నవ్వు నాలుగు విధాల చేటు
- Addanki Lakshmi
- Aug 29
- 4 min read
#అద్దంకిలక్ష్మి, #AddankiLakshmi, #NavvuNaluguVidhalaChetu, #నవ్వునాలుగువిధాలచేటు, #TeluguComedyStories, #తెలుగుహాస్యకథలు
Navvu Nalugu Vidhala Chetu - New Telugu Story Written By Addanki Lakshmi
Published In manatelugukathalu.com On 29/08/2025
నవ్వు నాలుగు విధాల చేటు - తెలుగు కథ
రచన: అద్దంకి లక్ష్మి
అది డాక్టర్ మూర్తి క్లినిక్. ఉదయమే ఆయన చాలా బిజీగా ఉంటారు. రూములలో ఉండే పేషెంట్లని ఒకసారి పలకరిస్తూ, వారి ఆరోగ్యం గురించి అడుగుతూ ఒక రౌండ్ వేస్తారు.
ఇంతలో "డాక్టర్ గారు.. డాక్టర్ గారు!" అంటూ సుబ్బయ్య అరుచుకుంటూ వస్తున్నాడు.
వీల్ చైర్ లో అప్పారావుని కూర్చోబెట్టి, చౌకీదారు తీసుకు వస్తున్నాడు, కాలికి ఫ్యాక్చర్ అయింది.
"అమ్మో అమ్మో! నొప్పి, అంటూ అప్పారావు బాధ పడుతున్నాడు.
"బాధపడకండి అయ్యగారు! డాక్టర్ గారు సూత్తారు గందా" అని సముదాయిస్తున్నాడు, వాళ్ళింట్లో పని చేసే సుబ్బయ్య,
డాక్టర్ గారి రూములోకి తీసుకెళ్లాడు అప్పారావుని,
50 సంవత్సరాలు ఉంటాయి ఆయనకి,
సన్నగా బక్క పల్చగా ఉన్నాడు,
ఇంతలో డాక్టర్ గారు వచ్చి,
"ఏమైందండీ.. మీకు ఎక్కడ నొప్పి" అంటూ కాలుని తడిమి చూస్తున్నాడు.
"కుడికాలు పాదం దగ్గర. ఇదిగో ఇక్కడ వాచింది. చాలా నెప్పిండి, డాక్టర్ గారు, !" అప్పారావు బాధపడుతున్నాడు,
డాక్టర్ గారు కాలుని కొంచెం నొక్కి చూసి "పర్వాలేదు. అంత పెద్ద ఫ్యాక్చర్ కాదు. కట్టేసుకుంటే అదే పోతుంది భయపడకండి" అంటూ ధైర్యం చెప్పాడు.
"అమ్మగారు ఏరి సుబ్బయ్యా" అంటూ డాక్టర్ గారు అడిగారు.
"అమ్మగారా అండి. ఆవిడ ముద్దుల మొగుడు సీరియల్ చూస్తున్నారు. ‘సుబ్బయ్యా, నువ్వు తీసుకెళ్ళరా అయ్యగోర్ని. నేను మెల్లిగా సీరియల్ చూసి తయారై వత్తాను’ అన్నారండి”
"అసలు ఏమైందిరా సుబ్బయ్యా అయ్యగారు ఎట్లా పడిపోయారు"
"మరండి డాక్టర్ గారు, ఏమీ లేదు. అక్కడ కింద ఏదో వస్తువు ఉంటే నేను చూసుకోలేదు. దానిమీద కాలేశాను. జారి పడ్డాను" అని చెప్తున్నాడు అప్పారావు.
వెంటనే సుబ్బయ్య అందుకుని
"ఎందుకు అలా అబద్ధాలు సెప్తారు అయ్యగోరు! అసలు ఇసయం చెప్పండి,
"ఏం జరిగింది నాయనా. అసలు నాకు తెలియాలి కదా. ఎక్కడ ఎలా జారిపడ్డారు.. యాక్సిడెంట్ ఎలా జరిగిందో " అన్నారు డాక్టర్.
"అదేనండి డాక్టర్ బాబు/ నేను చెప్తున్నాను కదా
ఇసయం ఇనండి.
అయ్యగోరు పొద్దుటాల టీవీ చూస్తున్నారు. అమ్మవారు బయట నల్లా ఉంది కదా, అక్కడినుంచి నీళ్లు మోసుకుని వంటింట్లోకి తెచ్చుకుంటున్నారు. అయ్యగారు టీవీలో, సినిమా చూసుకుంటూ, పొద్దుటేలా ఆయన నాలుగు అరటి పండ్లు తింటారు, నాలుగంటిపళ్ళు తిని ఆ తొక్కలన్నీ బయట ఇసిరేశారు.
అమ్మగారు అవి చూడకుండా ఆ తొక్కల మీద కాలేసి జారి కింద పడ్డారు, అమ్మగారు పడిపోతే అయ్యగారికి భలే నవ్వొచ్చేసి, పకపక అని 10 నిమిషాలు నవ్వేశారు.
దాంతో అమ్మగారికి కోపం వచ్చేసింది, మెల్లిగా లేచి
"నే పడిపోతే నవ్వుతావా! నీకు సిగ్గు ఎగ్గు లేదా” అంటూ మెల్లిగా లేచి కోపంతో మండి పడిపోయి, వంటింట్లోకెళ్లి అప్పడాల కర్ర తీసుకుని, అయ్యగారు కాలు మీద గట్టిగా విసిరినారు.
అయ్యగారు కంగారుగా లేచి నుంచుని అప్పడాల కర్ర మీద కాలేసి జారిపడ్డారు, దాంతో ఆయన కాలు ఇరిగి కుయ్యో అంటూ కూలబడ్డారు.
ఇంతలో అమ్మగారు అక్కడికి వచ్చి అయ్యగారు ఏడుస్తుంటే
"మా బాగా అయింది. అరటి తొక్కలు పడేసి నేను కాలు జారిపోయి పడితే నన్ను చూసి నవ్వుతారా” అంటూ,
"ఒరేయ్ తీసుక పోరా అయ్యగారిని డాక్టర్ గారి దగ్గరికి. నేను ఇప్పుడు మేకప్ చేసుకుని వస్తాను మెల్లిగా” అంటూ ఆటో వాడిని పిలిచి నన్ను అయ్యగారిని పంపించారు.
డాక్టర్ గారు, అదండీ అసలు జరిగిన సంగతి.
అయ్యగారికి కట్టేసి పంపేయండి”
ఈ కథంతా విన్న అక్కడి నర్సులు, డాక్టర్ గారు పగలబడి నవ్వారు.
"ఏంటయ్యా అప్పారావు! భార్య అరటిపండు తొక్క మీద కాలేసి జారి పడితే నవ్వడమేమిటి, ఆవిడ జారిపడినా ఆవిడ కాలు బాగానే ఉంది, మధ్యలో నీ కాలు విరిగింది చూసావా, నీ భార్యను చూసి నవ్వినందుకు”
"తెలిసిందా.. భార్యలను చూసి ఎప్పుడూ నవ్వకూడదు.”
అంటూ డాక్టర్ గారు నవ్వుకుంటూ అప్పారావుని కాలికి కట్టు వేయడానికి లోపలికి తీసుకెళ్లారు.
అక్కడ ఉన్న ఇద్దరు నర్సులు నవ్వుకుంటున్నారు, "సుబ్బయ్య! మీ అయ్యగారి అమ్మగారి సరసాలు బాగుందయ్యా. నీకు బాగానే టైం పాస్" అంటూ నవ్వారు.
"అదేనండి అమ్మా, ఇద్దరికీ సెప్పలేక మద్దెలో నాకు సావు" అంటూ మొత్తుకున్నాడు సుబ్బయ్య.
"ఏరా సుబ్బయ్య, అయ్యగారికి కాలు కట్టినారా " అంటూ ఇంతలో అప్పారావు భార్య కాంతమ్మ కంగారు పడుతూ వచ్చింది.
నర్సులు ఇద్దరూ ఆవిడని చూసి ముసి ముసిగా నవ్వుకున్నారు.
***
అద్దంకి లక్ష్మి గారి ప్రొఫైల్ కొరకు, మనతెలుగుకథలు.కామ్ లో వారి ఇతర రచనల కొరకు
విజయదశమి 2025 కథల పోటీల వివరాల కోసం
కొసమెరుపు కథల పోటీల వివరాల కోసం
మేము నిర్వహించే వివిధ పోటీలలో రచయితలకు బహుమతులు అందించడంలో భాగస్వాములు కావాలనుకునే వారు వివరాల కోసం story@manatelugukathalu.com కి మెయిల్ చెయ్యండి.
మాకు రచనలు పంపాలనుకుంటే మా వెబ్ సైట్ లో ఉన్న అప్లోడ్ లింక్ ద్వారా మీ రచనలను పంపవచ్చు.
లేదా story@manatelugukathalu.com కు text document/odt/docx రూపంలో మెయిల్ చెయ్యవచ్చు.
మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.
దయ చేసి సబ్స్క్రయిబ్ చెయ్యండి ( పూర్తిగా ఉచితం ).
మనతెలుగుకథలు.కామ్ వారి ఫేస్ బుక్ పేజీ చేరడానికి ఈ క్రింది లింక్ క్లిక్ చేయండి. లైక్ చేసి, సబ్స్క్రయిబ్ చెయ్యండి.
గమనిక : పాఠకులు తమ అభిప్రాయాలను మనతెలుగుకథలు.కామ్ వారి అఫీషియల్ వాట్స్ అప్ నెంబర్ : 63099 58851 కు పంపవచ్చును.
రచయిత్రి పరిచయం: అద్దంకి లక్ష్మి
నా పేరు శ్రీమతి అద్దంకి లక్ష్మి
జన్మ స్థలం:రాజమహేంద్రవరం
డేట్ అఫ్ బర్త్
3_6_1946.
నివాసం: నవీ ముంబయి
విద్యార్హతలు:
బి.ఎ; బి. ఇడి
**వృత్తి:విశ్రాంత ఉపాధ్యాయిని,
బాంబే మునిసిపల్ కార్పొరేషన్
**తల్లిదండ్రులు: శ్రీమతి రత్నమ్మ గారు_శ్రీరామ మూర్తి గారు.
భర్త:శ్రీ వేంకటేశ్వర రావు;
విశ్రాంత జాయింట్ కమిషనర్, ఆదాయపు పన్ను శాఖ
**కుమారుడు:
గిరిధర్ సిఏ;ఎంబీఏ; శాక్రమెంటో కాలిఫోర్నియా,
**కూతురు:మాధురి వెబ్ మేనేజర్ న్యూయార్క్ స్టేట్ అమెరికా.
అల్లుడు మధుసూదన్ అమెరికా
వృత్తి/ప్రవృత్తిలో ముఖ్య ఘట్టాలు
**నూతన విద్యా విధానం గురించి ఉపాధ్యాయులకు శిక్షణ ఇచ్చి,ఉత్తమ రిసోర్స్ పర్సన్ టీచర్ గా పురస్కారం పొందాను,
నిరక్షరాస్యతను నిర్మూలించుటకు
సేవా కార్యక్రమాలు నిర్వహించాను,,
నాటకాలు వ్రాసి
విద్యార్థుల నాటకాలు
వేయించాను బెస్ట్ డైరెక్టర్ బెస్ట్ రైటర్ అవార్డులు పొందాను,
సౌత్ ఇండియన్ భాషలలో వేయించిన నాటకాల్లో, పిల్లలకు బెస్ట్ యాక్టర్ గా పురస్కారాలు లభించాయి
చదువులో వెనుకబడ్డ విద్యార్థులకు ప్రత్యేకంగా పాఠాలు చెప్పి వారి విద్యాభివృద్ధికి తోట్పడినాను,
**తెలుగు రచయితల సంఘం మహారాష్ట్ర వారి సంకలనాలలో కథ,కవిత రాసి పురస్కారాలు పొందాను,
**ఆల్ ఇండియా రేడియో తెలుగు కేంద్రంలో ఢిల్లీలో నాలుగేండ్లు తెలుగులో వార్తలు చదివిన అనుభవం
**ఎంప్లాయిమెంట్ న్యూస్ పేపర్ లో నాలుగేండ్ల అనుభవం
సాహితీ జీవితం_రచనలు
**వివిధ సాహితీ సమూహాల్లో కథలు,కవితలు రాస్తుంటాను
**ఆంధ్ర ప్రభ,ఆంధ్ర పత్రికల్లో కథలు, వ్యాసాలు ప్రచురించ బడ్డాయి
ఆంధ్రప్రభ పత్రికలో కథలకు బహుమతులు పొందాను
**అనేక సమూహాల్లోని
ఇ-సంకలనాలలో నా కథలు,కవితలు,
పద్యాలు ప్రచురించ బడినవి
కవితలకు కథలకు బహుమతులు పొందినాను
నేను రాసిన
కవితలు మరియు ప్రక్రియలు 4000 పైగా
**మినీ కవితలు
పంచపదులు
సున్నితాలు
ఇష్టపదులు
**గేయాలు
**వ్యాసాలు
**నాటకాలు
పద్యాలు
గజల్స్
కథలు
రుబాయీలు
బాల సాహిత్యం
**పేరడీ పాటలు 20 వివిధ దిన పత్రికలలో ప్రచురించబడ్డాయి
*సాహిత్య సేవ
తేనియలు,
తొణుకులు,
చిలక పలుకులు,
పరిమళాలు,
మధురిమలు,
ముత్యాలహారాలు,ఇష్టపదులు,
సకినాలు,
సున్నితాలు,
పంచ పదులు, బాల పంచ పదులు, నానీలు అనేక లఘు కవితా ప్రక్రియల్లో అన్నిట్లోనూ శతాధికంగా కవితలు రాసి, ప్రశంసా పత్రాలను పొందినాను,
**1500 వందలకు పైగా ప్రశంసా పత్రాలు పొందాను
**సాహితీ చక్రవర్తి, ఇష్టపది శ్రేష్ఠ,కవన కిరణం, అక్షర ఝరి , పంచపది కవి రత్న లాంటి , సాయి వనములో సాహిత్యం నుంచి కవన రత్న, కథా భూషణ్, మెదక్ జిల్లా విశిష్ట పురస్కారం, ఏకె మీడియం ముంబై వారి పురస్కారం, నారీ శ్రీ, సున్నితార పురస్కారం,,
అన్ని గ్రూపుల నుంచి,
15 బిరుదులు పొందడం జరిగినది,
ఆగస్టు 2022లో అమ్మ అంశముపై నేను రాసిన పద్యములకు,,
2 సున్నితాల ప్రక్రియ లో కవితకు కూడా ఇండియా బుక్ ఆఫ్ రికార్డ్స్ లో నమోదైనను,
రెండుసార్లు ఇండియా బుక్ ఆఫ్ రికార్డ్స్ లో నమోదయ్యాను,
1.ప్రచురణ,,,
1 ,కవితా కుసుమాలు పుస్తకాన్ని ప్రచురించుకున్నాను,
Comments