top of page

రాబోయేది ఎండా కాలము

చండకరుని ప్రతాపము


'Raboyedi Endakalamu' - New Telugu Poems Written By Sudarsana Rao Pochampally Published In manatelugukathalu.com On 23/01/2024

'రాబోయేది ఎండా కాలము' తెలుగు పద్యాలు

రచన : సుదర్శన రావు పోచంపల్లి


1}చండకరుడు మండుచుండగ

  ఎండ దెబ్బకు గుండెలదురగ

  దండి వారలు తల దాచుకున్నను

  ఎండ బీదల వెంబడించును.


2}రెక్కలాడితేనె డొక్క నిండెడి

  బక్కవాడికి బతుకు కరువై

  దిక్కు తోచని దీనుడయ్యును

  చెక్కు చెదరక సేయు పనులను.


3}నోరు లేని జీవులెన్నో

  నీరు లేక అలమటిస్తు

  బోరు చెంతన నోరు తెరచి

  జారు చుక్కకు నాల్క జాపును


4}డొక్క లిరు పక్కలందున

  పెక్కు మార్లు కొట్టుకొనగ

  దిక్కు లేని వీధి కుక్కలు

  సొక్కిపోవును సూర్యునెండకు.


5.}చెట్టు కొమ్మన ఆకు చాటున

  కట్టుకున్న గూడు గూడ

  ఎండ వేడికి మండిపోగ

  తిండి  లేక పులుగు లెండును.


సుదర్శన రావు పోచంపల్లి


25 views0 comments
bottom of page