కార్తీక మాస విశిష్టత!
- Goparaju Venkata Suryanarayana
- Nov 2
- 2 min read
#గోపరాజువెంకటసూర్యనారాయణ, #KarthikaMasaVisishtatha, #కార్తీకమాసవిశిష్టత, #TeluguKavithalu, #Kavitha, #Kavithalu, #TeluguPoems
Karthika Masa Visishtatha - New Telugu Poem Written By Goparaju Venkata Suryanarayana Published In manatelugukathalu.com On 02/11/2025
కార్తీక మాస విశిష్టత! - తెలుగు కవిత
రచన: గోపరాజు వెంకట సూర్యనారాయణ
కార్తీక మాసం పర్వదినాల సమాహారం!
శరత్కాల వెన్నెలతో మురిపించే మాసం!
పుణ్య, శుభకార్యాలకు అనువైన మాసం!
శివకేశవు లిద్దరికీ ఎంతో ప్రీతికర మాసం!
శుచిగా హరిహరాదులను కొలిచే మాసం!
అభిషేక ప్రియునికి పంచామృతాల అర్చనలతోనూ,
అలంకార ప్రియునికి సుగంధ సుమ మాలలతోనూ,
శైవ వైష్ణవ అభేద్యంగా పూజించి తరించే పుణ్య మాసం!
కార్తీక మాసాన నదీ, సముద్ర పునీత స్నానాలు,
తులసికోట పూజలు అత్యంత పుణ్య ఫలప్రదం!
కార్తీకమాస తొలిరోజు, బలిపాడ్యమిగా ఆకాశదీప ప్రారంభం!
విదియనాడు యముడు, సోదరి యమునల పేర, భగినీ హస్త భోజనం!
ఆపమృత్యుభయ హరణకై సోదరులు చేయు సోదరి ఇంట భోజనం !!
ఆపై వచ్చే పుణ్య తిధులు నాగులచవితి,
విష్ణుమూర్తి నిదురలేచే ఉత్తాన ఏకాదశి,
ఆ మరునాడు క్షీరాబ్ది ద్వాదశి పుణ్య తిధి!
ఆ తర్వాత పున్నమి వెన్నెల కార్తీక పౌర్ణమి!
నాడు ఆచరించే కేదారేశ్వర వ్రతం, కార్తీక దీపారాధనలు,
కోవెలల్లో జరిగే పవిత్ర జ్వాలాతోరణ శోభ!
ఏడాది రోజులకు సరిపడా వత్తులను భక్తజనులు,
ఆవు నేతితో వెలిగించే దేదీప్య దీప సమారాధనలు!
కార్తీకంలో విశిష్టత, దామోదర ప్రీతికర
ఉసిరిచెట్టు నీడలో వనభోజనాలు!
ఈ సమిష్టి భోజనాలు సమాజంలో
స్నేహాభావాన్ని, సమైక్యతను పెంచి,
మానవ సంబంధాలను మెరుగు పరుస్తాయి!
ఇన్ని విశిష్టతలతో గూడిన కార్తీకమాసం,
ఉత్తమ మాస మనడంలో అతిశయోక్తి లేదు!!
@@@@@@@@
గోపరాజు వెంకట సూర్యనారాయణ గారి ప్రొఫైల్ కొరకు, మనతెలుగుకథలు.కామ్ లో వారి ఇతర రచనల కొరకు
విజయదశమి 2024 కథల పోటీల వివరాల కోసం
మేము నిర్వహించే వివిధ పోటీలలో రచయితలకు బహుమతులు అందించడంలో భాగస్వాములు కావాలనుకునే వారు వివరాల కోసం story@manatelugukathalu.com కి మెయిల్ చెయ్యండి.
మాకు రచనలు పంపాలనుకుంటే మా వెబ్ సైట్ లో ఉన్న అప్లోడ్ లింక్ ద్వారా మీ రచనలను పంపవచ్చు. లేదా story@manatelugukathalu.com కు text document/odt/docx రూపంలో మెయిల్ చెయ్యవచ్చు.
మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.
దయ చేసి సబ్స్క్రయిబ్ చెయ్యండి ( పూర్తిగా ఉచితం ).
మనతెలుగుకథలు.కామ్ వారి ఫేస్ బుక్ పేజీ చేరడానికి ఈ క్రింది లింక్ క్లిక్ చేయండి. లైక్ చేసి, సబ్స్క్రయిబ్ చెయ్యండి.
గమనిక : పాఠకులు తమ అభిప్రాయాలను మనతెలుగుకథలు.కామ్ వారి అఫీషియల్ వాట్స్ అప్ నెంబర్ : 63099 58851 కు పంపవచ్చును.
రచయిత పరిచయం:
ముందుగా మన తెలుగు కథలు.కామ్ నిర్వాహకులకు నమస్కారం, అభినందనలు. మీరు తెలుగు కథలను, కథకులను ప్రోత్సహిస్తున్న తీరు ఈ మధ్యనే తెలిసింది!
నా పేరు: గోపరాజు వెంకట సూర్యనారాయణ, తల్లిదండ్రులు: గోపరాజు కృష్ణమూర్తి, అనసూయ దంపతులు.నివాసం: కూకట్ పల్లి, హైదరాబాదు.
వృత్తి రీత్యా M.Tech. Machine design చదివిన నేను, HMT Hyd. లో, దాదాపు ముప్పై ఏళ్ళు పైన పనిచేసి డిప్యూటీ జనరల్ మేనేజరు స్థాయిలో వాలంటరీ పదవీ విరమణ చేసిన ఇంజనీరును.
ఆ తర్వాత పేరున్న విజ్ఞాన్ ఇనిస్టిట్యూట్ ఆఫ్ టెక్నాలజీ కాలేజీలో ప్రొఫెసర్ గానూ, మరికొన్ని ఇంజనీరింగు సంస్థల్లో డిజైన్ కన్సల్టెంటు గానూ పనిచేసిన అనుభవం.
ప్రస్తుతం విశ్రాంత సీనియర్ సిటిజన్ ను.స్వతహాగా సాహిత్యాభిమానిని, కళాభిమానిని. కథలంటే బాగా ఇష్టపడతాను.ఈ మధ్యనే, రిటైర్మెంట్ తర్వాత స్వీయరచనా వ్యాసాంగానికి, స్వీయ పెయింటింగ్సు వేయడానికి సాహసిస్తున్నాను. పలు అంతర్జాల సమూహలకు, సంకలనాలకు కవితలు, చిన్నగా కథలు రాస్తున్నాను, ప్రచురిస్తున్నారు, అభినందిస్తున్నారు!
Comments