పండుగ వస్తేను
- Dr. C S G Krishnamacharyulu
- Jun 16
- 2 min read
#CSGKrishnamacharyulu, #CSGకృష్ణమాచార్యులు, #PandugaVastheu, #పండుగవస్తేను, #TeluguKavithalu, #Kavitha, #Kavithalu, #TeluguPoems
Panduga Vasthenu - New Telugu Poem Written By - Dr. C. S. G. Krishnamacharyulu
Published in manatelugukathalu.com on 16/06/2025
పండుగ వస్తేను - తెలుగు కవిత
రచన: Dr. C..S.G . కృష్ణమాచార్యులు
సంక్రాంతి పండుగ వస్తేను, ముగ్గులు వేసాను
గొబ్బెమ్మలు పెట్టి, కమ్మగ పాడాను
నా బావ వచ్చాడు, నన్ను మెచ్చాడు
నీ తొలి సఖుడిని నేనేనని, కన్ను గీటాడు
నా ఆడతనం- జాగృతమయ్యింది
ఉగాది పండుగ వస్తేను, పంచాంగం విన్నాను
ఆరు రుచుల పచ్చడి చేసి అందరి కిచ్చాను
నా బావ వచ్చాడు, నన్ను మెచ్చాడు
నీ ఆత్మీయుడ నేనేనని, బుగ్గ గిచ్చాడు
నా కన్నెతనం - విరిసి మురిసింది
దసరా పండుగ వస్తేను, రంగు చీరలు కట్టాను
శరన్నవరాత్రులు పూజలు చేసాను
నా బావ వచ్చాడు, నన్ను మెచ్చాడు
నీ ప్రియుడిని నేనేనని, ముద్దులు పెట్టాడు
నా ముగ్దతనం -నును సిగ్గుల మొగ్గయ్యింది
దీపావళి పండుగ వస్తేను, దివ్వెలు వెలిగించాను
రంగు రంగుల, బాణ సంచా కాల్చాను
నా బావ వచ్చాడు, నన్ను మెచ్చాడు
నీ వరుడిని నేనేనని, కౌగలించాడు
నా యవ్వనం- నిలువెల్ల పరవశించింది
పెళ్ళి పండుగ వస్తేను, వధువునయ్యాను
శోభనం గదిలోకి, సిగ్గుతో నడిచాను
నా బావ వచ్చాడు, నన్ను మెచ్చాడు
నీ నాధుడ నేనే నని, లీనమయ్యాడు
నా తల్లితనం -మెల్లగ నన్నావరించింది
***
C..S.G . కృష్ణమాచార్యులు గారి ప్రొఫైల్ కొరకు, మనతెలుగుకథలు.కామ్ లో వారి ఇతర రచనల కొరకు
విజయదశమి 2025 కథల పోటీల వివరాల కోసం
కొసమెరుపు కథల పోటీల వివరాల కోసం
మేము నిర్వహించే వివిధ పోటీలలో రచయితలకు బహుమతులు అందించడంలో భాగస్వాములు కావాలనుకునే వారు వివరాల కోసం story@manatelugukathalu.com కి మెయిల్ చెయ్యండి.
మాకు రచనలు పంపాలనుకుంటే మా వెబ్ సైట్ లో ఉన్న అప్లోడ్ లింక్ ద్వారా మీ రచనలను పంపవచ్చు.
లేదా story@manatelugukathalu.com కు text document/odt/docx రూపంలో మెయిల్ చెయ్యవచ్చు.
మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.
దయ చేసి సబ్స్క్రయిబ్ చెయ్యండి ( పూర్తిగా ఉచితం ).
మనతెలుగుకథలు.కామ్ వారి ఫేస్ బుక్ పేజీ చేరడానికి ఈ క్రింది లింక్ క్లిక్ చేయండి. లైక్ చేసి, సబ్స్క్రయిబ్ చెయ్యండి.
గమనిక : పాఠకులు తమ అభిప్రాయాలను మనతెలుగుకథలు.కామ్ వారి అఫీషియల్ వాట్స్ అప్ నెంబర్ : 63099 58851 కు పంపవచ్చును.
రచయిత పరిచయం: Dr. C..S.G . కృష్ణమాచార్యులు
శ్రీ వెంకటేశ్వర విశ్వ విద్యాలయం, తిరుపతి లో మేనేజ్మెంట్ విభాగంలో ప్రొఫెసరుగా రిటైర్ అయ్యాను. ప్రస్తుత నివాసం పుదుచెర్రీ లో. నేను రచించిన మేనేజ్మెంట్ పాఠ్య గ్రంధాలు ప్రెంటిస్ హాల్, పియర్సన్ ఎడ్యుకేషన్, వంటి ప్రముఖ సంస్థలు ప్రచురించాయి.
ఈ మధ్యనే నాకిష్టమైన తెలుగు రచనా వ్యాసంగం, ప్రారంభించాను. ఆ సరస్వతీ మాత కృపవల్ల కొన్ని బహుమతులు గెలుచుకున్నాను. అందులో కొన్ని. చేజారనీకే జీవితం- నవల, ( కన్సొలేషన్ -మన తెలుగు కథలు .కాం ). మనసు తెలిసింది, చీకటి నుంచి వెలుగుకు, (వారం వుత్తమ కథ- మన తెలుగు కథలు .కాం), గురువే కీచకుడైతే (3 వ బహుమతి - విమల సాహితీ ఉగాది కథల పోటీ) ఒకే పథం- ఒకే గమ్యం( ప్రత్యేక బహుమతి --వాసా ప్రభావతి స్మారక కథల పోటీ- వాసా ఫౌండేషన్ & సాహితీకిరణం), తెలుగు భాష (ప్రత్యేక బహుమతి- పద్యాలు - షార్ సెంటర్ ఉగాది పోటీ), జంటగా నాతి చరామి ( కన్సొలేషన్- సుమతి సామ్రాట్ కథల పోటీ).
Comments