సుందరయ్య చేసిన పొరపాటు
- Palla Venkata Ramarao
- Jul 11
- 3 min read
#PallaVenkataRamarao, #పల్లావెంకటరామారావు, #SundaraiahChesinaPorapatu, #సుందరయ్యచేసినపొరపాటు, #TeluguMoralStories, #నైతికకథలు, #TeluguChildrenStories
Sundaraiah Chesina Porapatu - New Telugu Story Written By - Palla Venkata Ramarao
Published In manatelugukathalu.com On 11/07/2025
సుందరయ్య చేసిన పొరపాటు - తెలుగు కథ
రచన: పల్లా వెంకట రామారావు
కథా పఠనం: మల్లవరపు సీతారాం కుమార్
సుందరయ్య ఒక చేనేత కార్మికుడు. కష్టపడి సంపాదించిన సొమ్ముతో కొంత స్థలం కొన్నాడు. వారసత్వంగా వచ్చిన సొంత ఇల్లు ఉంది. మగ్గం పైన వచ్చిన ఆదాయంతో అతని జీవనం హాయిగా సాగిపోతోంది. అయినా సరే ఇంకా సంపాదించి ధనవంతుడిని కావాలనే ఆశ, కీర్తి కండూతి వున్నాయి.
సుందరయ్య ఉండే వీధిలోనే ప్రసాదు, కన్నయ్య ఉంటారు. వారు సుందరయ్యకు చిన్నప్పటి నుంచి తెలిసిన వ్యక్తులు. వారిలో కన్నయ్య అనే వ్యక్తి సుందరయ్య పొరుగునే ఉంటాడు. ఇద్దరూ ప్రతిరోజు సాయంత్రం కలుసుకుని లోకాభిరామాయణం మాట్లాడుకుంటూ ఉంటారు.
ఒకసారి కన్నయ్య మాటల సందర్భంగా తనకు తెలిసిన వ్యాపార అవకాశం ఒకటి ఉందని తక్కువ పెట్టుబడితో దాన్ని నిర్వహించవచ్చని చెప్పాడు. తన వద్ద పెట్టుబడి పూర్తిగా లేదని, ఇద్దరం భాగస్వాములుగా ఆ వ్యాపారం చేసుకుంటే బాగుంటుంది అని ప్రతిపాదించాడు. కానీ సుందరయ్య అతనిని నమ్మక ఆ ప్రతిపాదన తిరస్కరించాడు.
సుందరయ్యకు ఇటీవల ఒక వ్యక్తి పరిచయమయ్యాడు. అతని పేరు బాబురావు. అతడి స్వస్థలం ఉత్తరాదిన ఉంది. ఇక్కడికి వచ్చి వ్యాపారం చేస్తుంటాడు. ఇద్దరి మధ్య స్నేహం బాగా పెరిగాక బాబురావు ఒక ప్రతిపాదన చేశాడు. తనకు దుస్తుల వ్యాపారంలో మంచి అనుభవం ఉందని ఉత్తరాదిలోని ఒక పట్టణంలో తయారైన దుస్తులు తక్కువ రేటుకు వస్తాయని ఇక్కడ ఎక్కువ లాభానికి అమ్ముకోవచ్చని చెప్పాడు. అయితే తనకు వ్యాపారంలో వాటా ఇస్తే అంతా తానే చూసుకుంటానని అన్నాడు.
లాభం ఎక్కువ వస్తుంది అనే మాట సుందరయ్యను ఆకర్షించింది. కొద్ది రోజులు ఆలోచించి తన అంగీకారం తెలిపాడు. అయితే వ్యాపారానికి కావలసిన పెట్టుబడి మొత్తం సుందరయ్యే పెట్టాలి. సరేనని సుందరయ్య ఒప్పుకుని దుస్తుల దుకాణం తెరిచాడు. కొద్దిరోజులు వ్యాపారం బాగా నడిచింది. ఒకసారి సరుకు కొనడానికి ఉత్తరాదిలోని ఒక పట్టణానికి వెళ్లాల్సి ఉంది. ప్రతిసారీ ఇద్దరూ వెళ్లి వచ్చేవారు. ఈసారి ఏదో పని ఉండడంతో నువ్వే వెళ్లి తీసుకొని రా అని పెద్ద మొత్తంలో డబ్బు బాబురావు చేతికిచ్చి పంపాడు సుందరయ్య. సరేనని వెళ్ళాడు బాబురావు.
ఆ వెళ్లిన మనిషి మళ్లీ తిరిగి రాలేదు. కంగారు పడ్డ సుందరయ్య అతని వెతికే ప్రయత్నం చేశాడు. కానీ బాబురావు ఎక్కడా కనిపించలేదు. తాను మోసపోయానని అర్థం అయింది సుందరయ్యకు. ఇంతకాలం వచ్చిన లాభాలతో పాటు తన అసలు కూడా పట్టుకెళ్ళిపోయాడు బాబురావు. ఈ విషయం సన్నిహితులతో చెప్పుకుని చింతించాడు సుందరయ్య.
ఈ విషయం తెలిసిన ప్రసాదు సుందరయ్యతో ఇలా అన్నాడు "ఇంతకుముందు కన్నయ్య నీతో సమాన భాగస్వామ్యంతో వ్యాపారం చేద్దామంటే నువ్వు అనుమానపడి ఒప్పుకోలేదు. అదే తెలియనివాడు వచ్చి చెప్తే నీ అత్యాశ కొద్దీ వాడు ఏ వాటా పెట్టకపోయినా వ్యాపారం చేశావు.
ఎక్కడో ఉత్తరాది వాడు. వాని చిరునామా కూడా తెలియదు. వాన్ని ఎక్కడని వెదుకుతావు. నీకు దగ్గరవాడు అయితే ఇలా మోసం చేయడు కదా! ఎందుకంటే స్థానికుడు ఎక్కడికీ వెళ్లలేడు. ఏదైనా సమస్య వస్తే మాలాంటి స్నేహితులు, చుట్టాలు పరిష్కారం చేయడానికి ప్రయత్నిస్తారు. అదేంటో తెలియదు గానీ బయటి వాడిని నమ్మినంత సులువుగా తెలిసిన వారిని నమ్మరు. దూరపు కొండలు నునుపు అన్న సామెత నీలాంటి వారితోనే వచ్చి ఉంటుంది" అని బుద్ధి చెప్పాడు.
-----------------------------------------------------
పల్లా వెంకట రామారావు గారి ప్రొఫైల్ కొరకు, మనతెలుగుకథలు.కామ్ లో వారి ఇతర రచనల కొరకు
విజయదశమి 2025 కథల పోటీల వివరాల కోసం
కొసమెరుపు కథల పోటీల వివరాల కోసం
మేము నిర్వహించే వివిధ పోటీలలో రచయితలకు బహుమతులు అందించడంలో భాగస్వాములు కావాలనుకునే వారు వివరాల కోసం story@manatelugukathalu.com కి మెయిల్ చెయ్యండి.
మాకు రచనలు పంపాలనుకుంటే మా వెబ్ సైట్ లో ఉన్న అప్లోడ్ లింక్ ద్వారా మీ రచనలను పంపవచ్చు.
లేదా story@manatelugukathalu.com కు text document/odt/docx రూపంలో మెయిల్ చెయ్యవచ్చు.
మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.
దయ చేసి సబ్స్క్రయిబ్ చెయ్యండి ( పూర్తిగా ఉచితం ).
మనతెలుగుకథలు.కామ్ వారి ఫేస్ బుక్ పేజీ చేరడానికి ఈ క్రింది లింక్ క్లిక్ చేయండి. లైక్ చేసి, సబ్స్క్రయిబ్ చెయ్యండి.
గమనిక : పాఠకులు తమ అభిప్రాయాలను మనతెలుగుకథలు.కామ్ వారి అఫీషియల్ వాట్స్ అప్ నెంబర్ : 63099 58851 కు పంపవచ్చును.
రచయిత పరిచయం: పల్లా వెంకట రామారావు
Profile Link:
జన్మస్థలం: ప్రొద్దుటూరు, కడప జిల్లా.
జననం: 1974
తల్లిదండ్రులు:కీ.శే. శ్రీ రామయ్య, శ్రీమతి ఓబులమ్మ
చదువు: ఎం.ఎ (తెలుగు), టి.పి.టి, డిప్లమో (కంప్యూటర్స్) (జర్నలిజం)
ఉద్యోగం: స్కూల్ అసిస్టెంట్ (తెలుగు)
అభిరుచి: సాహిత్యం, దర్శకత్వం, నాణేల సేకరణ, యాత్రలు చేయడం(యూట్యూబ్ వ్లాగ్స్) travel India telugu
(యూట్యూబ్ చానల్ , Id:@travelIndia82)
రచనలు: 'ది అటాక్' నవల, పూలుముళ్ళు, (మినీ నవల) గేయం,
వచన కవితలు, హైకు, నాటిక, కథలు, పద్యం,
బాలల కథలు, జోక్స్, వ్యాసాలు, వంటివి. సాక్షి, ఈనాడు, వార్త,అల
ఉపాధ్యాయ వాణి, బాలభారతం, చంద్రబాల, సూర్య, బాలల
బొమ్మరిల్లు, ఆంద్రభూమి వంటి పత్రికల్లో ప్రచురితం అయ్యాయి.
సత్కారాలు: జిల్లా ఉత్తమ ఉపాధ్యాయ అవార్డు, పండిత పరిషత్ వారిచే స్టేట్ అవార్డు,రాజుపాళెం
మండలం వారిచే ఉగాది పురస్కారం; అటా వారిచే , సాహితీ మిత్ర మండలి, యువ
కళావాహిని, కడప జిల్లా రచయితల సంఘం,రామరాజ భూషణ సాహితీ పీఠం, అనంతపురం జిల్లా
రచయితల సంఘం, తెలుగు కళా వేదిక,వేమన సాహితీ కళాపీఠం, కొని రెడ్డి ఫౌండేషన్ , తెలుగు రక్షణ
వేదిక, కర్ణాటక తెలుగు రచయితల సంఘం, మద్రాసు తెలుగు విశ్వవిద్యాలయం సంస్కృతి స్వచ్ఛంద సంస్థ వంటి సంస్థలచే సత్కారం.
Comments