అందరి విషయాల్లో తలదూరుస్తూ, అపార్థాలు సృష్టించే సువర్చలను అపార్ట్‌మెంట్ వాసులు ‘నారద ఆంటీ’ అని పిలుస్తారు. ఆమె విమర్శలతో బాధపడిన వసుధ, అనూహ్యమైన పరిస్థితుల్లో ఆమెకు అండగా నిలుస్తుంది. ఇతరులను విమర్శించే ముందు మన జీవితాలను కూడా పరిశీలించుకోవాలని చెప్పే హృద్యమైన కథ ఇది.

తులసమ్మకు చెట్లు కేవలం మొక్కలు కాదు, తన పిల్లలతో సమానమైన ఆత్మబంధువులు. పదేళ్ల కృషితో తన ఊరిని పచ్చగా మార్చిన ఆమెకు ప్రభుత్వం ‘హరిత నారి’ బిరుదును అందిస్తుంది. అమెరికా నుంచి వచ్చిన కొడుకు తల్లి గొప్పతనాన్ని తెలుసుకుని, ఆమె లక్ష మొక్కల సంకల్పానికి తోడుగా నిలవాలని నిర్ణయించుకుంటాడు.

సినిమా రంగంలో స్టార్ హీరోయిన్‌గా ఎదిగిన స్వాతి జీవితంలో ప్రేమ, పెళ్లి, కుటుంబ ఒత్తిడి ఎన్నో మలుపులు తిప్పాయి. తన మనసుకు నచ్చిన వ్యక్తిని పెళ్లి చేసుకోవడానికి ఆమె చేసిన పోరాటమే ఈ కథ.

ఒక వర్షపు రాత్రి వెలసిన పుట్టను ఊరు నాగదేవతగా కొలుస్తుంది. అదే సమయంలో చింతచెట్టు కింద రంగి ఒక ఆడబిడ్డకు జన్మనిస్తుంది. కాలం గడిచేకొద్దీ పుట్ట గుడిగా, గుడి పుణ్యక్షేత్రంగా మారుతుంది. కానీ రంగి, ఆమె కూతురు మంగ జీవితాల్లో మాత్రం ఏ మార్పూ రాదు. చివరికి అదే వర్షం, అదే చింతచెట్టు, అదే ప్రసవ వేదన మరో తరాన్ని పలకరిస్తుంది.