'Arpana' - New Telugu Poem Written By A. Annapurna
Published In manatelugukathalu.com On 01/11/2023
'అర్పణ' తెలుగు కవిత
రచన: ఏ. అన్నపూర్ణ
(ఉత్తమ అభ్యుదయ రచయిత్రి)
నీవు లేని జీవితం లేదు....
నీవుతప్ప తోడు ఎవరూ లేరు
నీ పిలుపే అనుక్షణం నా వెన్నంటి వినబడుతూ వుంది!
వెన్నెలమడుగులో మునిగి
నీఆలోచనలతో కలవరపడుతుంటే
మరులుగొన్న భ్రమరం నాఎదపై వాలి సేదదీరింది!
పూచిన ప్రతిపూవులో మధువు జాలువారుతున్నా అటుచూడక
తుంటరి తూనీగ నా చెక్కిలి మీటి గిలిగింతలు పెట్టింది!
నీరెండ నీడలో నీతలపుల అలజడిలో నీకై వేచివున్నాను
విందులుచేయాలని తహతహ లాడుతున్నాను!
పగటి సూర్యుడు తీక్షణమైన కిరణాలతో వేధిస్తున్నాడు
నడిరేయి రాకాసుధాకరుడు వెన్నెలబాణాలు సంధిస్తున్నాడు!
రేయంతా నిదురలేని నన్ను చూసి జాలిపడుతూ
ఉషోదయాన తుషార బిందువులు ఊరడిస్తున్నాయి!
శిశిర ఋతువులో చలిగాలులు వొణికించి ఏడిపిస్తుంటే
మండుతున్నజ్వాలాతోరణమై అల్లుకు పోవాలని ఆశపడుతున్నాను!
జాలిలేని మలయమారుతం నా పయ్యెదతో ఆటలాడుతుంటే
అల్లరిమేఘం నిలువునా తడిపివేసి నామీద కసి తీర్చుకుంది!
నీలిముంగురులు నుదుట అల్లరి పెడుతుంటే మేఘాల మధ్య
నడయాడు చంద్ర బింబంలా నీ వదనం ప్రకాశించింది!
నన్ను నేను మరిచాను నిన్ను చేరాలని తపించాను
వెన్నెల మెట్లపై రెక్కలు కట్టుకుని ఎగిరి వచ్చాను!
నిన్ను చేరిన క్షణాన జగమంతా మరిచాను
నీకు బందీనై జీవితకాలం ఉండిపోయాను!
తారకలన్నీ మేలమాడుతుంటే నీచాటునదాగి మురిసాను
భువినేమరిచాను నీలోవొదిగిపోయి మెరుపులా మెరిసాను!
రేయి పగలు తేడాతెలియక మత్తులో మునిగాను
ఆకలి దప్పులు మరిచి యుగాలు క్షణాలుగా గడిపాను!
నన్ను నీకు అర్పించుకున్నాను వినువీధిలో ఉండిపోయాను
ఈ బంధం ఏనాటిదో నీ అనురాగంతో నిలవాలి కలకాలం!*
********
ఏ. అన్నపూర్ణ గారి ప్రొఫైల్ కొరకు, మనతెలుగుకథలు.కామ్ లో వారి ఇతర రచనల కొరకు
ఉగాది 2024 సీరియల్ నవలల పోటీల వివరాల కోసం
మేము నిర్వహించే వివిధ పోటీలలో రచయితలకు బహుమతులు అందించడంలో భాగస్వాములు కావాలనుకునే వారు వివరాల కోసం story@manatelugukathalu.com కి మెయిల్ చెయ్యండి.
మాకు రచనలు పంపాలనుకుంటే మా వెబ్ సైట్ లో ఉన్న అప్లోడ్ లింక్ ద్వారా మీ రచనలను పంపవచ్చు.
లేదా story@manatelugukathalu.com కు text document/odt/docx రూపంలో మెయిల్ చెయ్యవచ్చు.
మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.
దయ చేసి సబ్స్క్రయిబ్ చెయ్యండి ( పూర్తిగా ఉచితం ).
మనతెలుగుకథలు.కామ్ వారి ఫేస్ బుక్ పేజీ చేరడానికి ఈ క్రింది లింక్ క్లిక్ చేయండి. లైక్ చేసి, సబ్స్క్రయిబ్ చెయ్యండి.
గమనిక : పాఠకులు తమ అభిప్రాయాలను మనతెలుగుకథలు.కామ్ వారి అఫీషియల్ వాట్స్ అప్ నెంబర్ : 63099 58851 కు పంపవచ్చును.
రచయిత్రి పరిచయం : ఏ. అన్నపూర్ణ
నాపేరు అన్నపూర్ణ. నేను ఇరవై సంవత్సరాలు ఏక ధాటిగా కథలు నవలలు వ్యాసాలు కవితలు కాకుండా జనరల్ నాలెడ్జ్ బుక్స్ చదివిన తర్వాత కథలు రాయడం మొదలు పెట్టాను. అమెరికాలో స్థిరపడ్డాక వచ్చిన అవకాశాలు నా రచనకు మరింత పదును పెట్టాయి. నా రచనలు చాలా వరకు నేను చూసిన ఎదురుకున్న సంఘటనల ఆధారంగా రాసినవే. ''మంచి సందేశాత్మక రచన చేయాలనే '' తపన.... తప్పితే ఏదో ఆశించి రాయడంలేదు. ఆ దాహం తీరనిది. దీని నుంచే మంచి రచన వస్తుందని అనుకుంటాను. ఎందరో గొప్పవారు చెప్పినట్టు నేర్చుకోడానికి ఫుల్స్టాప్ వుండకూడదు. ఆలా తెలుసుకుంటూ ఉండటమే కర్తవ్యమ్. నాకు ప్రోత్సహం ఇస్తున్న పత్రికల వారికీ ధన్య వాదాలు. నాది కాకినాడ. పండితవంశంలో పుట్టుక, సాహిత్యం ఊపిరి- వంశపారంగా అబ్బిన వరం.
నా మొదటికథ చదివి రచనలను ప్రోత్సహించినది ''వసుంధర.R రాజగోపాల్గారు.'' నామొదటి నవల చదివి నా శైలిని మెచ్చుకుని , చతురలో ప్రచురించడo గొప్ప అర్హతగా అభినందించిన '' శ్రీ యండమూరి.....'' ఇంకా ఇప్పుడూ కొనసాగిస్తూ ఉండటానికి కారకులు.
అలాగే నా వ్యాసాలకు సుస్థిర స్థానం కల్పించింది డా. జయప్రకాశ్ నారాయణ్ LOKSATTA ఫౌండర్. నా కవితలకు గుర్తింపు తెచ్చిన ప్రముఖ జర్నలిస్ట్ ఐ.వెంకట్రావ్ గారు, (నా మొదటి కవిత వారి '' పత్రిక ''లో వెలుగు చూసింది.)
విచిత్రం ఏమిటంటే వీరిలో మహిళా రచయిత్రు లెవరూ లేకపోడం.
రచయితలో వుండే ప్రత్యేకతను గుర్తించిన గుణం వీరిది. మరో విషయం ''జనార్ధన మహర్షి'' గారి కవితలు చదివి చిన్న మార్పులు చేస్తే బాగుంటుందేమో అని చెప్పినందుకు కొత్తగా ఏమాత్రమూ కోపం తెచ్చుకోకుండా ఆయన కొత్తగా రాసిన కవితల సంపుటిని నాకుపంపి '' సరిచూసి ఇస్తే నేరుగా ప్రింటికి ఇస్తాను ''అని చెప్పడం వారి విజ్ఞతకు సహస్ర వందనాలు. వీరంతా నేను ఎన్నటికీ మరువలేని మహానుభావులు.
ఇంకా కొందరు వున్నారు. సమయం వచ్చినపుడు వారిని గురించి చెబుతాను.
30 /10 /2022 తేదీన హైదరాబాద్ రవీంద్ర భారతిలో మనతెలుగుకథలు.కామ్ వారిచే సన్మానింపబడి,
ఉత్తమ అభ్యుదయ రచయిత్రి బిరుదు పొందారు.
(writing for development, progress, uplift)
