గీతా మాధురికి మరో కంపెనీ నుంచి మంచి ఉద్యోగ అవకాశం వస్తుందనే సమాచారం నాగమునికి తెలుస్తుంది. ఆమెను సుగుణ్ ట్రేడర్స్‌లో కొనసాగించేందుకు ప్రత్యేక పదవి ప్రతిపాదిస్తారు. కానీ గీతా మాధురి తన తమ్ముడు ప్రసన్నకు ఉద్యోగం ఇవ్వాలని కోరుతుంది. సుఖదేవ్ తీసుకున్న నిర్ణయం ఆమెను భావోద్వేగానికి గురిచేస్తుంది.

శోభా అగర్వాల్‌తో వ్యాపార ఒప్పందాన్ని పూర్తి చేయడానికి గీతా మాధురితో కలిసి వెళ్లిన సుఖదేవ్‌కు అనుకోని పరిస్థితి ఎదురవుతుంది. తన ప్రవర్తనకు క్షమాపణ చెప్పిన అతడు ఆ తర్వాత గీతా మాధురితో వ్యవహరించే తీరును మార్చుకుంటాడు. మరోవైపు విద్యాభవానికి మల్లెపూలు అందించిన భానుప్రసాద్, తన కొత్త లక్ష్యం వైపు అడుగులు వేస్తాడు.

భానుప్రసాద్‌ను చూడాలనే ఆరాటంతో హాస్టల్‌కు వెళ్లిన వైష్ణవికి అతన్ని ఒక యువ లాయర్ తీసుకెళ్లిందని తెలుస్తుంది. మరోవైపు విద్యాభవాని సంరక్షణలో కోలుకుంటున్న భానుప్రసాద్‌కు సుఖదేవ్ కొత్త ఉద్యోగ అవకాశం ఇస్తాడు. అతను ఏ నిర్ణయం తీసుకున్నాడు?

ప్రణవి కలలో మళ్లీ కనిపించిన ఆ మహిళ ఈసారి ఆకలిగా ఉందంటుంది. మరోవైపు గీతా మాధురి కోసం ఏర్పాటు చేసిన డిన్నర్ పార్టీ కొత్త పరిణామాలకు దారి తీస్తుంది. ఆమెను ఇంటివద్ద దింపిన సుఖదేవ్ ప్రవర్తనపై మరుసటి రోజు నాగముని అతనితో ప్రత్యేకంగా మాట్లాడతాడు.

భానుప్రసాద్ చేతికి కట్టును చూసిన విద్యాభవాని కళ్లలో నీళ్లు తిరుగుతాయి. మరోవైపు సుగుణ్ ట్రేడర్స్‌లో స్పెషల్ బిజినెస్ సెల్ ఇన్‌ఛార్జిగా చేరిన గీతా మాధురి మొదటి రోజుల్లోనే సుఖదేవ్‌ను ఆశ్చర్యపరుస్తుంది. ఇంట్లో మాత్రం ప్రణవి తనను వెంటాడుతున్న కలల నుంచి బయటపడేందుకు ఆధ్యాత్మిక మార్గాన్ని అనుసరిస్తోంది.

ప్రమాదంలో ప్రాణాలు కోల్పోయిన మహిళ ప్రణవి కలలో పదేపదే ఎందుకు కనిపిస్తోంది? ఆమె చూపిస్తున్న కామిని ఫొటో వెనుక ఏదైనా సంకేతం ఉందా? మరోవైపు భానుప్రసాద్‌ను వెతుక్కుంటూ అతని ఆఫీసుకు వచ్చిన యువ లాయర్ విద్యాభవాని ఏం చెప్పబోతోంది?