మరు మల్లెల రాణి-- మకుటం లేని మహరాణి
- Neeraja Prabhala
- Jun 6
- 1 min read
#TeluguKavithalu, #Kavitha, #Kavithalu, #TeluguPoems, #NeerajaHariPrabhala, #నీరజహరిప్రభల, #MarumallelaRaniMakutamleniMaharani, #మరుమల్లెలరాణిమకుటంలేనిమహరాణి
Marumallela Rani Makutamleni Maharani- New Telugu Poem Written By Neeraja Hari Prabhala Published In manatelugukathalu.com On 06/06/2025
మరుమల్లెల రాణి-- మకుటం లేని మహరాణి - తెలుగు కవిత
రచన: నీరజ హరి ప్రభల
(ఉత్తమ రచయిత్రి బిరుదు గ్రహీత)
స్వఛ్ఛమైన తెల్లని నీ రూపం - మంచి మనసుకు ప్రతిరూపం .
కన్నె మనసు కు దర్పణం - మగువ మనసు కు శ్రృంగారం.
స్హ్నేహానికి చిరునామా - చిరునవ్వు కు నజరానా.
అందమైన మల్లెల గుబాళింపు - సొగసైన కన్నె మదిని దోచె.
మధురమైన ఊహా జగతి లో- కలల రాకుమారుడి ని చూపె.
మల్లె తీగ వంటి మగువకు మనసెరిగిన తోడు జత
కలిస్తే జీవితమంతా చల్లని పందిరియే.
మ్రృగేష్ణ, మల్లియ,ప్రయ,శూన్య,ముద్గరము,.హసంతి, సుభగ, చంద్రిక, మల్లిక వంటి పేర్లు ఎన్ని ఉన్నా నీ సౌకుమార్య సుగంధ పరిమళము అనంతము.
శెంటు- అత్తరు - పర్ఫ్యూమ్ వంటి సుగంథ ద్రవ్యాలలో వాడినా వాడిపోని విరిసిన మరుమల్లియవు.
నాగుపాము లాంటి వాలుజడ లో అందముగా కూర్చబడి ప్రియుని మదిని దోచి , మానస వీణ ను సుతారంగా మీటి , ప్రణయ రాగాలు పలికించి, సరాగాల పూదోట లో విహరించి , శ్రృంగార సామ్రాజ్యంలో విహరింప చేసే నాగమల్లి వి - సిరి మల్లివి.
దొంతర,కాడ,శంకు, బొడ్డు, కొండ,కంచె,నాగ మల్లి యని రకములు ఎన్ని ఉన్నా సుదతి సోయగాలకు సుమనోహర పుష్పానివి.
దోబూచులాడే పున్నమి చంద్రుని కాంతి లో, మల్లె పందిరి నీడన, జవరాలు సరసన ఉంటే ,తనువు-మనసు ఏకమై ప్రణయ గీతిని ఆలపించే రతీ-మన్మథుల మానస చోరీ - ప్రణయ చకోరి.
ఇంతుల పూబంతుల నడుమ మరుమల్లెల రాణి- మకుటం లేని మహరాణివి.
-నీరజ హరి ప్రభల
Comments