జోక్స్ – నవంబర్ 2026
😂 జోక్స్ – నవంబర్ 2026 😂
నవ్వండి... నవ్వించండి... హాయిగా ఆనందించండి!
మనతెలుగుకథలు.కామ్ నిర్వహిస్తున్న జోక్స్ పోటీ 2026–27లో భాగంగా రచయితలు పంపిన సరదా తెలుగు జోక్స్ మీ కోసం!
===============================================
సెట్ నంబర్ – 02: గంటి సుబ్రహ్మణ్యశర్మ |
1) ఒక అరబ్ షేక్ సహారా ఎడారిలో తన ఒంటెపై కూర్చుని ప్రయాణం చేస్తూ ఉంటాడు. అతడికి ఇసుకలో ఒక దీపం కనిపిస్తుంది. దానిని తీసుకుని రుద్దితే పేలిపోయి, ఒంటెతో సహా మరణిస్తాడు. నీతి: కనిపించిన ప్రతి లాంప్ అల్లావుద్దీన్ లాంప్ కాదు, కొన్ని "బిన్ లాడెన్" లాంపులు కూడా ఉంటాయి అని. ————- 2) ఒక మధ్యవయస్కురాలైన స్త్రీ భగవంతుడిని ఆరాధిస్తే, భగవంతుడు ప్రత్యక్షమై, "నీ 50 సంవత్సరాల వయసులో నీకు మరణం ఉంది. అయినా నేను ఇంకో 30 సంవత్సరాలు ఆయువు పెంచాను" అని వరం ఇచ్చాడు. వెంటనే ఆమె బ్యూటీ పార్లర్‌కు వెళ్లి, ఒక 35 ఏళ్ల ఆమెలా అలంకరించుకుని తిరిగి ఇంటికి వచ్చేటప్పుడు ప్రమాదంలో మరణిస్తుంది. స్వర్గంలో దేవుడిని కలిసి, "మీ వరం నాకు ఎందుకు పనికిరాదు?" అని ఆమె భగవంతుడిని ప్రశ్నిస్తుంది. "అమ్మా! అసలు నిన్ను గుర్తుపట్టలేదు". ——— 3) ఒక చర్చ్ ఫాదర్, అతని భార్య, కొడుకు కలిసి ఒక స్కూటర్‌పై వెళ్తూ ఉండగా పోలీస్ అధికారి ఆపి, "ఒక స్కూటర్‌పై ముగ్గురు ప్రయాణించడం ప్రమాదం కదా?" అని అడుగుతాడు. "పిచ్చివాడా! మాతో దేవుని కుమారుడు కూడా ఉన్నాడు" అని బదులిస్తాడు. "అలాగా! అయితే ఒక స్కూటర్ మీద నలుగురు ప్రయాణం చేస్తున్నారు అని కేసు రాస్తాను" అంటాడు. ——— 4) సుబ్బారావు పెంచుకుంటున్న చిలుక రానురానూ అరిచి గోల చేయడం భరించలేక, దానిని పంజరంలో నుండి బయటకు వదిలివేస్తాడు. ఆ చిలుక ఒక వేశ్యామందిరం చేరి అక్కడ పెరుగుతూ ఉంటుంది. ఒకరోజు సుబ్బారావు అక్కడికి వెళ్లినప్పుడు, ఆ చిలుక ఇంకో చిలుకతో, "నా ఇల్లు కొత్తది కానీ, కస్టమర్ పాతవాడే" అంటుంది. ———- 5) "రాజూ! నాకిప్పుడు మూడో నెల. మనం కంగారుపడి మన ఇరువైపులా ఉన్న పెద్దలను ఒప్పించి ఎంత తొందరగా వివాహం చేసుకుంటే అంత మంచిది" అంటుంది రాణి. "ఆడవారు వయసు తక్కువ చెప్పడం సహజమే అయినా, మరీ ఇంత తక్కువ చెప్పాలా?". ——— 6) గీత తన భర్త సమాధి వద్ద కూర్చుని ఒక విసనకర్రతో విసురుతూ ఉంటుంది. అది గమనించిన ఆమె స్నేహితురాలు, "నీ ప్రేమను దూరం చేసుకోవడం నీ భర్త దురదృష్టం, బాధపడకు" అంటుంది. "లేదు! ఆయన సమాధి పూర్తిగా గట్టిగా అయిన తర్వాతే నేను మరలా పెళ్లి చేసుకోగలను". ———- 7. ఒక విదేశీ వనిత చెన్నై విమానాశ్రయంలో దిగి బయటకు వచ్చి, ఒక వ్యక్తిని, "టైమ్ ఎంత?" అని అడుగుతుంది. దానికి ఆ వ్యక్తి "8:30" అంటాడు. "అది జీఎంటీ (గ్రీనిచ్ మీన్ టైమ్) కదా?" అని ఆమె మరలా అడుగుతుంది. "లేదు మేడమ్, ఇది హెచ్‌ఎంటీ" అంటాడు ఆ వ్యక్తి. (హెచ్‌ఎంటీ అనేది భారతదేశంలో ఒకనాటి వాచ్ కంపెనీ). ————- 8) కోర్టులో జడ్జి గారు బోనులోని ముద్దాయితో, "నీ అన్ని నేరాలకు సంబంధించి నీ సమాధానం, నీ వాదన ఎవరు చెబుతారు? నీకు వకీలు ద్వారా న్యాయసహాయం కావాలా?" అని అడుగుతారు. ముద్దాయి: "నాకు ఏ వకీలూ వద్దు సార్, నేను నిజం చెప్పేద్దామనుకుంటున్నాను!". ——————— 9) రామనాథం: "ఏమిటయ్యా! వంకాయలు, టమోటాలు అంత ఎక్కువ ధర చెబుతున్నావు?" కాయగూరల వ్యాపారి: "టమోటాలు, వంకాయలు అని చిన్నచూపు చూడకండి సార్! త్వరలో 'ఐపీఓ'కి వస్తున్నాయి". ————— 10. డాక్టర్ రోగి నాలుక పరీక్షిస్తూ, "ఇదేమిటి, నాలుక మీద రెవిన్యూ స్టాంప్ ఉంది?" అని అడుగుతాడు. రోగి: "అయ్యో డాక్టర్! నిన్నటినుంచీ దానికోసమే వెతుకుతున్నాను". |
సెట్ నంబర్ – 01: శ్రీనివాసరావు జీడిగుంట |
1) ఏకాంబరం కన్ను నొప్పిగా ఉందని డాక్టర్ ముక్కంటి దగ్గరికి వెళ్లాడు. కావలసిన పరీక్షలు చేసి "అంతా బాగానే ఉంది, కానీ ఎడమ కంటిలో దిష్టి ఉంది. ఆపరేషన్ చేయాలి, లేకపోతే మీరు ఎవరిని చూస్తే వాళ్లకు దిష్టి తగులుతుంది" అన్నాడు. "ఇదొక రకం కొత్త బిజినెస్ అనుకుంటా" అనుకుంటూ బయటకు నడిచాడు ఏకాంబరం. 2) మా కాలేజీలో తెలుగు లెక్చరర్ గారికి బట్టతల, దాని మీద పెద్ద గోళీ లాంటి కంతి ఉండేది. అసలే తెలుగు క్లాస్, ఆయన రాగానే కొంతమంది స్టూడెంట్స్ "ఒరేయ్, గోళీ గారు వస్తున్నారు" అనడం విని, బాధ భరించలేక ఆయన వారం రోజులు సెలవు తీసుకుని, తల మీద ఉన్న కంతికి ఆపరేషన్ చేయించుకుని "హమ్మయ్య" అనుకుంటూ క్లాసుకి వచ్చాడు. వెనుక బెంచ్ స్టూడెంట్స్ "ఒరేయ్, కట్ గోళీ గారు వచ్చారు" అనడంతో వాళ్లతో పాటు తను నవ్వేసి క్లాస్ తీసుకున్నాడు. 3) ఒక దొంగ రాత్రి ఒక ఇంట్లోకి ప్రవేశించాడు. ఇంటి యజమానికి మెలకువ వచ్చి అడిగాడు. యజమాని: ఎవరు నువ్వు? దొంగ: దొంగను సార్! యజమాని: మరి ఏం కావాలి? దొంగ: డబ్బులు కావాలి. యజమాని: బీరువాలో ఉన్నాయి, తీసుకో. దొంగ బీరువా తెరిచి చూసి ఆశ్చర్యపోయాడు. దొంగ: సార్! ఇందులో డబ్బులు లేవే! యజమాని: అందుకే కదా నేను కూడా రాత్రిళ్లు ప్రశాంతంగా నిద్రపోతున్నాను. 4) ఒక వ్యక్తి లాయర్ దగ్గరకు వెళ్లాడు. వ్యక్తి: సార్! నేను ఒకరిని కొట్టాను, నాకు శిక్ష పడుతుందా? లాయర్: ఎందుకు కొట్టారు? వ్యక్తి: అతను నన్ను గాడిద అన్నాడు. లాయర్: అందుకని కొడతారా? వ్యక్తి: మరి నన్ను గాడిద అంటే ఊరుకోవాలా? లాయర్: మీరు గాడిద కాదని నిరూపించగలరా? వ్యక్తి: ఎలా సార్? లాయర్: నేను అడిగిన ఫీజు ఇచ్చి వెళ్లండి, మీ తెలివి మీరే నిరూపించుకున్నట్లు అవుతుంది. 5) ఒక కస్టమర్ కూరగాయల దుకాణానికి వెళ్లాడు. కస్టమర్: టమాటాలు కిలో ఎంత? వ్యాపారి: 60 రూపాయలు. కస్టమర్: పక్క దుకాణంలో 50 రూపాయలకే ఇస్తున్నారు కదా! వ్యాపారి: అయితే అక్కడే కొనుక్కోండి సార్. కస్టమర్: వాళ్ల దగ్గర అయిపోయాయి. వ్యాపారి: అందుకే మా దగ్గర అరవై రూపాయలు! 6) భర్త: నీకు ప్రపంచంలోనే అత్యంత తెలివైన వ్యక్తి ఎవరో తెలుసా? భార్య: తెలుసు, మా నాన్నగారు. భర్త: ఎందుకని? భార్య: నన్ను మీకు అంటకట్టారుగా, అందుకే! 7) మేనేజర్: మీరు ఎలాంటి పని అయినా చేయగలరా? అభ్యర్థి: చేయగలను సార్. మేనేజర్: మీకు అనుభవం ఉందా? అభ్యర్థి: లేదు సార్. మేనేజర్: మరి ఎలా చేయగలనంటున్నారు? అభ్యర్థి: అనుభవం ఉన్నవాళ్లు చేయలేని పనులు కూడా నేను చేస్తాను సార్! 8) తండ్రి: డబ్బు చాలా విలువైనది, దాన్ని జాగ్రత్తగా ఖర్చు చేయాలి. కొడుకు: నాన్నా! మీరు కూడా అలాగే చేస్తారా? తండ్రి: తప్పకుండా. కొడుకు: మరి అమ్మకు షాపింగ్‌కు అంత డబ్బు ఎందుకు ఇస్తారు? తండ్రి: ఇంట్లో ప్రశాంతత కొనుక్కోవడానికి కొన్ని ఖర్చులు తప్పవురా! 9) భార్య: నా నుంచి మీకు ఏం కావాలి? భర్త: మనశ్శాంతి. భార్య: అంటే నేను మనశ్శాంతిని ఇవ్వడం లేదా? భర్త: ఇస్తున్నావు కదా! భార్య: ఎప్పుడు? భర్త: నువ్వు నిద్రపోయినప్పుడు! 10) ఒక వ్యక్తి జ్ఞానిని అడిగాడు: వ్యక్తి: గురువుగారూ! మనిషి జీవితంలో గొప్ప విజయం ఏది? జ్ఞాని: తన కోపాన్ని తాను జయించడం. వ్యక్తి: మరి భార్య కోపాన్ని జయించడమా? జ్ఞాని: నాయనా! నేను జ్ఞానిని మాత్రమే... మహాత్ముడిని కాదు! |
Comments