చివరి కోరిక - పార్ట్ 5
- Madduri Bindumadhavi
- 5 hours ago
- 2 min read
#MadduriBindumadhavi, #మద్దూరిబిందుమాధవి, #ChivariKorika, #చివరికోరిక, #TeluguWebSeries
Chivari Korika - Part 5 - New Telugu Web Series Written By Madduri Bindumadhavi Published In manatelugukathalu.com On 20/11/2025
చివరి కోరిక - పార్ట్ 5 - తెలుగు ధారావాహిక
రచన: మద్దూరి బిందుమాధవి
ఉత్తమ రచయిత్రి బిరుదు గ్రహీత
జరిగిన కథ:
'శాంతి మహిళా సేవా సంస్థ' వార్షికోత్సవం లో తన జీవిత గమనం గురించి చెబుతూ ఉంటుంది సుందరి. మెడికల్ చెకప్స్ లో ఆమె భర్త సత్యానికి ప్రాణాంతకమైన వ్యాధి ఉందని తెలుస్తుంది. సుందరికి ఆసరాగా ఉన్న మరిది విశ్వాన్ని దూరంగా ఉంచమంటారు బంధువులు.
ఇక చివరి కోరిక - పార్ట్ 5 చదవండి.
విశ్వం కి పెళ్ళయి భార్య రజని కాపురానికి వచ్చాక.. బంధువులు, అయిన వాళ్ళు కొందరు ఆ అమ్మాయి మనసులో కూడా విషం నింపే ప్రయత్నం చేశారు. అది ముందుగానే ఊహించిన విశ్వం.. అన్న-వదినల అన్యోన్య దాంపత్యం గురించి, చిన్నతనంలోనే భర్తని పోగొట్టుకున్న వదిన దురదృష్టం గురించి, ఆమెకి మనమే అండదండలవ్వాలని, అది కనీస సంస్కారమని తమ ఏకాంతంలో రజనికి చెప్పాడు.
తల్లి లేని రజని.. చదువుకుని, లోకం పోకడ, మనుషుల్లో ఉండే స్వార్ధం.. అది సాధించుకోవటానికి ఇతరుల పట్ల వారి వైఖరి.. అన్నీ అర్థం చేసుకున్న తెలివైన పిల్ల.
రజని వస్తూనే ముందు రుద్ర మనసు చదువు వైపు మళ్ళించి.. అతన్ని హాస్టల్లో వేయించింది. హరిణి అప్పటికి తల్లిని అంటి పెట్టుకుని ఉండేది. క్రమేణా పిన్నికి చేరువయ్యింది.
తోటికోడలు చేత దూర విద్య ద్వారా పరీక్షలకి కట్టించి, ఆపేసిన చదువు కొనసాగించేలా చేసింది.
రుద్ర చదువులో మంచి చురుకుగా ఉండేవాడు. అన్ని క్లాసుల్లోను ప్రధమ స్థానంలో ఉండేవాడు. పండుగ-పబ్బం వస్తే విశ్వం భార్య రజనిని వెంటపెట్టుకెళ్ళి రుద్రని చూసొచ్చేవాడు. సుందరి ఉనికి అంటేనే అతనికి జుగుప్సగా ఉండేది.
సెలవలిచ్చినప్పుడు తల్లిని చూడాల్సి వస్తుందని ఇంటికి రావటానికి ఇష్టపడేవాడు కాదు. వేసవి సెలవుల్లో ఇంటికి వచ్చినా ముళ్ళ మీద ఉన్నట్టు ఉండేవాడు.
రుద్ర కాలేజ్ చదువు పూర్తి చేసుకుని ప్రాంగణ నియామకాల్లో పెద్ద జీతంతో గూగుల్ కంపెనీ లో చేరాడు.
విశ్వం-రజని రుద్రకి మంచి పిల్లని చూసి పెళ్ళి చేశారు.
పెళ్లి అయ్యాక రుద్ర ఇంటికి రావటమే మానేశాడు. బాబాయిని ఆఫీసులో వెళ్లి కలిసేవాడు. పిన్నితో ఫోన్ లో మాట్లాడే వాడు.
కొడుకు రుద్ర కి తన పట్ల ఉన్న అభిప్రాయం నేపథ్యంలో సుందరి కూతురు ఇంటికి కూడా ఎక్కువగా వెళ్లదు. కూతురు హరిణి తనని ఏమీ అనదు. కానీ అన్నయ్య ప్రభావమో ఏమిటో.. ప్రేమగా, ఆప్యాయంగా మసలుకోదు.
బాబాయి, పిన్నిల అండదండల్లో పెరిగినందువల్ల వారితో ఎక్కువ చనువుగా ఉంటుంది. ఏం కావాలన్నా పిన్నిని అడుగుతుంది. పెళ్లికి ముందే సుందరి జీవితం గురించి విశ్వం దంపతుల ద్వారా తెలుసుకున్న ఆమె అల్లుడు, అతని తల్లిదండ్రులు ఆమె పట్ల అభిమానంగా, ఆప్యాయంగా సానుభూతితో ఉంటారు. కానీ ఆమెకే అక్కడికి వెళ్లి నాలుగు రోజులు ఉండటం ఇష్టం ఉండదు.
===============================================
ఇంకా వుంది..
చివరి కోరిక - పార్ట్ 6 త్వరలో..
===============================================
మద్దూరి బిందుమాధవి గారి ప్రొఫైల్ కొరకు, మనతెలుగుకథలు.కామ్ లో వారి ఇతర రచనల కొరకు
ఉగాది 2026 కథల పోటీల వివరాల కోసం
కొసమెరుపు కథల పోటీల వివరాల కోసం
మాకు రచనలు పంపాలనుకుంటే మా వెబ్ సైట్ లో ఉన్న అప్లోడ్ లింక్ ద్వారా మీ రచనలను పంపవచ్చు.
లేదా story@manatelugukathalu.com కు text document/odt/docx రూపంలో మెయిల్ చెయ్యవచ్చు.
మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.
దయ చేసి సబ్స్క్రయిబ్ చెయ్యండి ( పూర్తిగా ఉచితం ).
మనతెలుగుకథలు.కామ్ వారి ఫేస్ బుక్ పేజీ చేరడానికి ఈ క్రింది లింక్ క్లిక్ చేయండి. లైక్ చేసి, సబ్స్క్రయిబ్ చెయ్యండి.
గమనిక : పాఠకులు తమ అభిప్రాయాలను మనతెలుగుకథలు.కామ్ వారి అఫీషియల్ వాట్స్ అప్ నెంబర్ : 63099 58851 కు పంపవచ్చును.
నేను బ్యాంక్ ఆఫీసర్ గా 32 సం లు ఉద్యోగం చేసి, పదవీ విరమణ చేశాక దాదాపు అరవయ్యేళ్ళ వయసులో కథలు వ్రాయటం ప్రారంభించాను. సామెతలు, శతక పద్యాల మీద ఎక్కువ కథలు వ్రాశాను.
సరదాగా కాలక్షేపానికి ప్రారంభించిన వ్యాపకం.. ఇష్టంగా మారటానికి, ప్రచురణ కర్తల ప్రోత్సాహం, పాఠకుల స్పందనే కారణం. మీ ప్రోత్సాహం ఇలాగే కొన సాగగలదని ఆశిస్తూ.. మీ కందరికీ ధన్యవాదాలు తెలుపుతూ సెలవు
30 /10 /2022 తేదీన హైదరాబాద్ రవీంద్ర భారతిలో మనతెలుగుకథలు.కామ్ వారిచే సన్మానింపబడి, ఉత్తమ రచయిత్రి బిరుదు పొందారు.
