సంత్ తుకారాం
- Pratap Ch
- 4 days ago
- 2 min read
#Ch.Pratap, #భక్తతుకారాం, #SanthThukaram, #TeluguDevotionalStory
Santh Thukaram - New Telugu Story Written By Ch. Pratap
Published In manatelugukathalu.com On 04/07/2025
సంత్ తుకారాం - తెలుగు కథ
రచన: Ch. ప్రతాప్
సంత్ తుకారాం మహారాజ్ 17వ శతాబ్దానికి చెందిన మహానుభావుడు. ఆయన మహారాష్ట్రలో జన్మించి, విట్ఠల భక్తిగా తన జీవితం అంతా పరమాత్మ సేవకే అంకితం చేశాడు. బాల్యంలోనే తల్లిదండ్రులను కోల్పోయిన తుకారాం, అన్నయ్య త్యాగ జీవితం స్వీకరించడంతో కుటుంబ బాధ్యతలన్నీ తన భుజాలపై పడేలా జరిగాయి. అప్పులు, దురదృష్టాలు, వరుస అనర్థాలు ఆయనను తొలిచి వేయలేదు. అంతే కాదు, ఇవే ఆయనను భగవంతుని వైపు మరింతగా నడిపించాయి.
ఆయన తన జీవితాన్ని ధర్మ మార్గంలో, దయతో, నిజాయితీతో నడిపించాడు. వ్యాపారంలోనూ ఆయనే నష్టపోయేవాడు, ఎందుకంటే అతని హృదయం వినమ్రతతో నిండినది. అప్పుగా వచ్చిన డబ్బును కూడా పేదల కోసం వెచ్చించేవాడు. ఈ లోక ప్రయోజనాలకన్నా భగవంతుని అనుభవమే శాశ్వతమని తెలుసుకుని భక్తి మార్గంలో ముందుకు సాగాడు.
తుకారాం రచించిన అభంగ్‌లు పాండురంగుడి మీద ప్రేమతో, సామాజిక విమర్శతో, ఆత్మజ్ఞాన స్పూర్తితో నిండినవి. ఆయన వచనాలు బ్రాహ్మణాధిక్యాన్ని ప్రశ్నించాయి. కుల రహిత సమాజాన్ని కలగలిపేలా ప్రజలకు మార్గదర్శకంగా నిలిచాయి. తాను ధ్యానించిన శిలను పవిత్ర తీర్థంగా భావించి వకరి భక్తులు పూజిస్తారు.
ఒకసారి భక్తులకు తుకారాం ఈ విధంగా ఉపదేశించాడు:
"మీరందరూ కుటుంబ బాధ్యతలు మోస్తున్నా, పాండురంగుడిని ఎప్పటికీ మర్చిపోకండి. పంఢర్‌పురం మీకు చాలా దగ్గరగా ఉంది. అది భూమిపై వైకుంఠం. అక్కడికి వెళ్లి భగవంతుడిని పూజించండి. మరణ సమయంలో నామస్మరణే మనల్ని రక్షిస్తుంది. ఇది నా అనుభవం. నేను మీ ముందు సాష్టాంగ నమస్కారం చేసి, కన్నీళ్లతో మిమ్మల్ని వేడుకుంటున్నాను – భగవంతుని నామాన్ని ఎప్పటికీ మర్చిపోవద్దు. ఎల్లప్పుడూ నారాయణుని కీర్తన చేయండి, భజన చేయండి. మీ భౌతిక సంక్షేమాన్ని దేవుడే చూసుకుంటాడు. ఇది అశాశ్వతం. భగవంతుని నామం మాత్రమే శాశ్వతం. రామకృష్ణహరి జపం చేయండి."
ఆయన బోధనలలోని మూలసారాలు :
(1) "భగవంతుని సేవలో సమానత్వం ముఖ్యం" – తుకారాం కుల, మత, సంపత్తి అనే భేదాలను నిరాకరించి, ప్రతి ఒక్కరూ భగవంతుని దగ్గర సమానులే అనే సందేశాన్ని ఇచ్చారు.
"నిష్కామ సేవే నిజమైన భక్తి" – లాభాపేక్ష లేకుండా చేయబడిన పనులే భగవంతునికి అత్యంత ప్రియమైనవని తాను తన జీవితంతోనే చూపించారు.
"నామస్మరణే మోక్ష మార్గం" – ఆయన నమ్మకం ప్రకారం, భగవంతుని నామాన్ని మనస్సుతో జపించడం వల్ల ఆత్మ శుద్ధి అవుతుంది, జీవితం శాంతియుతంగా మారుతుంది.
ఈ మాటలు ఆయన ఆత్మసాక్షాత్కార స్థాయిని తెలియజేస్తాయి. తుకారాం స్వార్థం లేని జీవితం, సమాజాన్ని కలిపే సందేశాలు, పరమాత్మను దర్శించే సాధన, అన్నీ కలగలిపి ఆయనను శాశ్వత కాంతిలా వెలిగించాయి.
ఈరోజు కూడా తుకారాం గారి వచనాలు మనల్ని తేజోవంతంగా మారుస్తున్నాయి. మనిషి నిత్య సత్యాన్ని తెలుసుకోవాలంటే, ఆయన జీవితాన్ని చదవాలి, ఆయన నామాన్ని జపించాలి.
***
Ch. ప్రతాప్ గారి ప్రొఫైల్ కొరకు, మనతెలుగుకథలు.కామ్ లో వారి ఇతర రచనల కొరకు
విజయదశమి 2025 కథల పోటీల వివరాల కోసం
కొసమెరుపు కథల పోటీల వివరాల కోసం
మాకు రచనలు పంపాలనుకుంటే మా వెబ్ సైట్ లో ఉన్న అప్లోడ్ లింక్ ద్వారా మీ రచనలను పంపవచ్చు.
లేదా story@manatelugukathalu.com కు text document/odt/docx రూపంలో మెయిల్ చెయ్యవచ్చు.
మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.
దయ చేసి సబ్స్క్రయిబ్ చెయ్యండి ( పూర్తిగా ఉచితం ).
మనతెలుగుకథలు.కామ్ వారి ఫేస్ బుక్ పేజీ చేరడానికి ఈ క్రింది లింక్ క్లిక్ చేయండి. లైక్ చేసి, సబ్స్క్రయిబ్ చెయ్యండి.
గమనిక : పాఠకులు తమ అభిప్రాయాలను మనతెలుగుకథలు.కామ్ వారి అఫీషియల్ వాట్స్ అప్ నెంబర్ : 63099 58851 కు పంపవచ్చును.
రచయిత పరిచయం:
నా పేరు Ch. ప్రతాప్. నేను వృత్తి రీత్యా ఒక ప్రభుత్వ రంగ సంస్థలో సివిల్ ఇంజనీరుగా పని చేస్తున్నాను. ప్రస్తుత నివాసం ముంబయి. 1984 సంవత్సరం నుండే నా సాహిత్యాభిలాష మొదలయ్యింది. తెలుగు సాహిత్యం చదవడం అంటే ఎంతో ఇష్టం. అడపా దడపా వ్యాసాలు, కథలు రాస్తుంటాను.
Comentários