పల్లె పిలిచింది - 6

#TVLGayathri, #TVLగాయత్రి, #TeluguKavithalu, #Kavitha, #Kavithalu, #TeluguPoems, #పల్లెపిలిచింది, #PallePilichindi, #అంబురుహము, #తేటగీతి, #కావ్యము

Palle Pilichindi - 6 - New Telugu Poem Written By T. V. L. Gayathri

Published In manatelugukathalu.com On 12/05/2025

పల్లె పిలిచింది - 6 - తెలుగు కవిత ప్రథమాశ్వాసము

రచన: T. V. L. గాయత్రి

పల్లె పిలిచింది పార్ట్ 1 కోసం ఇక్కడ క్లిక్ చేయండి.

పల్లె పిలిచింది పార్ట్ 2 కోసం ఇక్కడ క్లిక్ చేయండి.

పల్లె పిలిచింది పార్ట్ 3 కోసం ఇక్కడ క్లిక్ చేయండి.

పల్లె పిలిచింది పార్ట్ 4 కోసం ఇక్కడ క్లిక్ చేయండి.

పల్లె పిలిచింది పార్ట్ 5 కోసం ఇక్కడ క్లిక్ చేయండి.

25.

అంబురుహము.

భ, భ, భ, భ, ర, స, వ.

యతి -13.

కోవెలయందున నిల్చిన రాముని కొల్చు చుండిరి భక్తులున్ 

'బ్రోవగ రమ్మ!'ని కోపులు పెట్టుచు పొల్పుగా యజియించుచున్ 

జీవనమంతయు నీతిగ మెల్గుచు చింత లన్నియు తీరగన్ 

భావిపథంబున పర్వులు పెట్టిరి పౌరులెల్లరు పొందుగన్.//

తాత్పర్యము.

రాజుపాలెం ప్రజలు దేవాలయములోని దేవుడిని పూజిస్తూ, నీతి మంతులుగా జీవనం చేస్తూ ముందుకు వెళుతున్నారు.//

26.

తేటగీతి.

ఆలయంబున పూజరి యరుణగిరికి 

ప్రీతిగా మెల్గు పత్నియు బిడ్డ యొకతె 

కలిగి యుండగా గేహంబు కళకళలను

సజ్జనాత్ముడై విధులను సల్పుచుండె.//

తాత్పర్యము.

ఆ ఆలయపూజారి పేరు అరుణగిరి. ఆయనకు చక్కని భార్య, ఒక ఆడపిల్ల ఉన్నారు. అతడు చాలా మంచివాడు.//

27.

తేటగీతి.

అరుణ గిరిపత్ని సుమతి తా నాదరముగ

నత్తమామలపై చూపు నమిత ప్రేమ 

భర్తకనుగుణంబుగ నుండి పల్లెయందు 

శాంత గుణముతో మెలగెడి సాధ్వి యామె.//

తాత్పర్యము.

అరుణగిరి భార్య పేరు సుమతి. భర్తకు తగిన ఇల్లాలు. గుణవతి యైన సుమతికి ఆ పల్లెలో మంచిపేరు ఉంది.//

28.

తేటగీతి.

అరుణగిరి సుత నామంబు హైమవతిగ 

పిలుచు కొందురు తలిదండ్రి ప్రేమమీర 

నందమైనట్టి బాలిక హైమవతియె 

చదువుకొనుచుండె చక్కగ శాస్త్రములను.//

తాత్పర్యము.

అరుణగిరి కూతురు పేరు హైమ. ఆ అమ్మాయి చక్కని పిల్ల. ఆ అమ్మాయి ఎప్పుడూ చక్కగా చదువుకొంటూ ఉంటుంది.//

పల్లె పిలిచింది పార్ట్ 7 కోసం ఇక్కడ క్లిక్ చేయండి.

టి. వి. యెల్. గాయత్రి.

పూణే. మహారాష్ట్ర.

Profile Link:

https://www.manatelugukathalu.com/profile/tvlgayathri