సంక్రాంతి అల్లుడు

#YasodaGottiparthi, #యశోదగొట్టిపర్తి, #TeluguKavithalu, #Kavitha, #Kavithalu, #TeluguPoems

Sankranthi Alludu - New Telugu Poem Written By Yasoda Gottiparthi

Published In manatelugukathalu.com On 22/01/2026

సంక్రాంతి అల్లుడు - తెలుగు కవిత

రచన: యశోద గొట్టిపర్తి

సంక్రాంతి అల్లుడు ( ఆట వెలది పద్యాలు)

"*******

1.ముగ్గు వేస్తు రమణి మూలవీధి మర్చె 

ఆత్ర పడుతు కొత్త అల్లుడొచ్చె 

గొబ్బి పూల మీద గుట్టుగ జారెను

పక్కుమనెను ముద్దు పత్ని చెల్లి!

2.గాలి పటము పట్టి గగనము గాల్లోకి 

చేల గట్ల నడవ లేక మూల్గి 

గంగిరెద్దు చూసి గయ్యిమని అరచి 

భోగిమంట లనిన ఫయిరు అంటు!

3 ఆంగ్ల దేశ వాసి అల్లుడు అర్హుడు 

అత్త కొడుకు కొత్త అంద మనుచు

కనుమ రోజు రాక కమనీయ కనులకు

అంత దూర మేల అలుక వద్దు!

Sankranthi Siri - New Telugu Poem Written By Yasoda Gottiparthi

Published In manatelugukathalu.com On 14/01/2026

సంక్రాంతి సిరి - తెలుగు కవిత

రచన: యశోద గొట్టిపర్తి

 సంక్రాంతి సిరి

*********************

సూర్యారాధన సంక్రాంతి పర్వం

సకల దేవతలకు సంతోషం

సూర్యుడు మకర రాశిలో ప్రవేశం

ఉత్తరాయణ పుణ్యకాలం ప్రారంభం

పెద్ద పండుగ భోగి, సంక్రాంతి, కనుము ప్రకృతి ప్రాభవం 

పొగ మంచు ఉషోదయం లో

మార్గ శిర సంక్రాంతిలక్ష్మి శోభ లో

ధాన్యపు రాశిలో ధనుర్మాసం

వ్యవసాయం లో పాత వస్తువులను 

కాల్చి వేయుట కామ క్రోధాలను నశించు మనసున 

పశువుల పండుగ

పల్లెటూళ్లలో పంటల 

పచ్చని వాకిళ్ళు పొగమంచు తో 

వెచ్చని భోగి మంటల సెగలతో

ముచ్చట గొలిపే ముగ్గుల పోటీలు

ముంగిళ్ళన్నీ రంగవల్లికల 

గొబ్బెమ్మల కోలాటాలు

డు డు బసవన్నల విన్యాసాలు

నిండు కుండల పొంగలి పాయసాలు

గుడి గంటల భక్తి పారవశ్యాలు

కోడి పందాల బెట్టింగులు 

చిన్నారుల భోగి పళ్ళ పరవశాలు

కనుమ పండుగ పసుపు కుంకుమల

పేరంటాండ్ర నోముల వాయనాలు

ఆకాశాన దూసుకు పోతూ 

పక్షులతో పోటీ పడుతూ

పతoగులు వీచే గాలితో ఊగిస లాడుతూ

కనుమ పండుగ 

మినుము వంటకాల 

ఆవుల గేదెల అలంకరణ

అద్భుత కాంతుల సంక్రాంతి

Swamy Vivekananda - New Telugu Poem Written By Yasoda Gottiparthi

Published In manatelugukathalu.com On 13/01/2026

స్వామి వివేకానంద - తెలుగు కవిత

రచన: యశోద గొట్టిపర్తి

నరేంద్ర నాధ దత్త వివేకానంద 

క్షత్రియ కుటుంబంలో జననం

తండ్రి న్యాయవాది

చదువులోనూ, క్రీడల్లోనూ

సమాన ఆసక్తి

నిత్య వ్యాయామం చేస్తూ కళాకాంతులు తాండవించేవి కవిత్వంలో, సాహిత్యంలో ఇంకా ఇతర ఇతర లలిత కళలో   

చతురత,ప్రత్యేకత

తత్వశాస్త్రం అతన్ని ఆకట్టుకుంది బ్రహ్మ సమాజం సభ్యులతో సంబంధాలు పెంచుకొని

ఆనాడు ప్రచారంలో 

భక్తి పాటల పైన శ్రద్ధ 

వినేవాడు తాను పాడేవాడు భగవంతుని కళ్లారా చూడాలని ఆశ 

ఏ భక్తుడు కనిపించినా మీరు భగవంతుని చూశారా

అనే జిజ్ఞాసతో ప్రశ్నించేవాడు

రామకృష్ణ పరమ హంస ప్రియ శిష్యుడు 

కుటుంబం ఆర్థిక పరిస్థితి, 

కుటుంబ సభ్యుల మరణ 

విచారము తో సన్యాసిగా  మారి దేశమంతా పర్యటించి

భారతీయులకు  గ్రహణంలా పట్టిన ,దారిద్ర్య, మూఢ నమ్మకాలు, కులమత వివక్షతకు  స్పందించి 

భవిష్యత్ ప్రణాళిక రూపొందించి

స్వామి వివేకానందుడు గా మారాడు

జనులను అజ్ఞానం నుంచి విముక్తం చేయాలనుకుని అమెరికా  చికాగోలో ప్రసంగించి   పలువురు మేధావులు ప్రశంసలను అందుకున్నాడు

అక్కడ సంస్థల స్థాపించి తన బోధనలతో చైతన్య పరిచారు.

 ఓ యువతా మేలుకో!

*****************

నూతనత్వం కోరుకుంటున్న

ఓ యువతా! మగత నిద్ర మానండి 

ప్రగతి వైపు కదలండి

నమ్య మార్గమందు సౌఖ్యముండు

లక్ష్య సారధ్యం మీ చేతుల్లో సాధించండి భవ్యతను

బాధ్యతతో భవిష్యత్తును భద్రపరుచుము 

అన్ని రంగాలలో

అద్భుతాలు సృష్టించు 

ఆధునిక సాంకేతికతను 

అభివృద్ధికి పంచు 

అలక్ష్య ధోరణులు అనర్థాలు పెంచు

మారుతున్న తరంలో ఉరకలెత్తుతున్న యువతరం మీరు

మానవత్వందారుల్లో మసులు కొనేవారు

తల్లిదండ్రుల, గురువుల  నిస్వార్థ కృషి తమ దేశ యువత కోసమే  పోగేసి

తీవ్ర వాద ఉగ్ర వాద సమస్యలను

దుష్టశక్తులను తుద ముట్టించేలా 

పడకండి పతనం కోరే  

పాశ్చాత్య పోకడల్లో

పూనుకోండి ప్రగతిశీల పాటవాల్లో మేధాశక్తికి పదును  పెట్టండి 

అత్యంత శక్తి అవనిలోన యువకులు అపరమేధావులు అంతరిక్ష యానమున 

అడుగు వేయాలి ఆచి తూచి

అవకాశాలు అందిపుచ్చుకొని 

సంపదల తోటి సమస్యలు పెంచక సత్ప్రవర్తనతో సమసమాజ హితం కొరకు 

నాదేశ యువత నర నరాల మహాబలం  నాలుగు దిక్కులకు  నవోదయం     

నవీన భారత  సృష్టి చరితం

ఇదే ఇదే వివేకానందుని మనోగతం

జై హింద్ 

===============================================

Ahvanam 2026 - New Telugu Poem Written By Yasoda Gottiparthi

Published In manatelugukathalu.com On 02/01/2026

ఆహ్వానం 2026 - తెలుగు కవిత

రచన: యశోద గొట్టిపర్తి

చిరకాల చీకట్లను చీల్చుకునే

చివరి దీపం వెలుగుమా 2025

నా ఆశలన్నీ అరుదుగా నీచుట్టే ముసిరి పూర్వానికి స్వస్తి, నూతనానికి స్వేచ్ఛగా స్వాగతం 2026

నవోదయ కాంతిలో నవీన సంవత్సరం

నవరాగాల పల్లకిలో ఊరేగుతూ రావడం

నాటి ఆనందాలు మరు నాటికీ మకరందాలవడం

దాటిపోవద్దు దారి మారద్దు

దరి చేరిన ఆశల దీపాలు వెలిగించాలి నూతన వెలుగులా ప్రకాశించాలి

న్యూ ఇయర్ సంబరాల కేరింతలు ప్రపంచమంతా మారు మ్రోగుతూ

పాతకు కృతజ్ఞతలు తెలుపుతూ

కొత్త లక్ష్యాలకు నాంది పలుకుతూ పాత జ్ఞాపకాలకు స్వస్తి చెప్పుతూ సరిదిద్దుకొనే చక్కటి మార్గంలో నడవాలని పొరపాట్లను తలుచుకుని తడబాట్లను

తరిమికొట్టి కడగండ్లను

కడిగివేసి కొత్త ఆశలను మొలకెత్తించే

శ్రమ తోడుగా సాంకేతికత

పాతను విడిపోతూ ధైర్యంతో అడుగులు వేస్తూ

కొత్తదనంతో కలలు కంటూ

శాంతి పెంపొందించాలంటూ

సాంకేతికత సౌఖ్యంలో

సకలం

***

-యశోద గొట్టిపర్తి

https://www.manatelugukathalu.com/