కృషితో నాస్తి దుర్భిక్షం
- Ch. Pratap
- Oct 8
- 4 min read
#KrushithoNasthiDurbhiksham, #కృషితోనాస్తిదుర్భిక్షం, #ChPratap, #TeluguInspirationalStories, #ప్రేరణాదాయకకథలు
Krushitho Nasthi durbhiksham - New Telugu Story Written By Ch. Pratap
Published In manatelugukathalu.com On 08/10/2025
కృషితో నాస్తి దుర్భిక్షం - తెలుగు కథ
రచన: Ch. ప్రతాప్
మందపల్లె అనే చిన్న పల్లె ఆంధ్రప్రదేశ్‌లో ప్రత్యేక గుర్తింపు సంపాదించింది. ఈ ఊరు కేవలం 100% అక్షరాస్యతను సాధించిన గ్రామంగా మాత్రమే కాదు, గాంధీజీ సిద్ధాంతాలను నిత్య జీవన విధానంగా పాటించే సమాజంగా ప్రసిద్ధి చెందింది. సత్యం, అహింస, సమాజ సేవ, పరిశుభ్రత, కృషి, వినయం, విద్య – ఇవన్నీ ప్రతి ఇంటిలోనూ, ప్రతి మనసులోనూ నెరిపి గలిగిన విలువలు. చిన్నారులు, యువకులు, వృద్ధులు – ప్రతీ ఒక్కరు గాంధీజీ సిద్ధాంతాల ప్రతీకలుగా మారిపోయారు.
గ్రామంలోని ప్రతి ఇంటిలో గాంధీజీ విధానాలు పాటించ బడ్డాయి. ప్రతి రోజు ప్రతి ఒక్కరు పరిశుభ్రత, కృషి, సత్యం, అహింస, సామాజిక సేవలను జీవిత విధానంగా చేసుకుంటారు. ఊరి యువత, వృద్ధులు, చిన్నారులు ఒకరి మీద ఒకరు మద్దతుగా నిలిచి, గాంధీజీ సిద్ధాంతాలను జీవనానికి మార్గదర్శకంగా చేసుకున్నారు.
ఆగష్టు 15 వ తేది స్వాతంత్ర దినోత్సవం ఉదయం, మండపల్లె ఊరు జాతీయ గీతాలతో మార్మోగింది. పాఠశాల ప్రాంగణం నుంచి వీధుల వరకు ఊరి ప్రతీ మూల, ప్రతీ ఇంటి ముందు ఉత్సాహపు జెండాలు, పూలమాలలు, రంగవల్లులు నిండి ఉండాయి. చిన్నారుల నుండి పెద్దవారంతా పాఠశాల ప్రాంగణంలో సమకూరారు.
ఆ రోజు రాష్ట్ర విద్యామంత్రి బసవరాజు మందపల్లెకు పతాకావిష్కరణకు రాబోతున్నారని వార్తలు ఊరందరిలో ఉత్సాహాన్ని రేకెత్తించాయి. సాధారణంగా ఒక మంత్రి ఇలాంటి చిన్న పల్లెని సందర్శించడం అసాధ్యం; కానీ మందపల్లె ప్రత్యేకతను సాధించిందని ఆయన మొత్తం రాష్ట్రానికంతటికీ చూపించాలని ఆయన స్వయంగా ఈ మారుమూల పల్లెకు వస్తున్నారని ప్రజలందరూ భావించారు.
ఈ విజయానికి వెనుక ప్రధాన కర్త రాఘవయ్యగారు, పల్లె పాఠశాల ఉపాధ్యాయుడు. చిన్నపిల్లల్లో విద్యాసక్తిని జాగృతగా ఉంచడం, నిజాయితీ, క్రమశిక్షణ, సత్యం, వినయం లో పునాది వేయడం ఆయన లక్ష్యం. కానీ మొదట ఇది సులభంగా జరగలేదు. రాష్ట్ర ప్రభుత్వం ఆ గ్రామానికి కావలసిన నిధులు విడుదల చేయకపోవడం వలన పాఠశాల భవనాలు మరమ్మత్తు పనులు ప్రారంభం కాలేదు. ఊరి రోడ్ల మరమ్మత్తులు, చెరువుల శుభ్రత పనులు వాయిదా పడ్డాయి.
అప్పుడే రాఘవయ్యగారి దృఢత, ఆత్మవిశ్వాసం, ప్రేరణ గ్రామస్థుల హృదయాలను స్పర్శించింది. “ఎవరో వస్తారని, ఏదో చేస్తారని ఎదురు చూస్తే మన సమయం వృథా అవుతుంది. ఎవరో రావాలని ఆశించకండి. మన గ్రామ అభివృద్ధి మన చేతుల్లోనే సాధ్యం. మనమే ముందడుగు వేస్తే విజయం ఖాయం” అని ఆయన ప్రజలను శ్రమదానం ఉద్యమంలో పాల్గొనడానికి ప్రేరేపించారు.
ఈ ఉద్యమంలో గ్రామ యువత ముందుండి పాఠశాల భవనాలను పునరుద్దరించారు, ఊరి రోడ్లను మరమ్మత్తు చేశారు, చెరువులోని మట్టిని తొలగించి, పారిశుధ్యాన్ని పునరుద్ధరించారు. ప్రతి వ్యక్తి ప్రతీ పనిలో భాగస్వామ్యుడిగా మారి కృషి చూపించాడు. ఉదయం నుండి సాయంత్రం వరకు ప్రతి ఒక్కరి ఉత్సాహం, పట్టుదల, సమన్వయం ఊరి ప్రతి మూలలో ప్రతిబింబించింది.
రాఘవయ్యగారి ఆలోచనలతో, గ్రామంలోని ప్రతి వ్యక్తి ధూమపానం, మద్యపానం అలవాట్లను వదిలేసారు. సంపూర్ణ అక్షరాస్యతతో పాటు ధూమపానం, మద్యపానం నిషేధించిన తొలి గ్రామంగా మందపల్లె రికార్డులలోకి ఎక్కింది.. యువత రాత్రి సమయాల్లో పెద్దవారి సలహా తీసుకుని చదువులో పాల్గొన్నారు.
వృద్ధులు, పెద్దవాళ్లు, చిన్నారులు – ప్రతీ ఒక్కరు మూకుమ్మడిగా గాంధీజీ సిద్ధాంతాలను పాటించి, పరిశుభ్రత, కృషి, సత్యం, హింసారహిత నిరసన, సామాజిక సేవ – ఇవన్నీ అనుసరించేవారు. మందపల్లె ఇప్పుడు ఒక సత్యాగ్రహ గ్రామం, గాంధీజీ సిద్ధాంతాల ఆధారిత సమాజం.
మరొక ముఖ్యమైన ఘట్టం – రాత్రి 6 నుండి 8 గంటల వరకు ప్రతి రోజు వయస్కుల విద్యా కార్యక్రమం ప్రారంభమైంది. ఊరి లోపల ఉన్న ప్రతి నిరక్స్యరాసుడు చదువులో భాగస్వామ్యమయ్యాడు. రాఘవయ్యగారి ఆత్మీయ పద్ధతిలో వారిని చదువులో పట్టించారు, అక్షరాస్యత, ప్రాథమిక గణిత నైపుణ్యం పెంపొందించారు. కొద్ది కాలంలో, మందపల్లె 100% అక్షరాస్యతను సాధించడమే కాక, వయస్కులలోనూ విద్యా ఆసక్తిని నింపే ఊరుగా మారింది.
పల్లె ప్రజలు కేవలం విద్యలోనే కాక, జీవనశైలి, సామాజిక పరిరక్షణలోనూ మార్పు చూపించారు. ప్రతి ఇంటిలో పరిశుభ్రత, ప్రతి మనసులో సత్యం, వినయం, అహింస, కృషి నేరితీర్మానంగా నిలిచాయి. చిన్నారులు గాంధీజీ సిద్ధాంతాల పాఠాలపై జీవించటం మొదలుపెట్టారు.
స్వతంత్ర దినోత్సవం వేళ, వేదికపై రాష్ట్ర విద్యామంత్రి బసవరాజు ఉన్నారు. ఆయన రాఘవయ్యగారి నీతి నిజాయితీలు, కృషి, పట్టుదల, నిబద్ధత, గ్రామ విద్యా మార్పు, పాఠశాల ప్రగతి గురించి అభినందనలు తెలిపారు. తర్వాత రాష్ట్ర ప్రభుత్వం ‘ఉత్తమ ఉపాధ్యాయుడు’ అవార్డు ప్రకటించిన రాఘవయ్యగారిని ఘనంగా సత్కరించింది. గ్రామంలోని ప్రతీ కుటుంబం, చిన్నారులు, పెద్దవారంతా పూలమాలలు, శాలువా కప్పడం, వేనోళ్ళ పొగడడంతో ఆయన కృషిని గుర్తించారు.
మందపల్లె గ్రామం ఒక స్ఫూర్తిదాయక ఉదాహరణ: ఒక గురువు అంకితభావం, విద్యార్థి వినయం, సమాజం సమగ్రత కలిపి, విద్యా, సామాజిక విజయం సాధించవచ్చు. రాఘవయ్యగారి అంకితభావం, గ్రామంలోని గాంధీజీ సిద్ధాంతాల అనుసరణ – ఇవన్నీ కలిపి మండపల్లెను ప్రేరణాత్మక, ప్రసిద్ధ గ్రామంగా నిలిపాయి.
చిన్నారుల కళ్ళలో కొత్త కలలు మెరిశాయి. “మనం కూడా చదువులో రాణించాలి, మన ఊరిని, సమాజాన్ని మరింత గౌరవపరచాలి, గురువులను గౌరవించాలి, సత్యం, కృషి, వినయం పాటించాలి” అనే సంకల్పం వారిలో నిండిపోయింది.
స్వాతంత్ర దినోత్సవం వేళ, మందపల్లెలో వేదికపై ప్రతి చిన్నారి, పెద్దవారు, ఉపాధ్యాయులు, రైతులు – ప్రతీ ఒక్కరి హృదయంలో ఒకే భావన మిగిలింది: హింస లేకుండా, కృషి, పట్టుదల, కఠోర శ్రమ వినయం, కృషితో ఏది సాధించవచ్చు. విద్య, గురుభక్తి, గాంధీజీ సిద్ధాంతాలు – ఇవే మన జీవితాలకు వెలుగు, సమాజానికి మార్గదర్శకం.
రాఘవయ్యగారి పేరు కేవలం ఉపాధ్యాయుడిగా కాకుండా, తరం మార్పు తీసుకొచ్చిన మహత్తర వ్యక్తిగా చిరస్థాయిగా నిలిచింది. మండపల్లె గ్రామం ఇప్పుడు గాంధీజీ సిద్ధాంతాల ప్రతీకగా, అక్షరాస్యత, పరిశుభ్రత, సామాజిక సేవ, హింసారహిత నిరసన కోసం దేశంలో ప్రసిద్ధిగల గ్రామంగా నిలిచింది.
జైహింద్
***
Ch. ప్రతాప్ గారి ప్రొఫైల్ కొరకు, మనతెలుగుకథలు.కామ్ లో వారి ఇతర రచనల కొరకు
ఉగాది 2026 కథల పోటీల వివరాల కోసం
కొసమెరుపు కథల పోటీల వివరాల కోసం
మాకు రచనలు పంపాలనుకుంటే మా వెబ్ సైట్ లో ఉన్న అప్లోడ్ లింక్ ద్వారా మీ రచనలను పంపవచ్చు.
లేదా story@manatelugukathalu.com కు text document/odt/docx రూపంలో మెయిల్ చెయ్యవచ్చు.
మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.
దయ చేసి సబ్స్క్రయిబ్ చెయ్యండి ( పూర్తిగా ఉచితం ).
మనతెలుగుకథలు.కామ్ వారి ఫేస్ బుక్ పేజీ చేరడానికి ఈ క్రింది లింక్ క్లిక్ చేయండి. లైక్ చేసి, సబ్స్క్రయిబ్ చెయ్యండి.
గమనిక : పాఠకులు తమ అభిప్రాయాలను మనతెలుగుకథలు.కామ్ వారి అఫీషియల్ వాట్స్ అప్ నెంబర్ : 63099 58851 కు పంపవచ్చును.
రచయిత పరిచయం: https://www.manatelugukathalu.com/profile/pratap
నేను Ch. ప్రతాప్. వృత్తిరీత్యా ఒక ప్రభుత్వ రంగ సంస్థలో సివిల్ ఇంజనీర్‌గా ముంబయిలో పని చేస్తున్నాను. అయితే నా నిజమైన ఆసక్తి, ప్రాణం సాహిత్యానికే అంకితం..
తెలుగు పుస్తకాల సుగంధం నా జీవనంలో 1984 నుంచే పరిమళించింది. అప్పటి నుంచి పఠనం నా దినచర్యలో భాగమై, రచన నా అంతరంగపు స్వరం అయ్యింది. ఆధ్యాత్మికత, మానవ సంబంధాల లోతులు, సామాజిక ధృక్పథం, ప్రజాసేవ పట్ల నాలో కలిగిన మమకారం నా ప్రతి రచనలో ప్రతిఫలిస్తుంది.
ఇప్పటివరకు నేను రాసిన రెండు వందలకుపైగా కథలు, ఐదు నవలలు, రెండు వేల వ్యాసాలు పలు దిన, వార, మాస పత్రికలలో, డిజిటల్ వేదికలలో వెలువడి పాఠకులను చేరాయి. ప్రతి రచన నా అనుభవాలకు, ఆలోచనలకు ప్రతిబింబమే కాక, పాఠకునితో ఒక సంభాషణ.
నాకు సాహిత్యం హాబీ కాదు, అది నా జీవితయానం. కొత్త ఆలోచనలను అన్వేషిస్తూ, తెలుగు సాహిత్య సముద్రంలో నిరంతరం మునిగిపోతూ ఉండటం నా ఆనందం. రచన ద్వారా సమాజానికి ఉపయోగపడే మార్గాలను వెతికే ప్రయత్నం నాకెప్పుడూ ఆగదు.
Comments