ఒక ఊరిలో తవ్వకాలలో దొరికిన పురాతన పెట్టె. అందరూ అందులో నిధులు, రహస్యాలు, అద్భుతాలు ఉంటాయని ఊహించారు. కానీ పెట్టె తెరిచి చూసేసరికి అది పూర్తిగా ఖాళీ. అక్కడి నుంచి మొదలైంది అసలు కథ. ఖాళీ పెట్టె చుట్టూ గుడి, సిద్ధాంతాలు, రాజకీయాలు, సోషల్ మీడియా హంగామా, తత్వశాస్త్రాలు పుట్టుకొచ్చాయి. చివరికి "జాటర్ ఢమాల్" అనే ఒక్క మాట మనిషి జీవితాన్నే అద్దంలా చూపిస్తుంది.

బజారులో కలిసిన శిష్యుడు అశోక్‌తో మాట్లాడుతున్న రావుగారు, ఆధునిక జీవితపు వాస్తవాలను ఒక్కొక్కటిగా బయటపెడతారు. పిల్లల భవిష్యత్తు కోసం పరుగులు పెడుతున్న తల్లిదండ్రులు, అదే సమయంలో కుటుంబ బంధాలను కోల్పోతున్నారా? అనే ప్రశ్నను ఈ కథ పాఠకుల ముందుంచుతుంది.

చోళ సైన్యం రక్షణలో రాజప్రాసాదానికి చేరుకున్న కరికాల, యానై క్కట్చి తమ జీవితాల్లో కొత్త అధ్యాయాన్ని ప్రారంభిస్తారు. అడవి పరీక్షలు వారిద్దరి హృదయాలను మరింత దగ్గర చేశాయి. రాజ్యాల కలయికగా ప్రారంభమైన బంధం ఇప్పుడు ప్రేమ, విశ్వాసం, భవిష్యత్తు కలలతో నిండిన అనుబంధంగా మారింది.

దేవాలయాలకు పెద్దగా వెళ్లని విష్ణు, దరిద్రనారాయణ సేవనే నిజమైన భగవత్సేవగా భావిస్తాడు. ఒక రోజు రామాలయంలో దర్శనం చేసుకునే సమయంలో దేవుని బదులు తన ప్రతిబింబమే కనిపించడం అతన్ని ఆశ్చర్యానికి గురిచేస్తుంది. ఆ అనుభవానికి లభించిన వివరణ అతని భక్తి యొక్క అసలైన మహిమను ప్రపంచానికి తెలియజేస్తుంది.

గిరాకీ లేక అప్పుల్లో కూరుకుపోయిన రైతు మాధవయ్య తన కుటుంబాన్ని పోషించలేక తీవ్ర నిరాశలో మునిగిపోతాడు. ఆత్మహత్యకు సిద్ధమైన సమయంలో ఒక పాత మొబైల్ ఫోన్ అతని జీవితంలో ఆశాకిరణంగా మారుతుంది. రైతు కష్టాన్ని వీడియో ద్వారా ప్రజలకు చూపించిన మాధవయ్య, తన వ్యాపారాన్నే కాదు తన జీవితాన్నీ మార్చుకుంటాడు.

"ఊ..." అని వినిపించిన శబ్దంతో తాత రామారావు ఒక్కసారిగా ఉలిక్కిపడ్డాడు. మనవడు రాజేష్ గాఢ నిద్రలో ఉన్నాడు. మరి ఆ శబ్దం ఎవరిది? చింతచెట్టు, చీకటి, కీచురాయి అరుపులు... తాత మనసులో భయం పెరిగిపోయింది. కానీ చివరికి తెలిసిన నిజం ఏమిటి? చదవండి "భ్రాంతి".