ఆరోగ్యమే మహాభాగ్యం
- Mohana Krishna Tata
- Aug 9
- 2 min read
#MohanaKrishnaTata, #తాతమోహనకృష్ణ, #ArogyameMahabhagyam, #ఆరోగ్యమేమహాభాగ్యం, #TeluguInspirationalStories, #ప్రేరణాదాయకకథలు
Arogyame Mahabhagyam- New Telugu Story Written By Mohana Krishna Tata
Published In manatelugukathalu.com On 09/08/2025
ఆరోగ్యమే మహాభాగ్యం - తెలుగు కథ
రచన: తాత మోహనకృష్ణ
"అమ్మా! నాకు పిజ్జా కావాలి.. ఆర్డర్ చెయ్యి.. !" అడిగింది కూతురు రమ్య.
"నువ్వింకా చిన్నపిల్లవి అనుకుంటున్నావా? అన్నం తినాలి రమ్య.. ముందు అన్నం తిను, తర్వాత చూద్దాం.. "
"అలాగైతే నేను ఒక్కటే అన్నం తింటాను.. అంతే.. !"
అసలు అన్నం తినని పిల్ల అన్నం తింటా అంటే, అమ్మకి ఆనందం ఎక్కువైంది.. "తిన్న వెంటనే అన్నీ ఇస్తాను.. " అని ఒప్పుకుంది తల్లి.
ఒక అన్నం తిన్న తర్వాత.. "ఇంకొక అన్నం తిను.. కలుపుతాను" అని అడిగింది తల్లి.
"లేదమ్మా.. అన్నం లో టేస్ట్ ఏమీ ఉండదు.. అదే పిజ్జా అయితే.. ఉప్పగా, కారంగా, చీజ్ తో సూపర్ గా ఉంటుంది.. ఎన్నైనా తినేయొచ్చు"
"అన్నం తినాలి.. అదే ఆరోగ్యం. అయినా ఇంట్లో చేసే ఫుడ్ లో ఎక్కువ కారాలు, మసాలాలు వెయ్యము.. అది మంచిది కాదు"
"అయితే నో.. నో.. "అంటూ అలిగింది రమ్య.
"చూడండి నాన్నా.. ! మీ మనవరాలకి జంక్ ఫుడ్ ఎక్కువ కావాలంట.. అన్నం ఎక్కువ తినదంటా. తర్వాత ఫ్రూట్స్, సలాడ్స్ తింటుందా అంటే, అవి అసలే ముట్టదు. ఎప్పుడూ ఆ ఫోన్ పట్టుకుని గదిలో కూర్చుంటుంది. చెప్పిన మాట వినదు".
"అవును తాతయ్యా.. ! అన్నం లో టేస్ట్ ఏమీ ఉండదు.. నాకు ఫ్రూట్స్ అంతగా నచ్చవు. ఈ జంక్ ఫుడ్ లోనే భలే టేస్ట్ ఉంటుంది.. మా ఫ్రెండ్స్ అందరూ ఇవే తింటారు".
"లేదు రమ్య.. ! మీ స్కూల్ లో హెల్తీ ఫుడ్స్ మీద చాప్టర్ ఉంది కదా.. అది చదువు. ఆరోగ్యానికి మేలు చేసేవి ఎప్పుడూ అంత టేస్ట్ గా ఉండవు. ఏది తిన్నా.. నాలుకకే రుచి కావాలి.. కడుపుకి ఎప్పుడూ మంచి పోషకాలు కావాలి"
"మరి ఎక్కడ చూసినా, ఫాస్ట్ ఫుడ్ సెంటర్స్ ఎక్కువ ఉన్నాయి మరి.. ఎందుకు.. ?"
"ఎక్కువ మంది అవే తింటుంటే, రోజు రోజుకు అవి ఎక్కువ అవుతున్నాయి. ఎప్పుడో ఒక్కసారి మాత్రమే అలాంటివి తినాలి.. రోజూ కాదు. బయట ఫుడ్ ఎక్కువ తింటే, ఆరోగ్యం పాడవుతుంది. సీజన్లో దొరికే ఫ్రూట్స్ తింటూ ఉండాలి. ఆరోగ్యమే మహాభాగ్యం కదా!
మంచి ఆహారంతో పాటు రోజూ వ్యాయామం కూడా చెయ్యాలి. బయటకు వెళ్లి ఆడుకోవాలి, అది చాలా మంచి వ్యాయామం.. అప్పుడు అందరూ ఫిట్ గా ఉంటారు. ఫోన్ ఎక్కువ చూడడం అసలు మంచిది కాదు. ఎంతవరకు అవసరమో అంతవరకే ఫోన్ వాడాలి. అతి మంచిది కాదు.”
"అందుకేనా తాతయ్యా.. నువ్వు చాలా స్ట్రాంగ్ గా ఉన్నావు. నువ్వు జంక్ ఫుడ్ తినడం నేను ఎప్పుడూ చూడలేదు. పైగా రోజూ వాకింగ్ చేస్తావు. ఫోన్ చాలా తక్కువ, అవసరానికే వాడతావు"
"ఇప్పుడు అర్ధమైందా రమ్య.. ! "
"సరే తాతయ్యా.. నువ్వు చెప్పినట్టుగానే అన్నీ ఫాలో అవుతాను. మా ఫ్రెండ్స్ అందరికీ కూడా చెబుతాను" అంది రమ్య.
*******
తాత మోహనకృష్ణ గారి ప్రొఫైల్ కొరకు, మనతెలుగుకథలు.కామ్ లో వారి ఇతర రచనల కొరకు
యూట్యూబ్ లోకి అప్లోడ్ చేయబడ్డ తాత మోహనకృష్ణ గారి కథలకు సంబంధించిన ప్లే లిస్ట్ కోసం
విజయదశమి 2025 కథల పోటీల వివరాల కోసం
కొసమెరుపు కథల పోటీల వివరాల కోసం
మేము నిర్వహించే వివిధ పోటీలలో రచయితలకు బహుమతులు అందించడంలో భాగస్వాములు కావాలనుకునే వారు వివరాల కోసం story@manatelugukathalu.com కి మెయిల్ చెయ్యండి.
మాకు రచనలు పంపాలనుకుంటే మా వెబ్ సైట్ లో ఉన్న అప్లోడ్ లింక్ ద్వారా మీ రచనలను పంపవచ్చు.
లేదా story@manatelugukathalu.com కు text document/odt/docx రూపంలో మెయిల్ చెయ్యవచ్చు.
మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.
దయ చేసి సబ్స్క్రయిబ్ చెయ్యండి ( పూర్తిగా ఉచితం ).
మనతెలుగుకథలు.కామ్ వారి ఫేస్ బుక్ పేజీ చేరడానికి ఈ క్రింది లింక్ క్లిక్ చేయండి. లైక్ చేసి, సబ్స్క్రయిబ్ చెయ్యండి.
గమనిక : పాఠకులు తమ అభిప్రాయాలను మనతెలుగుకథలు.కామ్ వారి అఫీషియల్ వాట్స్ అప్ నెంబర్ : 63099 58851 కు పంపవచ్చును.
రచయిత పరిచయం:
Profile Link:
YouTube Playlist Link:
నా పేరు తాత మోహనకృష్ణ. నాకు చిన్నతనం నుండి కథలంటే ఇష్టం. చందమామ, వార పత్రికలలో కథలు, జోక్స్ చదివేవాడిని. అలా, నాకు సొంతంగా కథలు రాయాలని ఆలోచన వచ్చింది. చిన్నప్పుడు, నేను రాసిన జోక్స్, కథలు, కొన్ని వార పత్రికలలో ప్రచురింపబడ్డాయి. నేను వ్రాసిన కధలు గోతెలుగు.కామ్, మనతెలుగుకథలు.కామ్ లాంటి వెబ్ పత్రికలలో ప్రచురింపబడ్డాయి. బాలల కథలు, కామెడీ కథలు, ప్రేమ కథలు, క్రైం కథలు రాయడమంటే ఇష్టం.
ధన్యవాదాలు
తాత మోహనకృష్ణ
Comments