జీవికి అమ్మే సర్వస్వం
- Sudarsana Rao Pochampalli
- Sep 17, 2023
- 1 min read
'Jiviki Amme Sarvasvam' - New Telugu Poems Written By Sudarsana Rao Pochampally
'జీవికి అమ్మే సర్వస్వం' తెలుగు పద్యాలు
రచన: సుదర్శన రావు పోచంపల్లి
ఇమ్మహి జీవుల పుట్టుక
అమ్మయె కారణ మనగను అందరు ఎరుగన్
అమ్మను గానని సుతులును
ఇమ్మహి ఉందురు కనగను ఈలయు లేకన్
కనగను వారిని ఎపుడును
మనిషిగ జూడక మెలుగుట మంచిది ఎరుగన్
కనబడి నంతనె అతనిని
జనముయు దూరము నిలుపుటె జంతువు అనుచున్
కనపడు దైవము అమ్మని
అనుమిక ఎపుడును మరువక ఆమెను నీవున్
క్షణముయు చంకను దించక
జననియె బెంచును శిశువుల జనులును దెలియన్
తనయుల బాధను ఓర్వదు
జననియె జగమున కనగను జాగ్రత పడుచున్
ధనమన అమ్మకు సంతుయె
వనధిని మించిన మురిపెము పడునన అమ్మే
కమ్మని తిండియు బెట్టును
కమ్మని నిదురయు చవిగొన కాంచును అమ్మే
అమ్మను మించిన దేదియు
ఇమ్మహి దొరకదు వెతకను ఇచ్చయు తీరున్
అందల మనగను అమ్మొడి
మందిర మనగను మనిషికి మాతయు దరియే
ఎందరు తనయుల గన్నను
పొందెడు అభినుతి కనగను పొరపొచ్చ మనకన్
అటువంటి తల్లితొ ఎపుడును
పటుతర భాగ్యము గలుగను పలుకుము ప్రీతిన్
కుటిలపు బుద్ధిని వదలుచు
దిటవుగ మెలుగగ జననితొ దిష్టము కలుగున్
అమ్మయె సకలము జీవికి
అమ్మయె రక్షణ మనిషికి అన్నిటి యందున్
అమ్మయె ఇచ్చిన దేహము
అమ్మయె పెంచును అమృతము అందగ జేసిన్
***
సుదర్శన రావు పోచంపల్లి గారి ప్రొఫైల్ కొరకు, మనతెలుగుకథలు.కామ్ లో వారి ఇతర రచనల కొరకు
విజయదశమి 2023 కథల పోటీల వివరాల కోసం
ఉగాది 2024 సీరియల్ నవలల పోటీల వివరాల కోసం
మేము నిర్వహించే వివిధ పోటీలలో రచయితలకు బహుమతులు అందించడంలో భాగస్వాములు కావాలనుకునే వారు వివరాల కోసం story@manatelugukathalu.com కి మెయిల్ చెయ్యండి.
మాకు రచనలు పంపాలనుకుంటే మా వెబ్ సైట్ లో ఉన్న అప్లోడ్ లింక్ ద్వారా మీ రచనలను పంపవచ్చు.
లేదా story@manatelugukathalu.com కు text document/odt/docx రూపంలో మెయిల్ చెయ్యవచ్చు.
మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.
దయ చేసి సబ్స్క్రయిబ్ చెయ్యండి ( పూర్తిగా ఉచితం ).
మనతెలుగుకథలు.కామ్ వారి ఫేస్ బుక్ పేజీ చేరడానికి ఈ క్రింది లింక్ క్లిక్ చేయండి. లైక్ చేసి, సబ్స్క్రయిబ్ చెయ్యండి.
గమనిక : పాఠకులు తమ అభిప్రాయాలను మనతెలుగుకథలు.కామ్ వారి అఫీషియల్ వాట్స్ అప్ నెంబర్ : 63099 58851 కు పంపవచ్చును.
రచయిత పరిచయం:
పేరు-సుదర్శన రావు పోచంపల్లి
యాదాద్రి భువనగిరి జిల్లాలోని జిబ్లక్పల్లి గ్రామము.(తెలంగాణ.)
వ్యాపకము- సాహిత్యము అంటె అభిరుచి
కథలు,శతకాలు,సహస్రములు,కవితలు వ్రాస్తుంటాను
నేను విద్యాశాఖలో పనిచేస్తు పదవి విరమణ పొందినాను,
నివాసము-హైదరాబాదు.
Comments