అమ్మ నీవు.. అబలవు కావు!
Amma Neevu Abalavu Kavu - Telugu Poem on Mother's Day | Vasundhara Rani Munipalle
అమ్మ నీవు.. అబలవు కావు! - మదర్స్ డే తెలుగు కవిత | వసుంధర రాణి మునిపల్లె
Published in manatelugukathalu.com on 10/05/2026
సృష్టికి మూలం నీవే...
కంటికి వెలుగు నీవే...
అలుపెరుగని త్యాగానికి
నిలువెత్తు రూపం నీవే!
అమ్మగా అనురాగాన్ని పంచుతావు,
చెల్లిగా మమకారాన్ని చూపుతావు,
ఇల్లాలుగా ఇల్లంతా నీవై ఉంటావు,
ప్రతి అడుగులో వెన్నంటి నడుస్తావు.
చిరునవ్వుతో కష్టాలను దాటేస్తావు,
కన్నీటిని దిగమింగి ధైర్యాన్ని ఇస్తావు,
ఓర్పులో నీవే ఒక భూమాతవు,
నేటి సమాజానికి నీవే కదా స్ఫూర్తి ప్రదాతవు!
నువ్వు లేని లోకం శూన్యం,
నీవు చేసే ప్రతి పని అమూల్యం.
మహిళా శక్తికి వందనం...
నీ ప్రతి విజయం మా అందరికీ గర్వకారణం!
మహిళా దినోత్సవ శుభాకాంక్షలు!
-వసుంధర రాణి మునిపల్లె
Comments