క్లీన్ ది అన్ వాంటెడ్
- Munipalle Vasundhara Rani
- 55 minutes ago
- 2 min read
#వసుంధరరాణిమునిపల్లె, #VasundharaRaniMunipalle, #CleanTheUnwanted, #బామ్మకథలు, #TeluguInspirationalStories, #ప్రేరణాదాయకకథలు, #TeluguChildrenStories, #తెలుగుబాలలకథలు
బామ్మ కథలు - 41
Clean The Unwanted - New Telugu Story Written By Vasundhara Rani Munipalle Published in manatelugukathalu.com on 10/03/2026
క్లీన్ ది అన్ వాంటెడ్ - తెలుగు కథ
రచన: వసుంధర రాణి మునిపల్లె
ఈ మధ్య చింటూకి చదువు మీద శ్రద్ధ తగ్గింది. పుస్తకం తీస్తే చాలు, తల మీద నుంచి ఏదో విమానం వెళ్తున్నట్లు నీరసపడిపోయేవాడు. కానీ ఫోన్ దొరికితే మాత్రం గంటల తరబడి రీల్స్, పనికిరాని ప్రాంక్ వీడియోలు, ఎవరో ఎవరినో తిట్టుకునే గాసిప్స్ చూస్తూ ఉండిపోయేవాడు.
దీనివల్ల వాడికి క్లాసులో టీచర్లు చెప్పే పాఠాలు అస్సలు బుర్రకి ఎక్కడం లేదు. పైగా ఎప్పుడూ ఏదో చిరాకు, ఏకాగ్రత లేకపోవడం మొదలైంది.
ఒకరోజు చింటూ తన స్కూల్ ప్రాజెక్ట్ కోసం కొన్ని ఫైల్స్ సేవ్ చేద్దామని కంప్యూటర్ ముందు కూర్చున్నాడు. తన దగ్గరున్న పెన్ డ్రైవ్ పెట్టి ఒక ముఖ్యమైన ఫైల్ కాపీ చేయబోతుంటే, స్క్రీన్ మీద "Disk is Full" అని మెసేజ్ వచ్చింది. చింటూ ఎన్నిసార్లు ప్రయత్నించినా ఆ ఫైల్ సేవ్ అవ్వడం లేదు. విసుగు వచ్చి, "ఛా! ఇందులో ఏముందని నిండిపోయింది?" అని చెక్ చేశాడు.
అందులో నిండా పాత గేములు, పనికిరాని కామెడీ క్లిప్పులు, ఎప్పుడో చూసిన కార్టూన్ వీడియోలు ఉన్నాయి.
పక్కనే కూర్చుని ఇదంతా గమనిస్తున్న బామ్మ, మెల్లగా చింటూ దగ్గరికి వచ్చింది.
"ఏమైంది చింటూ, ఆ ముఖ్యమైన ఫైల్ ఎందుకు సేవ్ అవ్వడం లేదు?" అని అడిగింది. "ఏం చెప్పమంటావు బామ్మా, ఈ పెన్ డ్రైవ్ లో అంతా చెత్త నిండిపోయింది. ఇప్పుడు ప్రాజెక్ట్ ఫైల్ ఎక్కించాలంటే ఆ పాత వీడియోలన్నీ డిలీట్ చేయాలి. లేకపోతే దీనికి కొత్త విషయాలను దాచుకునే శక్తి లేదు" అని చిరాగ్గా చెప్పాడు.
బామ్మ నవ్వుతూ ఇలా అంది, "చూడు చింటూ, మన మెదడు కూడా సరిగ్గా ఈ పెన్ డ్రైవ్ లాంటిదే. దీనికి కూడా ఒక లిమిట్ ఉంటుంది. నువ్వు పొద్దున్న నుండి ఫోన్లో ఆ పనికిరాని రీల్స్, చెత్త విషయాలు చూస్తూ నీ బుర్ర అనే పెన్ డ్రైవ్ ని నింపేస్తున్నావు. నీ బుర్రలో అంతా ఆ చెత్తే నిండి ఉంటే, ఇక టీచర్లు చెప్పే పాఠాలకి, చదువుకోవాల్సిన మంచి విషయాలకి చోటు ఎక్కడ ఉంటుంది? పెన్ డ్రైవ్లో వైరస్ ఉన్న ఫైల్స్ ఎక్కిస్తే అది పాడైపోయి, మంచి ఫైల్స్ కూడా కనపడకుండా చేస్తుంది. అలాగే నువ్వు చూసే ఈ నెగటివ్ వీడియోలు నీ మనసుని పాడుచేస్తాయి."
బామ్మ చింటూ భుజం మీద చేయి వేసి నెమ్మదిగా ఇలా వివరించింది, "అందుకే చింటూ, మన మెదడులో ఏం నింపుతున్నామనేది మన భవిష్యత్తును నిర్ణయిస్తుంది. కంప్యూటర్ అడిగినట్టుగా నువ్వు కూడా నీ బుర్రలో ఉన్న ఆ పనికిరాని విషయాలను, ఆ క్లీన్ అన్ వాంటెడ్ అనే బటన్ నొక్కినట్టు వెంటనే డిలీట్ చెయ్. ఎందుకంటే పనికిరాని విషయాలను వదిలేస్తేనే, మంచి విషయాలకు చోటు దొరుకుతుంది. నీ బుర్రని చెత్త బుట్టలా కాకుండా ఒక విలువైన జ్ఞాన భాండాగారంలా ఉంచుకో" అని ముగించింది.
బామ్మ మాటలతో చింటూకి అసలు విషయం అర్థమైంది. వెంటనే పెన్ డ్రైవ్లోని అనవసరమైన ఫైల్స్తో పాటు, తన బుర్రలో ఉన్న పనికిరాని ఆలోచనలను కూడా క్లీన్ చేసుకోవడం మొదలుపెట్టాడు.
***
సమాప్తం.
వసుంధర రాణి మునిపల్లె గారి కొన్ని ఇతర రచనలు( కథ పేరు పైన క్లిక్ చేయండి.):
వసుంధర రాణి మునిపల్లె గారి ప్రొఫైల్ కొరకు, మనతెలుగుకథలు.కామ్ లో వారి ఇతర రచనల కొరకు
ఉగాది 2026 కథల పోటీల వివరాల కోసం
కొసమెరుపు కథల పోటీల వివరాల కోసం
మేము నిర్వహించే వివిధ పోటీలలో రచయితలకు బహుమతులు అందించడంలో భాగస్వాములు కావాలనుకునే వారు వివరాల కోసం story@manatelugukathalu.com కి మెయిల్ చెయ్యండి.
మాకు రచనలు పంపాలనుకుంటే మా వెబ్ సైట్ లో ఉన్న అప్లోడ్ లింక్ ద్వారా మీ రచనలను పంపవచ్చు.
లేదా story@manatelugukathalu.com కు text document/odt/docx రూపంలో మెయిల్ చెయ్యవచ్చు.
మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.
దయ చేసి సబ్స్క్రయిబ్ చెయ్యండి ( పూర్తిగా ఉచితం ).
మనతెలుగుకథలు.కామ్ వారి ఫేస్ బుక్ పేజీ చేరడానికి ఈ క్రింది లింక్ క్లిక్ చేయండి. లైక్ చేసి, సబ్స్క్రయిబ్ చెయ్యండి.
గమనిక : పాఠకులు తమ అభిప్రాయాలను మనతెలుగుకథలు.కామ్ వారి అఫీషియల్ వాట్స్ అప్ నెంబర్ : 63099 58851 కు పంపవచ్చును.
రచయిత్రి పరిచయం: వసుంధర రాణి మునిపల్లె
నాకు ఈ సదవకాశం ఇచ్చినందుకు ధన్యవాదములు.
నేనొక హౌస్ వైఫ్ ని నాకు కథలు రాయడం ఒక హాబీ.
ఇంతకుముందు జాగృతి లాంటి పత్రికలలో కథలు ప్రచురితమయ్యాయి. ఇంకా కొన్ని కథలు పరిశీలనలో ఉన్నాయి.
Comments