ఉక్కు మనిషి సర్దార్ వల్లభాయ్ పటేల్!
- Goparaju Venkata Suryanarayana
- 14 hours ago
- 2 min read
#గోపరాజువెంకటసూర్యనారాయణ, #ఉక్కుమనిషిసర్దార్వల్లభాయ్పటేల్, #TeluguKavithalu, #Kavitha, #Kavithalu, #TeluguPoems
సర్దార్ వల్లభాయ్ పటేల్ వర్ధంతి సందర్భంగా
Ukku Manishi Sardar Vallabh Bhai Patel - New Telugu Poem Written By Goparaju Venkata Suryanarayana Published In manatelugukathalu.com On 15/12/2025
ఉక్కు మనిషి సర్దార్ వల్లభాయ్ పటేల్! - తెలుగు కవిత
రచన: గోపరాజు వెంకట సూర్యనారాయణ
భారత జాతీయోద్యమ నాయకులలో అగ్రగణ్యుడు!
బార్డోలీ కిసాన్, సహాయనిరాకరణ ఉద్యమాలను,
దేశ విముక్తికై, ముందుండి నడిపిన సాహసవంతుడు!
స్వాతంత్ర్య కాంక్షతో దీక్షగా పోరాడిన సమరయోధుడు!
దేశక్షేమానికి, ప్రజాసంక్షేమానికి కట్టుబడిన దేశభక్తుడు!
న్యాయవాదిగా న్యాయధర్మానికి నిలబడ్డ ధర్మనిరతుడు!
దేశ భవితే ధ్యేయంగా, ఉద్యమాలే ఊపిరైన ధీశాలి!
నిశ్చయముగ ఎన్నదగిన గొప్ప భరతమాత ముద్దుబిడ్డ!
స్వాతంత్య్రానంతరం అఖండ భారతావనే లక్ష్యంగా,
స్వతంత్ర సంస్థానాలను భారతావనిలో విలీనం చేసి,
అధినేతలను ప్రజాస్వామ్యబద్ధుల జేసిన ఉక్కుపిడుగు!
దేశ సౌభాగ్యం, దేశ ప్రగతికై ధృఢమైన సంకల్పంతో,
అలుపెరుగని నేతగా, వినుతికెక్కిన జాతి రత్నం!
సహకరించని ఆరోగ్యాన అనతికాలాన అస్తమించె గాని,
మరికొంత కాలం ప్రభుత్వాన దేశ సేవలో మనగలిగిన,
దేశగతి రూపురేఖలు త్వరితగతిని మారుచుండె గదా!
ప్రగతికి సూత్రధారి, నిత్య స్ఫూర్తిదాత! సర్దార్ పటేల్!
ఆధునిక భారత చరిత్రలో చెరగనిముద్ర వేసిన ఘనుడు!
అత్యున్నత ‘భారతరత్న’ పురస్కార సత్కారం పొందిన
ప్రజలచే ‘ఉక్కుమనిషి’ అని అభిమానంతో కీర్తించబడే,
దేశ ప్రియతమ నేత శ్రీ వల్లభాయ్ పటేల్ కిదే శ్రద్ధాంజలి!
@@@@@@@@
గోపరాజు వెంకట సూర్యనారాయణ గారి ప్రొఫైల్ కొరకు, మనతెలుగుకథలు.కామ్ లో వారి ఇతర రచనల కొరకు
ఉగాది 2026 కథల పోటీల వివరాల కోసం
కొసమెరుపు కథల పోటీల వివరాల కోసం
మేము నిర్వహించే వివిధ పోటీలలో రచయితలకు బహుమతులు అందించడంలో భాగస్వాములు కావాలనుకునే వారు వివరాల కోసం story@manatelugukathalu.com కి మెయిల్ చెయ్యండి.
మాకు రచనలు పంపాలనుకుంటే మా వెబ్ సైట్ లో ఉన్న అప్లోడ్ లింక్ ద్వారా మీ రచనలను పంపవచ్చు. లేదా story@manatelugukathalu.com కు text document/odt/docx రూపంలో మెయిల్ చెయ్యవచ్చు.
మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.
దయ చేసి సబ్స్క్రయిబ్ చెయ్యండి ( పూర్తిగా ఉచితం ).
మనతెలుగుకథలు.కామ్ వారి ఫేస్ బుక్ పేజీ చేరడానికి ఈ క్రింది లింక్ క్లిక్ చేయండి. లైక్ చేసి, సబ్స్క్రయిబ్ చెయ్యండి.
గమనిక : పాఠకులు తమ అభిప్రాయాలను మనతెలుగుకథలు.కామ్ వారి అఫీషియల్ వాట్స్ అప్ నెంబర్ : 63099 58851 కు పంపవచ్చును.
రచయిత పరిచయం:
ముందుగా మన తెలుగు కథలు.కామ్ నిర్వాహకులకు నమస్కారం, అభినందనలు. మీరు తెలుగు కథలను, కథకులను ప్రోత్సహిస్తున్న తీరు ఈ మధ్యనే తెలిసింది!
నా పేరు: గోపరాజు వెంకట సూర్యనారాయణ, తల్లిదండ్రులు: గోపరాజు కృష్ణమూర్తి, అనసూయ దంపతులు.నివాసం: కూకట్ పల్లి, హైదరాబాదు.
వృత్తి రీత్యా M.Tech. Machine design చదివిన నేను, HMT Hyd. లో, దాదాపు ముప్పై ఏళ్ళు పైన పనిచేసి డిప్యూటీ జనరల్ మేనేజరు స్థాయిలో వాలంటరీ పదవీ విరమణ చేసిన ఇంజనీరును.
ఆ తర్వాత పేరున్న విజ్ఞాన్ ఇనిస్టిట్యూట్ ఆఫ్ టెక్నాలజీ కాలేజీలో ప్రొఫెసర్ గానూ, మరికొన్ని ఇంజనీరింగు సంస్థల్లో డిజైన్ కన్సల్టెంటు గానూ పనిచేసిన అనుభవం.
ప్రస్తుతం విశ్రాంత సీనియర్ సిటిజన్ ను.స్వతహాగా సాహిత్యాభిమానిని, కళాభిమానిని. కథలంటే బాగా ఇష్టపడతాను.ఈ మధ్యనే, రిటైర్మెంట్ తర్వాత స్వీయరచనా వ్యాసాంగానికి, స్వీయ పెయింటింగ్సు వేయడానికి సాహసిస్తున్నాను. పలు అంతర్జాల సమూహలకు, సంకలనాలకు కవితలు, చిన్నగా కథలు రాస్తున్నాను, ప్రచురిస్తున్నారు, అభినందిస్తున్నారు!