#PVPadmavathiMadhuNivrithi, #పివిపద్మావతిమధునివ్రితి, #AsalainaAdaviSimhaluEvaru, #అసలైనఅడవిసింహాలుఎవరు, #TeluguChildrenStories, #పర్యావరణం
Asalaina Adavi Simhalu Evaru - New Telugu Story Written By - P V Padmavathi Madhu Nivrithi Published In manatelugukathalu.com On 16/01/2025
అసలైన అడవి సింహాలు ఎవరు - తెలుగు కథ
రచన: పి. వి. పద్మావతి మధు నివ్రితి
1). చిన్నారి శ్రీలేఖ అనే ఐదవ తరగతి విద్యార్థిని హైదరాబాద్ లో నివసించేది. వేసవి సెలవులలో తన అమ్మమ్మ - తాత నివసించే కావలి పల్లెకు వెళ్ళింది. అక్కడ అందరూ నిరుత్సాహం, నిస్పృహ, దుఃఖం, బాధ తో కనిపించారు. "ఎందుకు" అని కారణం అడిగింది శ్రీలేఖ తన అమ్మమ్మ - తాతలను.
వారు కన్నీటి తో ఇలా చెప్పారు, "గత 5 సంవత్సరాల నుండి ఆ గ్రామంలో, వర్షా కాలంలో, వరదలు వచ్చి పాడి - పంటలను నాశనం చేస్తున్నాయి. పెక్కు మంది ప్రాణాలు తీస్తున్నది. ఒక వేళ, వరద లేకుంటే క్షామం.. ఒక్క వాన చినుకు కూడా పడదు. అంటే, అతి వృష్టి - అనా వృష్టి అనటం నిజమైన నిజం. గ్రామం సుభిక్షం కోల్పోయింది. పల్లెలో సౌబాగ్యం, ప్రగతి, అభ్యుదయం మచ్చు తునక కూడా కాన-రాకుండా పోయింది. అయినవాళ్ళు, ఆత్మీయులు ప్రాణాలు కోల్పోతున్నారు ప్రతి ఏడాది", అంటూ దుఃఖ సముద్రంలో మునిగి పోయారు.
-----X X X ------
2). వేసవి సెలవులు అయి పోయాయి. విద్యా కేంద్రాలు తెరిచే సమయం వాటిల్లింది. అందుకే చిన్నారి * శ్రీలేఖ తిరిగి హైదరాబాద్ నగరం కు వచ్చేసింది.
ఒక వారం రోజుల తరువాత.. అనుష్క అమ్మ పార్వతి ఇలా చెప్పింది శ్రీలేఖ తో, "నీ అమ్మమ్మ - తాత ఫోన్ చేశారు కావలి పల్లె నుండి. అక్కడ పొలిమేర లో ఉన్న అడవి నుండి ఒక సింహం వస్తున్నది అట బయిటికి కావలి పల్లె వైపు గత వారం నుండి. రోజూ అక్కడే పొలిమేర లో ఉన్న స్మశాన వాటిక ఉద్యోగుల కుటుంబాల్లోని ఒక మనిషిని ఆరగించి, క్రూరంగా రక్తం పీల్చి పిప్పి చేసి.. తిరిగి అడవిలోకి పారి పోతున్నదట, ఆ మృగరాజు. అడవి భద్రతా సిబ్బంది ఎంత ప్రయత్నించినా, ఉచ్చులు పెట్టినా దాన్ని పట్ట లేక పోయారు. కాల్చి చంప లేక పోయారు. అందుకే అడవిలోకి వెళ్ళటం నిషేధించారు. అడవికి - కావలికి మధ్య కంచె ఏర్పాటు చేశారు. అడవికి అటు వైపు ఉన్న గ్రామాలకు వెళ్ళాలన్నా చుట్టూరా - ఉన్న రోడ్డు పైనుంచే వెళ్ళాలి, వాహనంలో ప్రయాణించాలి. అడవిలో నుండి త్వరగా వెళ్ళే మార్గాలను మూసి వేశారు", అని.
"అమ్మ బాబోయ్. అలాగా?", అంటూ విస్తు-పోయింది * శ్రీలేఖ.
-----X X X ------
3). రెండు (2) సంవత్సరాలు అలా చూస్తూనే.. ఇట్టే గడచి పోయాయి. మళ్లీ వేసవి సెలవులు వచ్చేశాయి. (హైదరాబాద్ లో నివసించే) * శ్రీలేఖ, తన అమ్మ (పార్వతమ్మ) తో సహా కావలి - పల్లె కి (మళ్లీ) వెళ్ళింది, తన ఆత్మీయులతో (అమ్మమ్మ - తాత తో) సమయం గడపటానికి, మానస వికాసం చెందటానికి, విశ్రాంతి కోసం.
ఆశ్చర్యం!
ఈ సారి, కావలి పల్లె పాడి - పంటలతో పచ్చ గా కనిపించింది. సుభిక్షం తాండవిస్తుంది అక్కడంతా. అభ్యుదయం, సౌభాగ్యం, ప్రగతి తో కళ - కళ లాడుతున్నది కావాలి పల్లె. అందరి కళ్ళలో, హృదయాలలో, మనసుల్లో సంతోషం కొట్టొచ్చినట్టు కనిపిస్తుంది. అందరి ముఖాలు దివ్యంగా వెలిగి పోతున్నాయి. ప్రతి ఇల్లు ఆనంద - నిలయం లా వర్ధిల్లుతుంది.
పిచ్చాపాటీ మాటలు - కాలక్షేపం తరువాత, * చిన్నారి శ్రీలేఖ తల్లి పార్వతి అలా పల్లె లోకి వెళ్ళింది. చిన్న నాటి స్నేహితులను, ఆత్మీయులను, వేరే చుట్టాల ను పలకరించి రావటానికి. రోజంతా ఇట్టే గడచి పోయింది.
రాత్రి ఏడు అయ్యింది. * శ్రీలేఖ, ఆమె అమ్మ పార్వతికి వేరే ప్రత్యేక గది ఏర్పాటు చేశారు పడుకోవటానికి. అక్కడ ఏవో పుస్తకాలు చదువుకుంటున్నారు ఇద్దరూ..
అమాంతం పార్వతి * శ్రీలేఖ వైపు అనుమానంగా చూస్తూ ఇలా అడిగింది, "ఏ సింహం లేదు. ఏ చావులు లేవు. ఇది నువ్వూ - స్మశాన వాటిక ఉద్యోగుల కుటుంబ మనుషులు కలసి ఆడిన నాటకం కదూ", అని.
* శ్రీలేఖ ఆశ్చర్య పోయింది. "నీకెలా తెలిసి పోయింది అమ్మా!", అని.
"ఈ రోజు నే వాకబు చేస్తే, పల్లె వారు చెప్పారు.. ఆ వారం అంతా ఏ సింహం గాండ్రింపు వినిపించలేదు అని.. ప్రతిసారీ స్మశాన వాటిక ఉద్యోగుల మనిషి యే చచ్చాడు అని.. ఓ ఎర్రపు - రక్తం మడుగులో ఉన్న మనిషి కళేబరాన్ని ఊరంతా ఊరేగింపు చేశారని, ప్రతి రోజు, వారం అంతా అని".
"అదంతా ఓ నాటకం. పల్లె వారిని సింహం పేరుతో భయ - భ్రాంతులు చేయటానికి.. ఎర్ర రంగు రక్తం లా పూసి, వారం అంతటా, రోజూ ఓ మనిషిని కాసేపు శవం లా ఊరేగింపు చేశారు, పల్లె ప్రాంతం అంతటా. పల్లె వారు భయపడి అడవి లోకి వెళ్ళ కుండా, కట్టెలు కొట్టకుండా చేయటానికి. అప్పుడు ఎక్కువగా చెట్లు పెరిగి.. అభివృద్ధి అయ్యి.. కరువుకాటకాలు - క్షామం రాకుండా పల్లె సుభిక్షం చెందుతుంది. అదే కదా అపాయం లో నీ తెలివైన ఉపాయం", అని ముగించింది పార్వతమ్మ.
చిన్నారి * శ్రీలేఖ చిరునవ్వుతో ఇలా బదులిచ్చింది, "అంతే కాదు. అడవి ప్రాంతంలో మరియు ఊరి పొలిమేరలో కూడా ఎక్కువగా విత్తనాలు చల్ల మని.. చిన్న మొక్కలు నాటమని పరిష్కారం ఇచ్చాను. ఆటవిక శాఖ సిబ్బంది, స్మశాన వాటిక ఉద్యోగుల కుటుంబాల మనుషులు అలాగే చేశారు. అవి కొన్ని నెలలు తిరక్కుండానే పెద్దవి అయ్యాయి. కరువు - క్షామం అనే భూతాలను అంత-మొందించాయి, పల్లె తిరిగి సుభిక్షంగా మారిపోయింది".
-----X X X ------
4). "ఇంకో విషయం. నిజంగా అడవి సింహాలు ఉన్నాయి" అన్నది * చిన్నారి శ్రీలేఖ.
"అవునా" అంటూ కెవ్వు-మన్నది భయంగా పార్వతమ్మ.
"అదే.. రోజు అడవిలో ఎక్కువగా కట్టెలు కొట్టే కాంట్రాక్టర్లు, వారి సిబ్బంది. వారే నిజమైన అడవి సింహాలు. ఎందుకంటే, వారే కదా వరదలకు, చావులకు, పంట - పల్లె నాశనానికి కారణం", అన్నది చిన్నారి తెలివైన * శ్రీలేఖ.
"అబ్బో.. అసలైన సింహాల కార్యకలాపాలను, అదే.. అడవిలో
ఆడపా-దడపా కట్టెలు కొట్టే కాంట్రాక్టర్ల మృగ - కార్యక్రమాలను అంతము చేసి, పల్లెను, దాని సుభిక్షం - ప్రగతిని కాపాడావు, భేష్" అన్నది * శ్రీలేఖ తల నిమురుతూ పార్వతమ్మ.
-----X X X ------
5). త్వరలో ఈ విషయం పల్లె అంతా పాకింది (అడవి సిబ్బంది మరియు స్మశాన వాటిక నోళ్ళ చలవ వల్ల).
అందరూ కలిసి "కావలి" పల్లె పేరు "* చిన్నారి దేవత శ్రీలేఖ - కావలి - పల్లె" గా మార్చేశారు.. చిన్నారి శ్రీలేఖ తెలివికి, ఉపాయానికి నివాళి అర్పిస్తూ.
చట్టపరంగా ఆ అడవిలో, కట్టెలు కొట్టటం నిషేధించారు ఆ పల్లె వారు. కంచెను అలాగే ఉంచారు ఎవ్వరూ అడవి లోనికి వెళ్లకుండా.
చుట్టూ ఉన్న పల్లెలు, గ్రామాలు, ఊళ్లు కూడా చిన్నారి శ్రీలేఖ యొక్క తెలివైన ఉపాయం తెలుసుకొని, దానినే అవలంబించారు. అదే చెట్లను కొట్టటం నిషేధించారు, చట్టం ద్వారా. త్వరలో పచ్చని పాడి పంటలతో, సుభిక్షం తో, సౌభాగ్యం తో, సుఖ - సంతోషాలతో వర్ధిల్లయి, బహు చక్కగా ప్రగతితో వెలిగి పోయాయి ఆ చుట్టూరా ఊర్లన్నీ. శ్రీలేఖ "*చిన్నారి తెలివైన దేవత" గా అభివర్ణించారు!
------X X X ------
నీతి:
1) అపాయం లో ఉపాయం అవసరం. దిగులు కాదు.
2) 'వృక్షో రక్షతి రక్షితః' అని అన్నారు.. అంటే.. చెట్లను మనం కాపాడితే అవి మనలను కాపాడ-తాయని మన పెద్దల-వాక్కు.
[కూరగాయలు, పళ్ళు, నీడ, విస్తరాకులు, ఔషద గుణ ఆకులు - వేళ్ళు ఇచ్చి.. మరియు.. ఆక్సిజన్ (ప్రాణ వాయువు) ఇచ్చి మరియు కాలుష్యం పీల్చి పర్యావరణానికి మేలు చేస్తుంది.. అతి వృష్టి - అనావృష్టి లేకుండా చేస్తుంది]
3) తప్పులు వెతకటం, ఎవరినో ఒకరిని - ఒక కుటుంబాన్ని.. బలి పశువును చేయటం కాదు.. ఏ ఒక్కరికీ కీడు జరక్కుండా, సమర్థవంతంగా సంతోష పూరిత నిర్వహణ మరియు ఆనంద పూరిత పరిష్కారాలు అమలు చేయటమే.. నిజమైన మానవత్వం, మంచి నిర్వాహకము.. అసలు సిసలైన నిర్వహణ.
4) అందరూ చెట్లు నాటాలి (కాళీ స్థలాల్లో) మరియు (పారిస్ నగరంలో లా) నీళ్ళ గడ్డి (sea grass) పెంచాలి (సరస్సులలో, నదులలో, సముద్రంలో). Sea grass (నీళ్ళ - సముద్ర గడ్డి) 14 రేట్ల ఎక్కువ శాతం కాలుష్యం పీలుస్తుంది చెట్ల కంటే. మరియు మనుషుల భూమి - స్థలం ఆక్రమించదు.
5) జాగ్రత్త:-
I) పట్నం లో ఇళ్ళ దగ్గర చెట్లు నాటితే, అవి గోడలకు పగుళ్లు ఇస్తాయి.
ii) విద్యుత్ తీగలకు అడ్డంగా పెరిగి, కరెంట్ షాక్ చావులకు దారి తీయ వచ్చు.
iii) భూగర్భంలో ఉన్న నీరు పీల్చేసి, బోరింగ్లో పంపు లో నీళ్ళు రాకుండా చేయ వచ్చు. అందుకే ఖాళీ స్థలాల్లో నాటితే - పెంచితే మంచిది.
6) పట్నం లో కాళీ స్థలం తక్కువ కాబట్టి, కింది విధంగా చేయవచ్చు:-
I) liquid tree compact boxes with algae and water (రసాయన చెట్లు అంటే:- ఆల్గే మరియు నీళ్ళు నింపిన చిన్న డబ్బాలు)
పెట్టవచ్చు. అది కాలుష్యం పీల్చి ప్రాణ వాయువు ఇస్తుంది.
ii) మేడ ల గోడల పై తీగలు పెంచ వచ్చు (ఇటలీ దేశం లా).
iii)బస్సుల పై, ఇంటి మిద్దెల పై మొక్కలు పెంచ వచ్చు (స్పెయిన్ రాజధాని మాడ్రిడ్ నగరం లా)
---X X X --- సమాప్తం ----X X X ---
పి. వి. పద్మావతి మధు నివ్రితి గారి ప్రొఫైల్ కొరకు, మనతెలుగుకథలు.కామ్ లో వారి ఇతర రచనల కొరకు
ఉగాది 2025 కథల పోటీల వివరాల కోసం
మేము నిర్వహించే వివిధ పోటీలలో రచయితలకు బహుమతులు అందించడంలో భాగస్వాములు కావాలనుకునే వారు వివరాల కోసం story@manatelugukathalu.com కి మెయిల్ చెయ్యండి.
మాకు రచనలు పంపాలనుకుంటే మా వెబ్ సైట్ లో ఉన్న అప్లోడ్ లింక్ ద్వారా మీ రచనలను పంపవచ్చు.
లేదా story@manatelugukathalu.com కు text document/odt/docx/docs రూపంలో మెయిల్ చెయ్యవచ్చు.
మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.
దయ చేసి సబ్స్క్రయిబ్ చెయ్యండి ( పూర్తిగా ఉచితం ).
మనతెలుగుకథలు.కామ్ వారి ఫేస్ బుక్ పేజీ చేరడానికి ఈ క్రింది లింక్ క్లిక్ చేయండి. లైక్ చేసి, సబ్స్క్రయిబ్ చెయ్యండి.
గమనిక : పాఠకులు తమ అభిప్రాయాలను మనతెలుగుకథలు.కామ్ వారి అఫీషియల్ వాట్స్ అప్ నెంబర్ : 63099 58851 కు పంపవచ్చును.
రచయిత పరిచయం:
నేను స్నేహపూరిత ఎడ్యుకేటర్ [Friendly Educator cum (1 to 1 cum TEAM'S) HAPPY Developer] ను. బౌధ్ధ నగర్, సికింద్రాబాద్ లో ఉంటాను. స్పీడ్ వేదిక్ మాథ్స్ (Speed vedic Maths), గణితం (regular Maths), ఇతర విషయాలు బోధిస్తాను.
మా బృందం (team), వివిధ విషయాల పై, ప్రపంచానికంతా సబ్జెక్టివ్ క్విజ్ (పాఠాలు) (Subjective) క్విజ్ అందిస్తుంది ఉచితంగా [*P V Madhu - World - Theoretical (Subjective) Quiz Teachers TEAM ద్వారా]. (వేల సంఖ్య లో పాఠాలు - అధ్యాయాలు అందించాము ఇప్పటిదాకా).
మా విద్యార్థులు ఆబ్జెక్టివ్ (Objective) క్విజ్ అందిస్తారు ఉచితంగా ప్రపంచానికంతటా [*Miss Nivriti Sreelekha World (Objectives) Quiz Teachers TEAM ద్వారా]. (ఇప్పటికీ వందల సంఖ్యలో అందించారు)
నేను, మా విద్యార్థులు, మా తల్లి - దండ్రులు, కుటుంబ సభ్యులు... అనేక అంశాల పై (సమాజ సమస్యలకు పరిష్కారాలు, ప్రోత్సాహకరపు సంతోష కరపు నిర్వాహకము, తేలికగా విద్య - బోధన పద్ధతులు... ఇతరత్రా విషయాలపై)... ఆంగ్ల - తెలుగు దిన - మాస పత్రికలకు... తరచూ లేఖలు వ్రాస్తాము. వందల సంఖ్య లో మా లేఖలు ప్రచురణ అయ్యాయి.
మా విద్యార్థుల బృందం (*Miss Nivriti Sreelekha World (Objectives) Quiz Teachers' TEAM)... ఇప్పటివరకు Bill Gates Notes Blog కు 550 పై చిలుకు లేఖలు వ్రాసింది. (సమాజాన్ని ఉద్ధరించే అంశాలపై, పరిష్కారాల సూచనలు, ప్రోత్సాహపు - నిర్వహణ పై).
మా (+ మా విద్యార్థుల) బృందం యొక్క క్విజ్ లు ప్రతి వారం డెక్కన్ క్రానికల్ ఆదివారం సంచిక (Deccan Chronicle daily newspaper Sunday edition) లో ప్రచురణ అవుతాయి (వందల సంఖ్యలో ఇప్పటిదాకా అయ్యాయి). మా - మా విద్యార్థుల బృందాన్ని ప్రోత్సహిస్తున్న అన్ని పత్రికలకు ధన్యవాదాలు.
మా - మా విద్యార్థుల బృందానికి నోబెల్ లారేట్ ల మరియు ప్రపంచ నాయకుల వద్ద నుండి (ప్రశంస - ప్రోత్సాహపు) లేఖలు వచ్చాయి. అవి మా అందరికీ ఎన లేని ఉత్తేజం - ఉల్లాసం - శక్తి ఇచ్చాయి.
మాకు విద్య పై, తెలుగు మరియు గణితం పుస్తకాలు, పత్రికలు చదవడం పై (చిన్నపటి నుండి) మక్కువ - ఇష్టం కలిగించింది మా అమ్మ గారు (పి. వి. పద్మావతి). ఆవిడ ఒక గణిత విశ్రాంతి టీచర్. మా మనసుల్లో - గుండెల్లో ఎప్పటికీ ఉంటారు. మాకు చిన్నపటి నుండి ఇంట్లో అన్ని విషయాలలో పాఠాల - సందేహాల సృష్టీకరణ చేసేవారు. చిట్కాలు చెప్పేవారు. ఒక పెద్ద భరోసా గా ఉండేవారు.
ఆవిడ ప్రోత్సాహం వల్లనే మేము చిన్న తెలుగు కథలు వ్రాసాము. వ్రాస్తున్నాము... ఇప్పటికీ. కొన్ని బాలభారతం, బొమ్మరిల్లు, చంద్ర ప్రభ, సాహితీ కిరణం, ఇతరత్ర పత్రికల్లో ప్రచురణ అయ్యాయి.
మా నాన్న గారు ఒక విశ్రాంత ఉద్యోగి. మాకు ఆంగ్లం మరియు సాంఘీక శాస్త్రం పై మక్కువ వచ్చేలా ప్రోత్సహించారు. వారి (మరియు కుటుంబ సభ్యుల) ప్రోత్సాహం - చలువ వల్లనే నేను ఇంజనీరింగ్, పి. జి చేయగలిగాను.
ధన్యవాదాలు "మా తెలుగు కథలు" టీమ్ - బృందానికి. వారి ప్రోత్సాహం - సంతోష పూరిత నిర్వహణ - awards - rewards స్ఫూర్తి దాయక నిర్వాహకానికి. ఇది No. 1 website అవ్వాలి ప్రపంచంలో అని ఆశిస్తూ...
పి. వి. పద్మావతి మధు నివ్రితి
(సికింద్రాబాద్, తెలంగాణ, భారత్)
ఈ: pvmadhu39@gmail. com
(మా theoretical subjective క్విజ్, మా విద్యార్థుల Objective క్విజ్ కావలసిన వారు మాకు మా ఈమెయిల్ ద్వారా తెలియ జేయ వచ్చు. ఉచితంగా ఈమెయిల్ ద్వారా పంపిస్తాము).
.
"అసలైన అడవి సింహాలు.. ఎవరు???" కథ గురించి పంచిన సమాచారం బహు చక్కగా ఉంది. ఇది పాఠకులను ఆకర్షించే కథ మాత్రమే కాకుండా, పర్యావరణ రక్షణ పై అద్భుతమైన సందేశాన్ని కూడా చేరవేస్తుంది. కథలో చిన్నారి శ్రీలేఖ తెలివితేటలు, సమస్యలకు పరిష్కార మార్గాలు, అలాగే సమాజానికి సేవ చేసే విధానం చాలా స్పూర్తిదాయకం.
అంతేకాక, ఈ కథ మనకు చెట్లు, పర్యావరణం, సాంఘిక బాధ్యతల ప్రాధాన్యతను గుర్తు చేస్తుంది. మీరు దీన్ని పాఠకులకు అందించిన విధానం, వివరాలు, విజ్ఞానం పంచటానికి తగిన చర్చలను ప్రోత్సహిస్తాయి.