యుడ పాహి!
విచలిత జన్మకు విద్యలు దేహి! 9
గురువుల రూపముఁగూర్చిన దేవ
బరువును దీర్పగ బంధమై రావ! 10
గుజ్జువేలుపు మాకు కోర్కెలీడేర్చు
బొజ్జదేవర వేలు మ్రొక్కులీడేర్చు! 11
వక్రతుండ గనుమ వాక్సిద్ది నిడుమ
వక్రబుద్దిని జీల్చు వందనములయ! 12
తోరణమునుగట్టు దూతను పంపు
కారణము కొఱకు కాలును మోపు! 13
భక్తి ప్రపత్తులఁ పాపము బాపు
శక్తియుక్తుల దాత శాంతిస్వరూప14
కుఁడుములు సిద్ధము కోవెల లోన
యఁడుగులు వేయవె యంబర నాథ! 15
ఇఁడుములు దీర్పవె విఘ్నవినాశ
ముడుపులు గట్టగ మూలప్రకాశ! 16
చెఱుకుగడలు గల శ్రీకర పూజ
తఱచుగ చేసెద
తథ్యము తేజ! 17
ఎలుకవాహనము నీకేయిది సామి
పలుకువరములవీ ప్రభలుగ సామి! 18
మదిలో ని నీ అభిమానము మెండు
హృదిలోనె నిలకడ నీవయి
యుండు! 19
మంగళ మందుకో మ మహిమోపేత
భంగము కానిది భక్తియె నేత!! 20
***
జన్మభూమి
మ. కో.
వేద ఘోషలనాదమందున వెల్గు జూసెడి గ్రామమై
సాదుకొంచును తాను నిల్చెను సాక్షి గౌతమి తల్లియై
పేదసాదల వెన్నుకాయుచు విశ్వపూజిత శంభుడున్
పాదుకొన్నది యూరు భాగ్యము, పార్వతీ సతి శక్తి తో
మోదమందగ నాట్యకన్యలు, మోక్ష మిచ్చెడి పుష్కరాల్
చేదు నుండని తీపివంటల క్షేమమందున పంటలున్
వాదులాటలుపండితాళుల వక్రతుండుని శోభలన్
నేది లేదనియండదెన్నడు నీకు నేనను భావమే!
లేదు లేదను మాటబల్కక ప్రేమ జూపుదురందరున్
రాదురాదిటువంటి జన్మము రాజమండ్రిని జూచుటే
పోదు హర్షము! బెర్గ యూరున పుట్టినందున భాగ్యమై
గాధలెన్నియొ కాలమిచ్చట కాంతి నింపెను నేతలై
బాధలన్నియు జెక్కియున్నవి పాత వీధుల సంపదన్
భేదభావము జూపనట్టివి వేదవిద్యలపోషయై
మాది యేమనుభావనంబున మాహితంబగు స్వర్గమే
ఆదటన్ దలిదండ్రులన్నను నాణి ముత్యపు సంతతై
ఆదుకొందురుధాన్యరాశులయాత్మతృప్తికి దాసులై
చేదు కొందురు భక్తి సారము చిత్తమున్ కదిలింపగాన్
తోదమన్నది కానరాదిట తోషమే వికసింపగా
సాదుపుంగవులుండినంతనె చాలు జన్మము ధన్యమున్
బూది పంచగ చంటిపాపలు భోగ మొందెడి దీప్తులే
పాదసేవలుపత్రిపూజలు భాగ్యవంతుల బాధ్యతై
ఆది దేవుని యాజ్ఞ తోడుత హర్ష మొందెదరందరున్
ఆదిశక్తికి రూపమిచ్చట యాత్మ లింగని సాక్షిగా..!
🙏🙏🙏🙏🙏🙏🙏
✍️చావలి బాలకృష్ణవేణి
చావలి బాలకృష్ణవేణి గారి ప్రొఫైల్ కొరకు, మనతెలుగుకథలు.కామ్ లో వారి ఇతర రచనల కొరకు
విజయదశమి 2025 కథల పోటీల వివరాల కోసం
కొసమెరుపు కథల పోటీల వివరాల కోసం
మేము నిర్వహించే వివిధ పోటీలలో రచయితలకు బహుమతులు అందించడంలో భాగస్వాములు కావాలనుకునే వారు వివరాల కోసం story@manatelugukathalu.com కి మెయిల్ చెయ్యండి.
మాకు రచనలు పంపాలనుకుంటే మా వెబ్ సైట్ లో ఉన్న అప్లోడ్ లింక్ ద్వారా మీ రచనలను పంపవచ్చు.
లేదా story@manatelugukathalu.com కు text document/odt/docx రూపంలో మెయిల్ చెయ్యవచ్చు.
మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.
దయ చేసి సబ్స్క్రయిబ్ చెయ్యండి ( పూర్తిగా ఉచితం ).
మనతెలుగుకథలు.కామ్ వారి ఫేస్ బుక్ పేజీ చేరడానికి ఈ క్రింది లింక్ క్లిక్ చేయండి. లైక్ చేసి, సబ్స్క్రయిబ్ చెయ్యండి.
గమనిక : పాఠకులు తమ అభిప్రాయాలను మనతెలుగుకథలు.కామ్ వారి అఫీషియల్ వాట్స్ అప్ నెంబర్ : 63099 58851 కు పంపవచ్చును.
రచయిత్రి పరిచయం: చావలి(బులుసు) బాలకృష్ణవేణి
జననము.. రాజమహేంద్రవరము
చదువు ::BA, Hindi pandit,
అభిరుచులు..శ్రీ . నన్నయ కవీశ్వరుడు తిరుగాడిన గోదావరీ తీరప్రాంత బాల్యము వలన కలిగిన తెనుఁగు భాషామతల్లికి ఇతోధిక సేవ చేయుట యందు అమితమైన ఆసక్తి
తద్వారా పద్యవిద్య గ్రహించుట..
సాహిత్య ప్రవేశము....
మద్గురువులు శ్రీ అనంతఛందము స్థాపకులు బ్రహ్మశ్రీ తోపెల్ల బాలసుబ్రమణ్య శర్మ గురువుగారి వద్ద పద్య విద్యలో మెళుకువ లు గ్రహించి..
వారి వద్ద సుమారు 100పైన వివిధ సంకలనములలో వృత్తములు వ్రాయుట.
శ్రీ తోబాసు గురువుగారు వ్రాయించిన శ్రీమద్రామాయణ తేటగీతి ఆంధ్రీకరణలో భాగముగా 3సర్గ ల 2000 వరకూ పద్యములు..
శ్రీ తోబాసు గురువుగారి ప్రోద్బలముతో వివిధ ఛందములలోఅనంత శతసహస్రఛందస్సౌరభము. అనే ఉద్గ్రంధములో 100 వృత్తములు, 100 ప్రముఖుల కవీశ్వరులతో వ్రాయుట వివిధ అనేక ముఖపుస్తక కూటమిలో అనేక కవితా ప్రక్రియలో ఏక్తార.. నానీలు. కవితలు. కధానికలు గజల్స్. అన్నియు వ్రాసి. బహుమతులు పొందుట.. మరికొన్ని అంతర్జాతీయ సంస్థలకు కవితలు కధలు... పద్యములు.. శీర్షికలు వ్రాయుట.. బహుమతులందుకొనుట
స్వయముగా. *శివస్తుతి త్రిశతి*పుస్తకరూపమేర్పడినది.
శ్రీ.. వీరభద్రోదాహరణకావ్యము కూడా.. ప్రచురితమైనది..
బాలకృష్ణబాలలీలలు
శతకము
శ్రీ మార్కండేయోదాహరణము కావ్యము
దేవీ అంతముగా వందల ఛందములలో అనేక వృత్త సంచయములు వ్రాయుట జరిగినది. ఇవన్నియు అముద్రితములు
అనంతఛందమునకు నానీస్ మహతీ ఛానల్
మొదలగు అనేక సంస్థల ద్వారా ప్రముఖులగు అనేక అవధాన వర్యులకు ప్రాశ్నికురాలిగా చేయుట జరిగినది... 🌹🌺☘️ మంచిపుస్తకాలు చదివి నా మనోవికాసాన్ని, నా విశ్లేషణాశక్తిని మెరుగుపరుచుకోవాలని నా ఆకాంక్ష.
Comments