పొదుపుమంత్రం
Podupu manthram - Telugu inspirational Story | Karlapalem Hanumantha Rao
పొదుపుమంత్రం - తెలుగు ప్రేరణాత్మక కథ | కర్లపాలెం హనుమంతరావు
Published In manatelugukathalu.com On 19/05/2026
ప్రకృతిలో ప్రతి జీవి మనిషికి ఒక గొప్ప పాఠాన్ని నేర్పుతుంది. చీమల నుంచి తేనెటీగల వరకు… ప్రతి జీవి భవిష్యత్తు కోసం ఎలా పొదుపు చేస్తుందో తెలుసుకుంటే ఆశ్చర్యం కలుగుతుంది. “పొదుపుమంత్రం” గల్పికలో ప్రకృతి మనకు నేర్పిన జీవన సత్యాలను హృదయానికి హత్తుకునేలా వివరించారు రచయిత కర్లపాలెం హనుమంతరావు.
చిన్న జీవులు చెబుతున్న పెద్ద జీవన పాఠం!
ప్రకృతి సర్వజీవరాశికి సుఖంగా జీవించే మార్గాలను ముందే సిద్ధం చేసి ఉంచింది. వాటిని తు. చ తప్పకుండా పాటించే ప్రాణుల జీవనయానం సాఫీగానే సాగుతుంది. కొన్ని జీవులు భవిష్యత్తు అవసరాల కోసం ( ఆహారం దొరకని సమయాలలో) ఆహారాన్ని ముందే దాచుకోవడం, మిగిలిన దాన్ని పొదుపుగా వాడుకోవటం గమనిస్తే ఆశ్చర్యం కలుగుతుంది.
పొదుపుకు చీమలు పెట్టింది పేరు. ఇవి ఎండాకాలం అంతా కష్టపడి గింజలను, ఆహార పదార్థాలను సేకరించి తమ పుట్టల్లో భద్రపరుచుకుంటాయి. వర్షం పడినప్పుడు మొలకెత్తకుండా ఉండటానికి, చీమలు ఆ గింజలను రెండు ముక్కలుగా విరగ్గొట్టి దాచుకుంటాయి. ఇది వాటి ముందుచూపుకు నిదర్శనం.
ఉడుతలు ఆహారాన్ని దాచడంలో చాలా 'తెలివైన' 'మతిమరుపు' కలిగిన జీవులు. ఇవి వేల సంఖ్యలో విత్తనాలను, గింజలను భూమిలో పాతిపెడతాయి. శీతాకాలంలో ఆహారం దొరకనప్పుడు వీటిని తవ్వి తింటాయి. కొన్నిసార్లు ఉడుతలు తాము ఎక్కడ గింజలు దాచామో మర్చిపోతుంటాయి. అలా మర్చిపోయిన గింజలే భూమిలో మొలకెత్తి పెద్ద వృక్షాలుగా మారుతాయి. అంటే వీటి పొదుపు విధానం ప్రకృతికి పచ్చదనాన్ని ఇస్తోంది.
తేనెటీగలు తమ ఆహారాన్ని ద్రవ రూపంలో పొదుపు చేసుకుంటాయి. పూల నుంచి సేకరించిన మకరందాన్ని తేనెగా మార్చి తేనెతుట్టెల్లో నిల్వ చేస్తాయి. పూలు పూయని కాలంలో లేదా వాతావరణం అనుకూలించని సమయంలో ఈ తేనెనే ఆహారంగా తీసుకుని కాలం గడిపేస్తాయి.
వడ్రంగి పిట్టలు ఆహారాన్ని దాచుకోవడానికి 'ధాన్యాగారాన్ని' ఏర్పాటు చేసుకుంటాయి. ఇవి చెట్టు కాండానికి వందలాది చిన్న చిన్న రంధ్రాలు చేస్తాయి. ప్రతి రంధ్రంలో ఒక గింజను గట్టిగా బిగిస్తాయి. ఎండిపోయి చిన్నవిగా అయినప్పుడు, గింజలు రంధ్రం నుండి పడిపోకుండా ఉండటానికి వడ్రంగి పిట్టలు వాటిని నిరంతరం తనిఖీ చేస్తూ, సరిగ్గా సరిపోయే వేరే రంధ్రాల్లోకి మారుస్తూ ఉంటాయి.
ఒంటెలు ఆహారాన్ని బయట కాకుండా తమ శరీరంలోనే 'పొదుపు' చేసుకుంటాయి. ఒంటె తన వీపుపై ఉండే మూపురంలో కొవ్వును నిల్వ చేసుకుంటుంది. ఎడారిలో ఆహారం, నీరు దొరకనప్పుడు ఈ కొవ్వు కరిగి శక్తినిస్తుంది. ఒంటె ఒకేసారి వంద లీటర్ల నీటిని తాగి, తన శరీర కణజాలాల్లో నిల్వ ఉంచుకోగలదు.
ముందస్తు ప్రణాళిక సిద్ధం చేసుకోవడం, కష్టం రాకముందే వనరులను సమకూర్చుకోవడం, వాటిని దుబారా చేయకపోవడం దొరికిన ఆహారాన్ని ఎప్పటికప్పుడు తినేయకుండా రేపటి కోసంపొదుపు చేసుకోవడం ఈ జీవుల నుండి మనం నేర్చుకోవాలి.
రేపటి సుఖం కోసం నేడు శ్రమించాలి. శ్రమించి సాధించిన వనరుల్లో కొంత దాచుకోవాలి. దాచుకోగా మిగిలిన వాటిని పొదుపుగా వాడుకోవాలి. ప్రకృతిమాత అన్ని జీవరాసులకు నేర్పిన ఈ పాఠాన్ని బుద్ధిగా పాటించినప్పుడే కష్టసుఖాలలో కూడా జీవనం సాఫీగా సాగేది!
***
సమాప్తం.
***
కర్లపాలెం హనుమంతరావు గారి కొన్ని ఇతర రచనలు:
కర్లపాలెం హనుమంతరావు గారి ప్రొఫైల్ కొరకు, మనతెలుగుకథలు.కామ్ లో వారి ఇతర రచనల కొరకు
మేము నిర్వహించే వివిధ పోటీలలో రచయితలకు బహుమతులు అందించడంలో భాగస్వాములు కావాలనుకునే వారు వివరాల కోసం story@manatelugukathalu.com కి మెయిల్ చెయ్యండి.
మాకు రచనలు పంపాలనుకుంటే మా వెబ్ సైట్ లో ఉన్న అప్లోడ్ లింక్ ద్వారా మీ రచనలను పంపవచ్చు.
లేదా story@manatelugukathalu.com కు text document/odt/docx/docs రూపంలో మెయిల్ చెయ్యవచ్చు.
మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.
దయ చేసి సబ్స్క్రయిబ్ చెయ్యండి ( పూర్తిగా ఉచితం ).
మనతెలుగుకథలు.కామ్ వారి ఫేస్ బుక్ పేజీ చేరడానికి ఈ క్రింది లింక్ క్లిక్ చేయండి. లైక్ చేసి, సబ్స్క్రయిబ్ చెయ్యండి.
గమనిక : పాఠకులు తమ అభిప్రాయాలను మనతెలుగుకథలు.కామ్ వారి అఫీషియల్ వాట్స్ అప్ నెంబర్ : 63099 58851 కు పంపవచ్చును.
రచయిత పరిచయం:
కర్లపాలెం హనుమంతరావు -పరిచయం
రిటైర్డ్ బ్యాంకు అధికారిని. 20 యేళ్ళ వయస్సు నుంచి రచనా వ్యాసంగంతో సంబంధం ఉంది. ప్రింట్, సోషల్ మీడియాల ద్వారా కవిత్వం నుంచి నవల వరకు తెలుగు సాహిత్యంలోని ప్రక్రియలు అన్నింటిలో ప్రవేశం ఉంది. సినిమా రంగంలో రచయితగా పనిచేశాను. వివిధ పత్రికలకు కాలమిస్ట్ గా కొనసాగుతున్నాను. పోటీ కథల జడ్జి పాత్రా నిర్వహిస్తున్నాను. కథలకు , నాటక రచనలకు వివిధ పత్రికల నుంచి బహుమతులు, పురస్కారాలు సాధించాను. ప్రముఖ దినపత్రిక 'ఈనాడు' తో 25 ఏళ్ళుగా రచనలు చేస్తున్నాను. మూడేళ్ళు ఆదివారం అతిధి సంపాదకుడిగా పనిచేసిన అనుభవం నా ప్రత్యేకత.
Comments