ఒరేయ్ ప్రాణ స్నేహితుడా.. మల్లాదీ
- Nallabati Raghavendra Rao
- Jul 30
- 7 min read
#NallabatiRaghavendraRao, #నల్లబాటిరాఘవేంద్రరావు, #Friends, #చిన్ననాటిస్నేహితులు, #చిన్ననాటిజ్ఞాపకాలు
Orey Prana Snehithuda Malladee - New Telugu Story Written By - Nallabati Raghavendra Rao Published In manatelugukathalu.com On 30/07/2025
ఒరేయ్ ప్రాణ స్నేహితుడా.. మల్లాదీ - తెలుగు కథ
రచన: నల్లబాటి రాఘవేంద్ర రావు
ప్రముఖ రచయిత బిరుదు గ్రహీత
కథా పఠనం: పద్మావతి కొమరగిరి
మా ఊరి తోటల గురించి ఓ తమాషా మీకు చెప్పా లని నేను అనుకుంటున్నాను. ఈ విషయం ఇప్పటిది కాదండోయ్. నాకు 15వ సంవత్సరం అంటే నేను టెన్త్ క్లాస్ చదివేటప్పుడుదన్నమాట. ఈ యదార్థ సంఘటన నా హృదయంలో మూడు పుష్కరాల నుండి గూడు కట్టుకొని అలా ఉండిపోయింది.
ఇప్పుడు భళ్ళున్న వెళ్లగక్కే సమయం వచ్చింది కనుక చెప్పక తప్పదు.
మాది గోదావరి జిల్లాలో చెల్లూరు అనే ఒక కుగ్రామం కావడంతో బోరింగులతో, లోతు నుయ్యిలతో, గుబురు పొదలతో, గుళ్ళు గోపురాలతో, కొబ్బరి తోటలతో చాలా మనోహరంగా ఉండేది.
అది మండు వేసవి కాలం. మాకు వేసవి సెలవులు ఇచ్చేసారు. అయితే ప్రతిరోజు మధ్యాహ్నం 3 గంటలకు కొబ్బరి తోటల్లో మా కుర్రాళ్ళమందరం కలుసుకునే వాళ్ళము. కొబ్బరి తోటల మధ్యలో తాటిచెట్లు విప రీతంగా పెరిగి ఉండేవి. అతి వేడి అయిన వేసవి వాతా వరణం సమయములో తాటిముంజులు కొట్టుకు తినడం అదో గొప్ప అనుభూతి అన్నమాట.
నాకు టెన్తక్లాస్ లో మల్లాది సత్యనారాయణ, నామాల సత్యనారాయణ, రిమ్మలపూడి రామచంద్రరావు, వెత్సా సత్యనారాయణ, పోతంశెట్టి భాస్కర్ రెడ్డి, దేవిని బాబురావు, బుద్ధవరపు సీతారాం, ముత్యాల వీర్రాజు అందరం మంచి ఫ్రెండ్స్ అన్నమాట.
మేమందరం ఒకేసారి కొబ్బరితోటలోకి వెళ్లి తాటి ముంజులు కొట్టుకొని కడుపు నిండేవరకు తినేవాళ్లం.
అయితే ఆ కొబ్బరితోటలో.. కొబ్బరిచెట్లు.. కొబ్బరి బొండాలు కొట్టుకు తినడం మాట అటు పక్కన పెడితే.. ఆ కొబ్బరి చెట్ల మధ్యలో కురుసగా ఉన్న ఆ తాటి చెట్లు చాకచక్యంగా ఎక్కి కొడవలితో తాటి గెలలు క్రింద పడేలా కొట్టి వాట్లని మళ్లీ తలభాగాలు నరికి అందరికీ అందించడం అనేది ఒక పెద్ద బ్రహ్మవిద్య. ఆ విద్య బాగా తెలుసున్న వ్యక్తి మల్లాది సత్యనారాయణ ఒక్కడే.
మల్లాది సత్యనారాయణ టెన్త్ క్లాస్ లో నాకు అందరి కన్నా బాగా మంచి ఫ్రెండ్. పొట్టిగా బొద్దుగా ఎర్రగా భలే తమాషాగా ఉంటూ జోకులేస్తూ మాట్లాడుతుంటాడు.
అయితే ఆ సంవత్సరం వేసవి సెలవుల సమయంలో మల్లాది సత్యనారాయణకు నాకు చిన్న గొడవ జరిగింది. అదేటంటే నా బ్యాగులోంచి నా బాల్ పెన్ నాకు చెప్పకుండా తీసుకొని రాసుకుని నాకు చెప్ప కుండా అతని ఇంటికి పట్టుకుని వెళ్ళిపోయాడు. ఆ మర్నాడు వచ్చాక అడిగితే నా బాల్ పెన్ తనదే అంటూ అబద్ధం ఆడి పైగా నన్ను కొట్టబోయాడు. నాకు ఎలా ఉంటుంది చెప్పండి.. నేను మాట్లాడడం మానే శాను. అంతే ఇద్దరు బద్ధశత్రువులo అయిపోయాం.
అదన్న మాట మా శత్రుత్వం బాపతు కథ.
మరి అటువంటి సమయంలో ఆ సంవత్సరం కొబ్బరి తోటలో కలుసుకున్నాం తాటి ముంజలు కొట్టుకు తినడం కోసం. మల్లాది సత్యనారాయణ చెట్టు ఎక్కి తన దగ్గర ఉన్న కొడవలితో ఒక్కొక్కళ్ళకు డజను తాటి ముంజలు కొట్టిస్తున్నాడు. ఒక్కొక్క ముంజుకి మూడు నాలుగు కళ్ళు ఉంటాయి. ఆ రకంగా ఒక్కొక్కళ్ళు మొత్తం మీద 50 తాటికళ్ళు తిని ఆయాశపడి తినలేక నీరసపడి ఆ తోటలో గడ్డిమీద వెల్లకిలా పడు కుండి పోతున్నారు చల్లగాలి పిలుస్తూ.
అందరూ వరుసగా వెళ్లి తింటున్నారు. నేను మాత్రం ఆ తోటలో ఒక మూల కూర్చొని చూస్తున్నాను కానీ మల్లాది సత్యనారాయణ దగ్గరికి వెళ్లి.. నాకు పెట్టరా అని అడగలేకపోతున్నాను. ఆ మల్లాది సత్యనారాయణ కూడా నా వైపు చూస్తున్నాడు. కొడవలితో ముంజలు కొడుతున్నాడు. కానీ నన్ను.. ఒరే రారా నీకు కూడా ముంజలు పెడతాను.. అని పిలవడం లేదు.
ఇద్దరూ ఒకప్పుడు రాసుకు పూసుకు తిరిగినా ఇప్పుడు బద్ధశత్రువులం కదా మరి. కలిసి పోవడానికి మాట్లాడు కోవడానికి ఇద్దరికీ అహం అడ్డు వస్తుంది.
చివరికి ఆ తోటలో నేను ఏం చేయాలో తెలియక అందరూ తిని కింద పడేసిన ముంజులన్నీ ఏరి ఒక మూల పేర్చడం మొదలుపెట్టాను. నా సమాజసేవ చూసి ఒకరిద్దరూ ఫ్రెండ్స్ మన రాఘవేంద్రరావుకి పెట్టు అన్నారు. మల్లాది సత్యనారాయణ ఏ మాత్రం ఆ ప్రయత్నం చేయలేదు. వెళ్లి మల్లాది గాడిని ముంజలు పెట్టమని అడగరా.. అని నాకు కూడా హితబోధ చేశారు నేను కూడా కదలలేదు.
ఆ వయసులో అహంభావాలు, కోపతాపాలు.. అదో చిత్ర విచిత్రం.
సమయం రాత్రి పడడానికి సిద్ధంగా ఉంది. ఈ కథ క్లైమాక్స్ కు రావటం లేదు ఎట్లా?
చివరికి ఒక విచిత్ర సంఘటన జరిగింది అదేమిటో చెప్తేనే గాని ఈ మహత్తర బృహత్తర కథ పూర్తి అవ్వ దండి మరి.
మా ఇద్దరికీ తగవు వచ్చిన విషయం మిగిలిన మా ఫ్రెండ్స్ కనిపెట్టేశారు. అందులో ఇద్దరు ఫ్రెండ్స్ ముందుకు వచ్చి నా కాళ్లు చేతులు పట్టుకొని ఆ తోటలో గడ్డి మీద క్రింద పడుకోపెట్టేసారు. మరో ఇద్దరు ఫ్రెండ్స్ మల్లాదిని రెచ్చగొట్టి ఒరేయ్ కాయలు కొట్టి వీడి నోట్లో పొయ్యిరా అన్నారు.
అంతే మల్లాది తెగ రెచ్చిపోయాడు. ఆ తోటలో చెట్టు నుండి కోసిన ముంజకాయలు నా మీదే పెట్టి కొడవలి తో కసాకసా నరుకుతూ ముంజకళ్ళు బయటికి తీసి నా నోట్లో పడేలాగా పై నుంచి పోయడం మొదలుపెట్టా డు. నేను కదలలేని పరిస్థితిలో గుటక కూడా వేయ లేక పోతున్నాను. అలా 70, 80 కళ్ళు కసిగా పోసేసాడు. నా పొట్ట విఘ్నేశ్వరుడిలా అయిపోయింది. చివరికి లేచి కూర్చున్నప్పటికి త్రేన్పు వచ్చే అవకాశం కూడా లేకుండా ఉంది.. నా పరిస్థితి.
ఆ విధంగా ఆ వయసులో అప్పుడు నా మీద కసి తీర్చుకున్నాడు మల్లాది సత్యనారాయణ. అయితే ఆ తోటలో జరిగిన సంఘటన కసి అనలేను ఎందుకంటే అదో సరదా పిల్ల ఆట. ఆ కోపతాపాలు, ఆ వయసులో ఆ ఆటలు అంతేనండి మరి.
ఆ తర్వాత టెన్త్ పరీక్షలు రాయడం వాడొక దారి నా దొక దారి అయిపోయాo. ఇప్పటి వరకు సంబంధం లేదు. ఇప్పటికీ వాడు ఎక్కడున్నాడో, ఏ పొజిషన్లో ఉన్నాడో, ఏం చేస్తున్నాడో నాకు తెలియదు. ఉన్నత స్థితిలో ఉండాలని మాత్రం ఆ భగవంతుడుని కోరుకుం టున్నాను.
ఇప్పుడు ఈ మహత్తర బృహత్తర కథ మా మల్లాది గాడు విన్నా చదివినా తప్పకుండా వాడు ఎక్కడున్నా నాకు ఫోన్ చేసి తీరాలి.. నా నెంబర్ ఎవరో ఒకరి దగ్గర సంపాదించి.
మరి నేనే ముందుగా వాడికి ఫోన్ చేద్దామంటే వాడి నెంబర్ నాకు తెలియదు కదా.. అయినా నేను కూడా ప్రయత్నిస్తాను.. ప్రయత్నిస్తాను.
మా ఊరి తోటలు సాక్షిగా వాడి మీద నాకున్న ఆ కోపం ఆరోజుతోటే హుష్ కాకి అయిపోయింది.
''ఒరేయ్ ప్రాణ స్నేహితుడా.. మల్లాదీ.. ఒక అడుగు ముందుకు వెయ్యరా. మళ్ళీ మనం కొత్త జీవితాన్ని ప్రారంభిద్దాం.. ఒకసారి మన ఇద్దరం చెల్లూరు వెళ్లి అక్కడ తోటలన్నీ కల తిరగాలి. మళ్లీ నువ్వు తాటి చెట్టు ఎక్కి ముంజ కాయలు కొట్టి నాకు ఇవ్వాలి.
వస్తావు కదూ వస్తావు కదూ. మిత్రమా..
మనం కలిసే సమయం అదిగో అల్లదిగో దగ్గరలోనే ఉండాలి ఉంటుంది. ''
**
నల్లబాటి రాఘవేంద్ర రావు గారి ప్రొఫైల్ కొరకు, మనతెలుగుకథలు.కామ్ లో వారి ఇతర రచనల కొరకు
విజయదశమి 2025 కథల పోటీల వివరాల కోసం
కొసమెరుపు కథల పోటీల వివరాల కోసం
మేము నిర్వహించే వివిధ పోటీలలో రచయితలకు బహుమతులు అందించడంలో భాగస్వాములు కావాలనుకునే వారు వివరాల కోసం story@manatelugukathalu.com కి మెయిల్ చెయ్యండి.
మాకు రచనలు పంపాలనుకుంటే మా వెబ్ సైట్ లో ఉన్న అప్లోడ్ లింక్ ద్వారా మీ రచనలను పంపవచ్చు.
లేదా story@manatelugukathalu.com కు text document/odt/docx రూపంలో మెయిల్ చెయ్యవచ్చు.
మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.
దయ చేసి సబ్స్క్రయిబ్ చెయ్యండి ( పూర్తిగా ఉచితం ).
మనతెలుగుకథలు.కామ్ వారి ఫేస్ బుక్ పేజీ చేరడానికి ఈ క్రింది లింక్ క్లిక్ చేయండి. లైక్ చేసి, సబ్స్క్రయిబ్ చెయ్యండి.
గమనిక : పాఠకులు తమ అభిప్రాయాలను మనతెలుగుకథలు.కామ్ వారి అఫీషియల్ వాట్స్ అప్ నెంబర్ : 63099 58851 కు పంపవచ్చును.
30 /10 /2022 తేదీన హైదరాబాద్ రవీంద్ర భారతిలో మనతెలుగుకథలు.కామ్ వారిచే సన్మానింపబడి, ప్రముఖ రచయిత బిరుదు పొందారు.
రచయిత పరిచయం: నల్లబాటి రాఘవేంద్ర రావు
30 /10 /2022 తేదీన హైదరాబాద్ రవీంద్ర భారతిలో మనతెలుగుకథలు.కామ్ వారిచే సన్మానింపబడి, ప్రముఖ రచయిత బిరుదు పొందారు.
ముందుగా " మన తెలుగు కథలు" నిర్వాహకులకు నమస్సులు..
"రచయిత పరిచయం"..... ఇది చాలా ముఖ్యం.
రచయిత తన గొప్పలు చెప్పుకోవడం కాదు గాని తన గతచరిత్ర వివరాలు అందరికీ తెలియ చేయటం అవసరమే. ఈ చర్య ఆ రచయితకు మానసికంగా ఎంతగానో ఉపయోగపడి అతను మరిన్ని మంచి మంచి రచనలు చేసి సమాజానికి అందించే అవకాశం ఉంది.. ఎంతో పెద్ద ఆలోచనతో అలాంటి 'మహా ప్రయత్నం'.. చేస్తున్న 'మన తెలుగు కథలు' కు మరొక్కసారి అభినందనలు.
పునాది....
-----------
ఏడు సంవత్సరాలు వయసు నాది. మా తండ్రి సుబ్బారావు గారు ప్రోత్సాహంతో శ్రీ కృష్ణార్జున యుద్ధం అనే 10 నిమిషాల నాటకాన్ని నేనే రాసి కృష్ణుడి వేషం నేనే వేసి దర్శకత్వం నేనే చేసి పెద్ద స్టేజి మీద దసరా నవరాత్రులకు ప్రదర్శించాము.
ఆ తర్వాత భక్త ప్రహ్లాద లో ప్రహ్లాదుడు గా.. మరో నాటకంలో శ్రీరాముడుగా.. రచన దర్శకత్వం నాదే.. ఏడు సంవత్సరాల వయస్సు.
తర్వాత పదిహేను సంవత్సరాల వయసులో
టెన్త్ క్లాస్ యానివర్సరీ కి 15 మంది నటులతో నా దర్శకత్వం లో పెద్ద స్టేజి మీద నాటకం వేసాము.
అప్పుడే నేను రచయితను కావాలన్న
ఆశయం మొగ్గ తొడిగింది.
నా గురించి..
---------------
50 సంవత్సరాల సుదీర్ఘ సాహితీ ప్రయాణం.
450 ప్రచురిత కథల రచన అనుభవం.
200 గేయాలు నా కలం నుండి జాలువారాయి
200 కవితలు నా మేధస్సు నుండి ఉద్భవించాయి
20 రేడియో నాటికలు ప్రసారం.
10 టెలీఫిల్మ్ ల నిర్మాణం.
200 కామెడీ షార్ట్ స్కిట్స్
3 నవలలు దినపత్రికలలో
" దీపావళి జ్యోతి "అవార్డు,
"రైజింగ్స్టార్" అవార్డు
" తిలక్ స్మారక" అవార్డు... మరికొన్ని అవార్డులు.
ప్రస్తుత ట్రెండ్ అయిన ఫేస్బుక్ లో ముఖ్యమైన 15 గ్రూపుల్లో... ఇంకా అనేక వెబ్ సైట్లు, బ్లాగులు,ఆన్లైన్ పత్రికలలో యాక్టివ్ గా తరచు నాకథలు, కవితలు,గేయాలు, ముఖ్యంగా కామెడీ షార్ట్ స్కిట్స్ ప్రతి రోజూ దర్శనమిస్తూ ఉంటాయి..
రమారమి 75 అవార్డులు, రివార్డులు అందు కున్నాను... అని గర్వంగా చెప్పుకునే అవకాశం కలగటం... ఆ చదువులతల్లి అనుగ్రహమే!
ఇదంతా ఒక్కసారిగా మననం చేసుకుంటే... 'పడని సముద్ర కెరటం' లా... నూతనశక్తి మళ్లీ పుంజుకుంది.
ఇక నా విజయ ప్రయాణగాధ....
------+------------------------------
పేపర్లెస్ రచయితగా... ఒక కుగ్రామం లో పేరు ప్రఖ్యాతులు పొందిన నా తండ్రి సుబ్బారావు గారు నా ఆలోచనలకు, రచనలకు ప్రాణప్రతిష్ట చేసిన ప్రథమగురువు. తల్లి వీరభద్రమ్మ నాకే కాదు నా కథలకూ ప్రాణదాతే!!
తదుపరి రమారమి 50 సంవత్సరాల క్రితమే.. మా ఊరివాడైన నా జూనియర్ క్లాస్మేట్... నా స్నేహితుడు ఇప్పటి సినీ దర్శకుడు " వంశీ "... కథలు రాస్తూ... నన్ను కూడా కథలు రాయ మని... చెప్తుండేవాడు. అప్పటి నుండి ఎక్కువగా రాయడం మొదలు పెట్టాను.ఆ తర్వాత మా ఊరి వారైన సినీ గేయరచయిత
" అదృష్టదీపక్".. నా కథలు.. చదివి.. మెచ్చు కునే వారు.. దాంతో ఇంకా విరవిగా కథలు రాయడం మొదలు పెట్టాను.
1. మొదటి రచన 1975 నాటి ప్రఖ్యాత పత్రిక "ఆంధ్రసచిత్రవారపత్రిక" లో బుద్ధిలేనిమనిషి కథ.
2. రేడియో నాటికలు గొల్లపూడి మారుతీ రావు గారి సమకాలంలో విరవిగా వచ్చాయి.
3. సినిమాకథలపోటీ లో అలనాటి "విజయచిత్ర" ద్వితీయబహుమతి కథ.. "డిసెంబర్ 31 రాత్రి"
4. ఉగాది కథలపోటీ "ఆంధ్రభూమి" బహుమతి కథ
5. ఉగాది కథల పోటీలో "ఆంద్రజ్యోతి" బహు మతి కథ
6. దీపావళి కథలు పోటీలో "ఆంధ్రజ్యోతి" బహుమతి కథ.
7. అప్పాజోస్యుల( అమెరికా) నిర్వహించిన కథల పోటీలో "నలుగురితో నారాయణ".. ఆంధ్రప్రభ విశిష్ట కథ ప్రచురణ
8. అల్లూరి స్మారక జయంతి "కళావేదిక " కరప తిలక్ స్మారక అవార్డు కథ " బ్రతుకు జీవుడా"
9. "స్వాతి " తానా అమెరికా కథల పోటీలో ప్రచురణ కు ఎన్నికైన కథ..." వైష్ణవమాయ."
10. రాష్ట్రస్థాయి కథలపోటీ హైదరాబాద్ "నిమ్స్"ద్వితీయ బహుమతి కథ..న్యాయనిర్ణేత శ్రీమతి యద్దనపూడి సులోచనారాణి." బంగారు పేకమేడ"
11. "అనిల్ అవార్డ్" స్వాతి కన్సోలేషన్ బహు మతి..." అమృతం కురిసింది"
12. సస్పెన్స్ కథల పోటీ "స్వాతి" లో ఎన్నికైన కథ
13. "పులికంటి సాహితీ సంస్థ" రాష్ట్రస్థాయి పోటీలకు ఎన్నికైన కథ..
14. రాష్ట్రస్థాయి కథలపోటీ "ఆరాధన" హైదరా బాద్ ద్వితీయ బహుమతి కథ.." అదిగో స్వర్ణ యుగం" న్యాయనిర్ణేత జ్ఞానపీఠ అవార్డు గ్రహీత.. శ్రీ రావూరి భరద్వాజ గారు.
15. "అభ్యుదయ ఫౌండేషన్" కాకినాడ రాష్ట్ర స్థాయి అత్యుత్తమ కథ.. " ఐదేళ్ల క్రితం " .
16. సి.పి.బ్రౌన్ "సాహితీ స్రవంతి".. ప్రత్యేక కథ
" ఇంద్రలోకం".
17. కొమ్మూరి సాంబశివరావు స్మారక సస్పెన్సు కథల పోటీలో "నవ్య' ప్రచురణకు ఎన్నికైన కథ.
18. "వేలూరు పాణిగ్రహి" విజయవాడ " గాంధీ తాత" రాష్ట్రస్థాయి ద్వితీయ బహుమతి కథ.
19. 'కదలిక'... సర్వశిక్షఅభియాన్ రాష్ట్ర ప్రభుత్వ సహకారంతో నిర్మింపబడిన అత్యున్నత టెలీ ఫిల్మ్... చిన్న సినిమా.
20. "అల కమ్యూనికేషన్" హైదరాబాద్ కథల పోటీలో ఎంపికైన కథ...." హృదయానికి శిక్ష".
21. రాష్ట్రస్థాయి కథలపోటీ "మైత్రేయ కళాసమితి" మెదక్.. పుస్తక సంకలనానికి ఎన్నికైన కథ. "బిందెడు నీళ్లు".
22. రాష్ట్ర స్థాయి కథల పోటీలు "జాగృతి" కన్సోలేషన్ బహుమతి కథ "ఆలస్యం అమృతం విషం"
23. రాష్ట్రస్థాయి దీపావళి కథల పోటీ "ఆంధ్ర ప్రదేశ్" పత్రిక ప్రత్యేక బహుమతి హాస్య కథ.
24. రాష్ట్రస్థాయి దీపావళి కథల పోటీ "ఆంధ్రప్రభ" ప్రచురణకు ఎంపికైన కథ.
25. దీపావళి కథల పోటీ "ఆంధ్రభూమి" ప్రచురణ కు ఎన్నికైన కథ.
26. రాష్ట్రస్థాయికథల పోటీ "ఆప్కో ఫ్యాబ్రిక్స్" హైదరాబాద్ నిర్వహణ పోటీ లో ఎన్నికైన కథ.
27. రాష్ట్రస్థాయి కథలపోటీ "ఆంధ్రప్రదేశ్పత్రిక" కు ఎన్నికైన హాస్యకథలు." చంద్రమండలంలో స్థలమును అమ్మబడును".
28.దీపావళి కథల పోటీ "జాగృతి" పత్రిక కు ఎన్నికైన కథ.
29. "హాస్యానందం" విశేష స్కిట్స్ కొరకు.. "రైజింగ్ స్టార్".. అవార్డు.
30 ఆంధ్రజ్యోతి "భావ తరంగం" వారం వారం 30 కథలు.
31. "కళా దర్బార్" రాజమండ్రి.. రాష్ట్రస్థాయి కవితలపోటీలలు... 4 సంవత్సరాలు ఉత్తమ కవిత్వానికి ప్రథమ బహుమతి...మూడుసార్లు.. ఉత్తమ కవిత్వానికి ద్వితీయ బహుమతి.
32.."హాసం" మాస పత్రిక లో ప్రచురింపబడిన "చిరాకు దంపతులు చింతకాయ పచ్చడి" కథ చదివిన చాలా మంది సినీ ప్రముఖులు ఫోన్ కాల్స్ చేసి అభినందించడం.
33. ప్రఖ్యాత సిరివెన్నెల పత్రికలో సిరివెన్నెల సీతా రామశాస్త్రి గారి నిర్వహణలో జానపద పాటల పోటీలో ప్రథమ బహుమతి పాటకు వారి నుండి పత్రికాముఖంగా ప్రత్యేక ప్రశం సలు.. తదుపరి ఆ పాట అనేక రంగస్థల ప్రదర్శనలు పొందడం.
34. విశేష కథలుగా పేరు ప్రఖ్యాతులు తెచ్చిన కథలు
నలుగురితోనారాయణ
కొరడా దెబ్బలు
అమృతం కురిసింది.
వైష్ణవమాయ
ఐదేళ్ల క్రితం
ఇంద్రలోకం
బిందెడు నీళ్లు
చంద్రమండలంలో స్థలములు అమ్మబడును
డిసెంబర్ 31 రాత్రి
మహాపాపాత్ముడు
35. రాజమండ్రి ,కాకినాడ ,విజయవాడ, విశాఖ పట్నం ,రామచంద్రపురంలో.. విశేష సన్మానాలు.
ప్రస్తుతం...
1. ఒక పరిశోధన నవల.. ఒక చారిత్రక నవల రాసే ప్రయత్నం
2. పరిషత్ నాటికలు జడ్జిగా..
3. కొందరు సినీప్రముఖుల ప్రోత్సాహంతో..
సినిమాలకు కథ మాటలు స్క్రీన్ప్లే అందించే ప్రయత్నం.
4. .. 4 కథల సంపుటిలు... రెండు కవితా సంపుటిలు.. 1గేయ సంపుటి.. 2 కామెడీ షార్ట్ స్కిట్స్.. రెండు నాటికల సంపుటిలు..ఒక నవల ప్రచురణ తీసుకొచ్చే ప్రయత్నం.
5. ఒక ప్రింటెడ్ పత్రిక ప్రారంభించే ఉద్దేశ్యం.
భార్య.. గోవిందీశ్వరి... హౌస్ వైఫ్.
కుమారుడు... వెంకట రామకృష్ణ .. బి.టెక్ సాఫ్ట్వేర్ ఇంజనీర్... మైక్రోసాఫ్ట్.. హైదరాబాద్.
కోడలు... మాధురీ లత..... ఎం ఫార్మసీ.
కుమార్తె.. సౌభాగ్య.. స్టూడెంట్.
మనుమరాలు.. ఆద్య... యాక్టివ్ బేబీ.
నా కథలను ఆదరించి తమ అమూల్య అభి ప్రాయాలు తెలియజేస్తున్న... రెండు రాష్ట్రాల తెలుగు ప్రజలందరికీ... వినమ్ర నమస్సులు.
నల్లబాటి రాఘవేంద్ర రావు
Comments