కుటుంబ బాధ్యతల కోసం తన ప్రేమను మనసులోనే దాచుకున్న సుభాష్ జీవితంలో ఎన్నో విజయాలు సాధిస్తాడు. కానీ శైలజ జ్ఞాపకాలను మాత్రం మరిచిపోలేడు. అమెరికాలో స్థిరపడి, ఎన్నో సంవత్సరాల తర్వాత స్వగ్రామానికి తిరిగి వచ్చిన అతనికి గ్రామదేవత పండుగలో రమ్య కనిపిస్తుంది. చేరని ఒక ఉత్తరం వల్ల విడిపోయిన రెండు మనసుల కథ మళ్లీ ఎలాంటి మలుపు తిరగబోతోంది?

ప్రేమ ఉన్నా పరిస్థితులను ఎదిరించలేని సుభాష్, మనసులో ప్రేమను దాచుకుని ఎదురుచూసే శైలజ… వీరిద్దరి మధ్య ఉత్తరాలకు వంతెనగా నిలిచిన రమ్య. కుటుంబ గౌరవం, సామాజిక కట్టుబాట్లు, అంతులేని విరహవేదన మధ్య సాగిన ఈ ప్రేమ ప్రయాణం ఏ తీరానికి చేరుతుంది?

సెల్‌ఫోన్లు లేని కాలంలో చిన్న చిన్న చూపులు, మౌనపు పలకరింపులతో మొదలైన సుభాష్, శైలజల ప్రేమకథే ‘సుదూర తీరాలు’. మాటలు చెప్పలేని మనసుల మధ్య చిగురించిన అనుబంధం వారి జీవితాలను ఎటువైపు నడిపించబోతోంది?

ఒక చిన్న బస్ షెల్టర్ ఇచ్చిన నీడ, ఒక బావి తీర్చిన దాహం, ఒక మామిడి చెట్టు అందించిన విశ్రాంతి నుంచి మొదలైన జ్ఞాపకాలు రచయితను మానవత్వం గురించి ప్రశ్నించేలా చేస్తాయి. మనకు మేలు చేసిన మనుషులను, మహనీయులను, ప్రకృతిని ఎందుకు మర్చిపోతున్నాం? అంటూ దైవానికే సంధించిన హృదయపూర్వక ప్రశ్నల సమాహారమే “ఏలికా... నా పిలుపు విను ఇక!”

“భగవంతుడు అందరికీ ప్రశ్నాపత్రం ఇస్తాడు… కానీ అందరికీ ఒకే ప్రశ్నాపత్రం ఇవ్వడు.” ఎవరికో సంపద పరీక్ష… ఎవరికో పేదరికం పరీక్ష… ఎవరికో అధికారం పరీక్ష… మరెవరికో ఒంటరితనం పరీక్ష… కానీ అసలు పరీక్ష ప్రశ్నాపత్రంలో ఉండదు… మన సమాధానంలో ఉంటుంది. “మనిషి జీవితంలో గొప్పదనం ఎంత సంపాదించామన్నదిలో లేదు… ఎంతమంది కన్నీళ్లను తుడిచామన్నదిలో ఉంది.” మనిషి వెళ్లిపోతాడు… మనిషి చేసిన మానవత్వం మాత్రం మిగిలిపోతుంది. 🙏

రోడ్డు పక్కన షూ పాలిష్ చేసే ఒక సాధారణ వ్యక్తి... కానీ అతని చిరునవ్వు, ఆప్యాయత, సేవాభావం అసాధారణం. ఒక చిన్న సంఘటన ద్వారా రచయిత జీవితాన్ని కొత్త కోణంలో చూసే అవకాశం పొందుతాడు. మనుషులను గెలుచుకోవడమే నిజమైన విజయం అని తెలియజేసే హృద్యమైన జీవన కథ.