మైండ్ గేమ్
- Harish Babu Pondugula
- 2 hours ago
- 3 min read
Mind Game - Telugu Comedy Story | Harish Babu Pondugula
మైండ్ గేమ్ - తెలుగు హాస్య కథ | హరీష్ బాబు పొందుగుల
Published in manatelugukathalu.com on 08/09/2026
మైండ్ గేమ్ ...కామెడీ కథ ఒక చిన్న ఆఫీస్ టాస్క్ వెనుక దాగి ఉన్న మనుషుల సైకాలజీని సరదాగా చూపించే హాస్యకథ. సాఫ్ట్వేర్ ఇంజనీర్ అనుపమ్ తన సహోద్యోగుల ఈగోను ఎలా తెలివిగా ఉపయోగించుకున్నాడు? హరీష్ బాబు పొందుగుల రాసిన ఈ కథలో ఆఫీస్ లైఫ్, పోటీ మనస్తత్వం, తెలివైన మైండ్ గేమ్, కామెడీ ట్విస్ట్—all in one. చదివి నవ్వుకోండి!
అనుపమ్ ఒక సాఫ్ట్వేర్ ఇంజనీర్. రోజువారీ కోడింగ్, డెడ్లైన్లు, క్లయింట్ కాల్స్తో ఉక్కిరిబిక్కిరైపోతుంటాడు. అలా ఒకరోజు హెక్టిక్ మీటింగ్లో ఉన్నప్పుడు, మేనేజర్ ఆ టీమ్కి ఒక చిన్న బ్రేక్ ఇస్తూ "స్ట్రెస్ రిలీవింగ్ సెషన్" పెడదామన్నాడు.
అందరూ తమకు ఇష్టమైన క్రీడాకారుడి (Sportsman) గురించి రెండు నిమిషాలు మాట్లాడాలని టాస్క్ ఇచ్చాడు. ఎవరికీ పెద్దగా ఆసక్తి లేదు. మొదటి ముగ్గురు సభ్యులు మైక్ తీసుకుని "ఉమ్... ఆ... బ్ల్లా బ్ల్లా..." అంటూ తడబడుతూ ఏదోలా ముగించారు.
తరువాత అనుపమ్ వంతు వచ్చింది. అతను లేచి నిలబడితే సాఫ్ట్వేర్ ఇంజనీర్ కాస్తా ప్రొఫెషనల్ స్పోర్ట్స్ కామెంట్రేటర్లా మారిపోయాడు! ఫుట్బాల్ లెజెండ్ జినేదిన్ జీదాన్ గురించిన పూర్తి సమాచారం, అద్భుతమైన స్టాటిస్టిక్స్, కెరీర్ హైప్స్ మరియు ఆ కాలం నాటి కాంట్రవర్సీల గురించి అనర్గళంగా, ఎలాంటి తడబాటు లేకుండా రెండు నిమిషాలు అదరగొట్టేశాడు. అతని ప్రసంగం చూసి మేనేజర్తో సహా టీమ్ అంతా షాక్ అయిపోయారు.
అందరూ అనుపమ్ని ఆకాశానికి ఎత్తుతూ విపరీతంగా అప్రిషియేట్ చేశారు. ఆ సక్సెస్ ఇచ్చిన జోష్తో నెక్స్ట్ వీక్ మేనేజర్ మరో టాస్క్ ఇచ్చాడు.
"మీకు ఇష్టమైన పండగ గురించి మాట్లాడండి" అన్నాడు.
ఈసారి టీమ్లోని అందరూ ఫుల్ ప్రిపరేషన్తో వచ్చారు. తమ గన్స్ అన్నీ లోడ్ చేసుకుని, ముఖంలో ఎంతో ఆత్మవిశ్వాసంతో రెడీగా కూర్చున్నారు. గత వారం అనుపమ్ లాగే తాము కూడా అదరగొట్టి, మేనేజర్ చేత శభాష్ అనిపించుకోవాలి అని ఉత్సాహంగా ఎదురుచూస్తున్నారు. కానీ, ఈసారే అసలైన ట్విస్ట్ ఎదురైంది! మీటింగ్ మధ్యలోనే మేనేజర్కి అర్జెంట్ కాల్ రావడంతో, అనౌన్స్మెంట్ చేయకుండానే సడన్గా మీటింగ్ నుంచి ఎగ్జిట్ అయిపోయాడు.
టీమ్ అందరూ తీవ్ర నిరాశలో మునిగిపోయారు. "ఇంత బాగా ప్రిపేర్ అయితే మేనేజరే లేడు!" అని అందరూ ముఖాలు మాడ్చుకున్నారు.
ఆఫీస్ కింద ఉన్న కేఫ్లో అనుపమ్ తన కొలీగ్ ప్రేమ్తో కలిసి కాఫీ తాగుతున్నాడు. ప్రేమ్ ఆశ్చర్యంగా అనుపమ్ని అడిగాడు, "అనుపమ్! ఆ రోజు నువ్వు జీదాన్ గురించి అంత అనర్గళంగా, ప్రొఫెషనల్లా ఎలా మాట్లాడగలిగావు?"
అనుపమ్ చిరునవ్వు నవ్వి, ఇలా అన్నాడు: "ప్రేమ్... నేను జనాల సైకాలజీతో ఆడుకుంటాను! కాలేజీ రోజుల్లో మాకో సింగింగ్ కాంపిటీషన్ జరిగింది. కానీ ఎంత సేపు చూసినా ఎవరూ పేరు ఇవ్వట్లేదు కాంపిటీషన్కి. ఇంకా చూసి చూసి నాకు పాటలు సరిగ్గా రావు, గొంతు చెత్తగా ఉంటుంది. అయినా సరే, నేనే ధైర్యంగా స్టేజ్ ఎక్కి ఒక చెత్త పాట పాడి కిందకు దిగిపోయాను.
వెంటనే స్టూడెంట్స్ అందరూ నన్ను చూసి నవ్వుతూ, కేకలు వేస్తూ, పిల్లి కూతలు కూస్తూ ఎక్కిరిస్తున్నారు... వెనకాల నుంచి ఎవరో అన్నారు...
'అరేయ్! అసలు నీకు పాడడం రాదు, మళ్ళీ ఎందుకు స్టేజ్ ఎక్కావు?' అని అడిగారు."
ప్రేమ్ ఆసక్తిగా వింటుండగా అనుపమ్ కంటిన్యూ చేశాడు: "అప్పుడు నేను వాళ్లతో అన్నాను... 'నా గొంతు బాగోలేదని అరవడం కాదు... ఇక్కడ కూర్చొని ఎవరైనా అరవగలరు.. కానీ స్టేజ్ ఎక్కిన వాడే హీరో, వాడికే ప్రైజ్ ఇస్తారు.
నాకన్నా బెస్ట్గా పాడగలను అనుకుంటే... మీలో దమ్ముంటే స్టేజ్ ఎక్కి పాడి చూపించండి! లేదంటే నేనే బెస్ట్ అని ఒప్పుకోండి...' అని సవాల్ విసిరాను."
ప్రేమ్ నవ్వుకుంటూ, "మరి తర్వాత ఏమైంది?" అని అడిగాడు.
"అంతే! వాళ్ల ఈగో హర్ట్ అయింది.
నా మీద పడిన ఆ ఛాలెంజ్తో అందరూ ఒకరి తర్వాత ఒకరు స్టేజ్ ఎక్కి ఏకంగా ఒక గంట పాటు ఫుల్ ఎంటర్టెయిన్మెంట్ ఇచ్చారు. నేను కనుక ఆ రోజు ముందుగా అడుగు ముందుకు వేయకపోతే, ఆ ఈవెంట్ అలా సక్సెస్ అయ్యేదే కాదు!"
అనుపమ్ కాఫీ సిప్ చేస్తూ ముగించాడు:
"సో అలాగా... పోటీ లేకపోతే ఎవరూ పెర్ఫార్మ్ చేయరు ప్రేమ్... సరిగ్గా అదే గేమ్ని నేను ఇప్పుడు మన ఆఫీస్లో ఆడాను. నేను జస్ట్ ఒక బొమ్మకు కీ ఇచ్చినట్టు చేసి వదిలాను, అంటే నేను ముందు ఒక పెర్ఫార్మన్స్ ఇచ్చాను... మిగతాదంతా వాళ్లే చేశారు!
నా పెర్ఫార్మన్స్ ఇచ్చాక నాలో నేను లోపల నవ్వుకున్నాను... నాకు తెలుసు నేను డిఫరెంట్ డిఫరెంట్గా ఉంటే... వాళ్లకి మండుతుందని...
అనుకున్నట్టే అందరూ ప్రిపేర్ అయ్యి వచ్చారు. అయితే హైలైట్ ఏంటంటే... ఆ రోజు మేనేజర్ సడన్గా మీటింగ్ నుంచి వెళ్లిపోవడం చూసి నాకైతే లోపల నవ్వు ఆగలేదు... హా హా హా!"
అది విన్న ప్రేమ్ కూడా గొల్లున నవ్వేశాడు. "మనుషుల సైకాలజీ తెలిస్తే ఎలా ఆడుకోవాలో, వాడుకోవాలో నీకు బాగా తెలుసు రా బాబు" అని ప్రేమ్ అంటూ... ఇద్దరూ కాఫీ తాగేసి మళ్ళీ ఆఫీసులోకి వెళ్ళిపోయారు.
----- సమాప్తం ---
***
పాఠకులు ఇప్పుడు మా వాట్సాప్ ఛానల్ ఉచితంగా ఫాలో చెయ్యడం ద్వారా మనతెలుగుకథలు.కామ్ లో ప్రచురింపబడే అన్ని కథలు, కవితలు, ప్రత్యేక వ్యాసాలు, సీరియల్ ఎపిసోడ్స్ వీటన్నిటికి సంబంధించిన లింక్స్ చూసి, కావలసిన వాటిని క్లిక్ చేసి చదువుకోవచ్చును.
మా whaatsApp ఛానల్ ను ఫాలో చెయ్యండి. మీ సన్నిహితులకు షేర్ చెయ్యండి.
హరీష్ బాబు పొందుగుల గారి కొన్ని ఇతర రచనలు:
హరీష్ బాబు పొందుగుల గారి ప్రొఫైల్ కొరకు, మనతెలుగుకథలు.కామ్ లో వారి ఇతర రచనల కొరకు
మేము నిర్వహించే వివిధ పోటీలలో రచయితలకు బహుమతులు అందించడంలో భాగస్వాములు కావాలనుకునే వారు వివరాల కోసం story@manatelugukathalu.com కి మెయిల్ చెయ్యండి.
మాకు రచనలు పంపాలనుకుంటే మా వెబ్ సైట్ లో ఉన్న అప్లోడ్ లింక్ ద్వారా మీ రచనలను పంపవచ్చు.
లేదా story@manatelugukathalu.com కు text document/odt/docx రూపంలో మెయిల్ చెయ్యవచ్చు.
మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.
దయ చేసి సబ్స్క్రయిబ్ చెయ్యండి ( పూర్తిగా ఉచితం ).
మనతెలుగుకథలు.కామ్ వారి ఫేస్ బుక్ పేజీ చేరడానికి ఈ క్రింది లింక్ క్లిక్ చేయండి. లైక్ చేసి, సబ్స్క్రయిబ్ చెయ్యండి.
గమనిక : పాఠకులు తమ అభిప్రాయాలను మనతెలుగుకథలు.కామ్ వారి అఫీషియల్ వాట్స్ అప్ నెంబర్ : 63099 58851 కు పంపవచ్చును.
పరిచయం: హరీష్ బాబు పొందుగుల
ఆయన పుట్టింది పెరిగింది హైదరాబాదు. కంప్యూటర్స్ లో పోస్ట్ గ్రాడ్యుయేషన్ చేసిన హరీష్ గారు వృత్తిరీత్యా సాఫ్ట్వేర్ ఇంజనీర్. అయితే ఆయన తన వృత్తే కాకుండా చిత్రలేఖనంలోనూ మరియు కథలు, నవలా సాహిత్యం మీద ఎంతో ఆసక్తి కనబరుస్తూ వచ్చారు. యండమూరి గారు, మరియు మాలతీ చందూర్ గారి రచనలని ఇష్టపడతారు. ఆ ఆసక్తితోనే రెండు కథల సంపుటాల్ని అమెజాన్లో "షార్ట్ స్టోరీస్ ఆన్ పాజిటివ్ థింకింగ్" మరియు "నువ్వు అనుకుంటే ఏదయినా సాధ్యమే" పేరిట పబ్లిష్ చేసి ఉన్నారు. కథారచనే కాకుండా మోటివేషనల్ స్పీకర్ గా కూడా ఈయన నెటిజన్లకి సుపరిచితులు. వ్రాసినవి కొన్ని కథలే అయినప్పటికీ కథా రచన మీద ఆసక్తితో ఇంకా మరెన్నో కథలు వ్రాసి మెప్పించాలని అభిలాష .
Comments