నీవెక్కడ

#MohanaKrishnaTata, #తాతమోహనకృష్ణ, #నీవెక్కడ, #Neevekkada, #TeluguKavithalu, #Kavitha, #Kavithalu, #TeluguPoems

Neevekkada - New Telugu Poem Written By Mohana Krishna Tata

Published In manatelugukathalu.com On 20/12/2025

నీవెక్కడ - తెలుగు కవిత

రచన: తాత మోహనకృష్ణ

కన్నుల్లో నీ రూపమే..

గుండెల్లో నీ ధ్యానమే...

ఎక్కడున్నావో నా చెలియా!

ఎలా ఉన్నావు నా ప్రియా..?

ఎన్ని సంవత్సరాలు గడిచినా...

నీ మరుపు నావల్ల కావట్లేదు

రాత్రి నిదుర రావట్లేదు

ఎప్పుడూ నీ తలపు ఆగట్లేదు 

ఎగిరే పక్షిని అడిగా...

నీ చిరునామా ఏదని!

ఘోషించే సముద్రాన్ని అడిగా..

నా చెలి కాలి స్పర్శ నీకు తగిలిందా అని!

వీచే గాలిని అడిగా...

నా చెలి ఆచూకీ ఏదని!

వర్షించే మేఘాన్ని అడిగా...

నీ చినుకులో నా చెలి తడిసిందా అని!

మండే అగ్నిని అడిగా...

నా చెలి వెచ్చని శ్వాస నీకు తోడైందా అని!

నర్తించే నెమలిని అడిగా...

నీ అంత అందంగా నర్తించే నా చెలి ఏదని!

చివరికి ఆ బ్రహ్మనే అడిగా...

నీ అందమైన సృష్టి ఎక్కడుందని!!

******

-తాత మోహనకృష్ణ

https://www.manatelugukathalu.com/profile/mohanakrishna/profile

నా పేరు తాత మోహనకృష్ణ. నాకు చిన్నతనం నుండి కథలంటే ఇష్టం. చందమామ, వార పత్రికలలో కథలు, జోక్స్ చదివేవాడిని. అలా, నాకు సొంతంగా కథలు రాయాలని ఆలోచన వచ్చింది. చిన్నప్పుడు, నేను రాసిన జోక్స్, కథలు, కొన్ని వార పత్రికలలో ప్రచురింపబడ్డాయి. నేను వ్రాసిన కధలు గోతెలుగు.కామ్, మనతెలుగుకథలు.కామ్ లాంటి వెబ్ పత్రికలలో ప్రచురింపబడ్డాయి. బాలల కథలు, కామెడీ కథలు, ప్రేమ కథలు, క్రైం కథలు రాయడమంటే ఇష్టం.

ధన్యవాదాలు

తాత మోహనకృష్ణ