ఓడిపోయినప్పుడు మన తప్పు ఎక్కడ జరిగిందో చెప్పడానికి చాలామంది సిద్ధంగా ఉంటారు. వాడి తప్పు అయితే—“వాడి తప్పు!” మనది అయితే—“పరిస్థితుల తప్పు!” 😄 కానీ ఓడిపోయినవాడికి కావాల్సింది తీర్పు కాదు. కొన్నిసార్లు— “పర్లేదు… మళ్లీ ప్రయత్నించు” అనే నాలుగు మాటలే చాలు.

మంచిగా ఉన్నా కామెంట్. చెడుగా ఉన్నా కామెంట్. నవ్వినా కామెంట్. మౌనంగా ఉన్నా కామెంట్. అంటే మొత్తానికి— మనం ఏం చేసినా కామెంట్‌కి కొరత ఉండదు! అందరినీ మెప్పించడానికి ప్రయత్నిస్తూ మనల్ని మనమే నిరాశపరచుకోవడం కంటే, మన కథ మనమే రాసుకుంటూ బ్రతకడం మంచిది.

మనిషికి చెవులు రెండు… నోరు ఒకటి. కానీ మనం? వినేది సగం… మాట్లాడేది డబుల్… అర్థం చేసుకునేది మాత్రం జీరో! 😄 ఎక్కడ మాట్లాడాలో అక్కడ మౌనం. ఎక్కడ మౌనంగా ఉండాలో అక్కడ మాత్రం Full Confidence! మాట్లాడే ముందు ఐదు సెకన్లు ఆలోచిస్తే, మాట్లాడిన తర్వాత వచ్చే పెద్ద పశ్చాత్తాపాన్ని తప్పించుకోవచ్చు.

ప్రతి రోజూ అద్భుతంగా ఉండాల్సిన అవసరం లేదు. ప్రతి ఉదయం కొత్త సమస్యతో మొదలవ్వాల్సిన అవసరం కూడా లేదు. ఆరోగ్యం బాగుంది. మనసు ప్రశాంతంగా ఉంది. ఇంట్లో వాళ్లు క్షేమంగా ఉన్నారు. పని జరుగుతోంది. తిన్నది అరుగుతోంది. రాత్రి నిద్ర పడుతోంది.

పని చేసే మనిషికి సమస్యలు కనిపిస్తాయి. పని చేయకుండా పక్కన నిలబడినవాడికి మాత్రం తప్పులు మాత్రమే కనిపిస్తాయి! విజయం వస్తే—“నా ప్లాన్!” ఫెయిల్ అయితే—“వాళ్లు నా మాట వినలేదు!” సలహా ఇవ్వడం సులువు. ఆ సలహా ఫలితానికి బాధ్యత తీసుకోవడమే అసలు కష్టం.

ఫోన్ ఉంది కదా అని రోజంతా చూడాలా? కారు ఉందని పక్క వీధికీ కారులోనే వెళ్లాలా? నీళ్లు వస్తున్నాయని వృథాగా వదిలేయాలా? ఖాళీ గదిలోనూ కరెంటు ఖర్చు చేయాలా? “ఉంది కదా” అనేది వాడటానికి కారణం కావచ్చు… వృథా చేయడానికి కాదు. ప్రకృతి వనరులు మనతోనే ముగిసిపోయే సొత్తు కాదు. తర్వాతి తరాలకు కూడా అందాల్సిన సంపద.