మంచి దెయ్యాలు
- Mohana Krishna Tata
- 2 days ago
- 3 min read
#MohanaKrishnaTata, #తాతమోహనకృష్ణ, #ManchiDeyyalu, #మంచిదెయ్యాలు, #TeluguComedyStories, #తెలుగుహాస్యకథలు
Manchi Deyyalu - New Telugu Story Written By Mohana Krishna Tata
Published In manatelugukathalu.com On 21/01/2026
మంచి దెయ్యాలు - తెలుగు కథ
రచన: తాత మోహనకృష్ణ
దామోదర్ ఒక టీచర్. ఎన్నో చోట్ల పనిచేసిన తర్వాత, ఒక మారుమూల పల్లెటూరులో ఒక చిన్న స్కూల్లో మాస్టారుగా వేసారు. ఆ స్కూల్ కు ఒక్కడే టీచర్.. అతడే దామోదర్.
చేసేది ఏమీ లేక, ట్రాన్స్ఫర్ మీద ఆ ఊరు వెళ్ళాడు దామోదర్. వెళ్ళడానికి ప్రాబ్లం ఏమీ లేదు.. కాకపొతే మొదటనుంచి చీకటి, దెయ్యం అంటేనే భయం. స్కూల్ పక్కనే ఒక చిన్న పెంకుటింట్లో ఉండడానికి ఇచ్చారు. ఒక్కడే అక్కడ ఉండడానికి భయపడేవాడు.
దామోదర్ వెళ్ళిన ఊరులో అక్కడ ఇప్పటికే నలుగురు టీచర్స్ మారారు. వారు ఉంటున్న ఈ ఇంటికి ఎదురుగానే శ్మశానం ఒకటి ఉంది. ఈ కారణం చేత ఏ చిన్న శబ్దం వచ్చిన అటే చూసేవారు అంతా. అక్కడ దెయ్యంతో మేము సావాసం చెయ్యలేమని.. భయంతో నాలుగు రోజులకే అంతా వెళ్ళిపోయినవారే. ఈ విషయం పాపం దామోదర్ కు తెలియదు.
ఒకరోజు రాత్రి ఇంట్లో ఉన్న దామోదర్.. చుట్టూ వస్తున్న విచిత్రమైన శబ్దాలు అతనికి భయం పుట్టించాయి. ఆ ఊరిలో ఉన్న ఆకతాయి కుర్రాళ్ళు అక్కడికి పని చెయ్యడానికి వచ్చిన టీచర్స్ ని భయపెట్టి అక్కడనుంచి పంపించేసేవారు. వారికి స్కూల్ కి వెళ్లడం, చదువుకోవడం ఇష్టం లేదు. అందుచేత, ఎక్కువగా ఆ స్కూల్ లో మాష్టారు ఉండేవారే కాదు. ఈ విషయాన్ని గమనించిన అక్కడ శ్మశానంలో జంట దెయ్యాలు దామోదర్ మంచితనానికి, అతనికి సాయం చెయ్యాలని, పిల్లల్ని చదివేలా చూడాలని ఇలా అనుకుంటున్నాయి..
"మనం అనుకోకుండా చనిపోవడం.. మన పిల్లలు ఎంత ఇబ్బందిపడుతున్నారో కదా!"
"అవునండీ.. ! నిజమే.. అప్పుడు మనం మన పిల్లల్ని కొంచం గట్టిగా దండించి ఉంటె, ఈరోజు వాళ్ళు ఇలా ఉండేవారు కాదేమో!" అంది పెళ్ళాం దెయ్యం
"అవును.. అప్పట్లో మన ఇద్దరం ఉద్యోగాలు చేసేవాళ్ళము. వచ్చిన డబ్బులతో మన పిల్లల్ని బాగా చూసుకునేవాళ్లము. పెద్ద స్కూల్ లో బోలెడంత డబ్బు పెట్టి చదివించాం. మన బిజీ జీవితంలో, మన పిల్లలు అసలు ఏం చేస్తున్నారో, స్కూల్ కి వెళ్తున్నారో లేదో పట్టించుకోలేదు. ఏమైంది? మన పిల్లలు స్కూల్ మానేసి, ఎప్పుడూ ఆటలే.. ఫలితం ఎగ్జామ్స్ లో ఫెయిల్. ఇప్పుడు జీవితంలో చాలా కష్టపడుతున్నారు. మనం బతికుంటే, వారిని తీర్చి దిద్దుకునేవాళ్ళం.. మన పిల్లలు చెడిపోయేవారు కాదు. అనుకోకుండా యాక్సిడెంట్ లో ఇద్దరం చనిపోయి.. ఇక్కడ ఇలా దెయ్యాలమై ఉన్నాము"
"నువ్వు అన్నది నిజమే.. !"
"ఆ పెంకుటింట్లో ఉంటున్న దామోదర్ మాష్టారు చాలా మంచివారు. పాఠాలు బాగా చెబుతారు. మన పిల్లలు లాగ ఇక్కడ వేరే పిల్లలు చదువు లేకుండా ఉండకూడదు. అందుకు మనం అతనికి సాయం చెయ్యాలి.. పిల్లలికి గట్టిగా గుణపాఠం చెప్పాలి"
"అలాగే"
మర్నాడు రాత్రి దామోదర్ భయపడుతూ ఉన్నాడు. ఆ రోజు కూడా ఆ ఆకతాయి పిల్లలు, దామోదర్ ని భయపెట్టడానికి అతని గదికి కరెంటు తీసేసారు. భయంతో అతని గుండె వేగం పెరిగింది. నోటికి ఏ దేవుని శ్లోకం వస్తే, దానిని స్మరించాడు. గజ్జెల శబ్దాలు, ఏడుపులు రూమ్ దగ్గరకు వచ్చాయి. దామోదర్ కి భయం ఇంకా పెరిగింది.
ఆ పిల్లలు గదిలోకి చేరుకొని, దామోదర్ ని ఇంకా భయపెట్టి, మర్నాడు ఊరు నుంచి తరిమెయ్యాలని అనుకున్నారు. ఇది గమనించిన దెయ్యాలు, వెంటనే గది తలుపులు మూసేసాయి. అందరికీ భయం మొదలైంది.
"రండి రా రండి.. ! రోజూ మీరు చేస్తున్న ఆకతాయి పనులు మాకు తెలుసు.. ఈరోజు మీ పని అయిపోయింది" అని గట్టి గొంతులో రెండు దెయ్యాలు మాట్లాడాయి.
అది విన్న ఆ కుర్రాళ్ళ గుండె జారిపోయింది. అందులో ఇద్దరు అక్కడే ఉచ్చ కూడా పోసేసారు. ఆ కుర్రాళ్ళని ఆ గదిలోనే ఆడుకున్నాయి ఆ దెయ్యాలు. దెబ్బకు ఆ పిల్లలు ఇంక ఎప్పుడూ ఎవరినీ భయపెట్టలేదు. బాగా చదువుకుని.. ఊరికి మంచి పేరు తెచ్చారు. ఎవరూ చెయ్యని చోట పని చేసినందుకు దామోదర్ కు ప్రమోషన్ కూడా వచ్చింది.
***********
తాత మోహనకృష్ణ గారి ప్రొఫైల్ కొరకు, మనతెలుగుకథలు.కామ్ లో వారి ఇతర రచనల కొరకు
యూట్యూబ్ లోకి అప్లోడ్ చేయబడ్డ తాత మోహనకృష్ణ గారి కథలకు సంబంధించిన ప్లే లిస్ట్ కోసం
ఉగాది 2026 కథల పోటీల వివరాల కోసం
కొసమెరుపు కథల పోటీల వివరాల కోసం
మేము నిర్వహించే వివిధ పోటీలలో రచయితలకు బహుమతులు అందించడంలో భాగస్వాములు కావాలనుకునే వారు వివరాల కోసం story@manatelugukathalu.com కి మెయిల్ చెయ్యండి.
మాకు రచనలు పంపాలనుకుంటే మా వెబ్ సైట్ లో ఉన్న అప్లోడ్ లింక్ ద్వారా మీ రచనలను పంపవచ్చు.
లేదా story@manatelugukathalu.com కు text document/odt/docx రూపంలో మెయిల్ చెయ్యవచ్చు.
మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.
దయ చేసి సబ్స్క్రయిబ్ చెయ్యండి ( పూర్తిగా ఉచితం ).
మనతెలుగుకథలు.కామ్ వారి ఫేస్ బుక్ పేజీ చేరడానికి ఈ క్రింది లింక్ క్లిక్ చేయండి. లైక్ చేసి, సబ్స్క్రయిబ్ చెయ్యండి.
గమనిక : పాఠకులు తమ అభిప్రాయాలను మనతెలుగుకథలు.కామ్ వారి అఫీషియల్ వాట్స్ అప్ నెంబర్ : 63099 58851 కు పంపవచ్చును.
రచయిత పరిచయం:
Profile Link:
YouTube Playlist Link:
నా పేరు తాత మోహనకృష్ణ. నాకు చిన్నతనం నుండి కథలంటే ఇష్టం. చందమామ, వార పత్రికలలో కథలు, జోక్స్ చదివేవాడిని. అలా, నాకు సొంతంగా కథలు రాయాలని ఆలోచన వచ్చింది. చిన్నప్పుడు, నేను రాసిన జోక్స్, కథలు, కొన్ని వార పత్రికలలో ప్రచురింపబడ్డాయి. నేను వ్రాసిన కధలు గోతెలుగు.కామ్, మనతెలుగుకథలు.కామ్ లాంటి వెబ్ పత్రికలలో ప్రచురింపబడ్డాయి. బాలల కథలు, కామెడీ కథలు, ప్రేమ కథలు, క్రైం కథలు రాయడమంటే ఇష్టం.
ధన్యవాదాలు
తాత మోహనకృష్ణ
Comments