పల్లె పిలిచింది - 9

#TVLGayathri, #TVLగాయత్రి, #TeluguKavithalu, #Kavitha, #Kavithalu, #TeluguPoems, #పల్లెపిలిచింది, #PallePilichindi, #తేటగీతి, #మత్తకోకిల, #ధ్రువకోకిల, #కావ్యము

Palle Pilichindi - 9 - New Telugu Poetry Written By T. V. L. Gayathri

Published In manatelugukathalu.com On 19/05/2025

పల్లె పిలిచింది - 9 - తెలుగు కావ్యము ప్రథమాశ్వాసము

రచన: T. V. L. గాయత్రి

పల్లె పిలిచింది పార్ట్ 1 కోసం ఇక్కడ క్లిక్ చేయండి.

పల్లె పిలిచింది పార్ట్ 2 కోసం ఇక్కడ క్లిక్ చేయండి.

పల్లె పిలిచింది పార్ట్ 3 కోసం ఇక్కడ క్లిక్ చేయండి.

పల్లె పిలిచింది పార్ట్ 4 కోసం ఇక్కడ క్లిక్ చేయండి.

పల్లె పిలిచింది పార్ట్ 5 కోసం ఇక్కడ క్లిక్ చేయండి.

పల్లె పిలిచింది పార్ట్ 6 కోసం ఇక్కడ క్లిక్ చేయండి.

పల్లె పిలిచింది పార్ట్ 7 కోసం ఇక్కడ క్లిక్ చేయండి.

పల్లె పిలిచింది పార్ట్ 8 కోసం ఇక్కడ క్లిక్ చేయండి.

38.

తేటగీతి.

పాఠశాలలో గురువుగ పాఠములను 

నేర్పు చుండుశ్రీ కరుడను నీతిపరుడు 

పల్లెలోనివారి నెపుడు పలుకరించి 

మంచి చేయుచు నుండెడి మాన్యుడతడు. //

తాత్పర్యము.

ఆ గ్రామమున ఉన్న పాఠశాలలో శ్రీకారుడు అనే ఉపాధ్యాయుడు ఉన్నాడు.పల్లె వారి మంచిచెడ్డలను చూస్తూ ఉండే మంచివాడతడు.//

39.

తేటగీతి.

శ్రీకరునిసుతుడైనట్టి శ్రీనివాసు 

సద్గుణంబులు గల్గిన ఛాత్రుడతడు 

పెద్దవారిని సేవించి పెరుగుచుండి 

వినయమున్ జూపి వరలెడి విబుధవరుడు.//

తాత్పర్యము.

శ్రీకరునికి శ్రీనివాసుడు అనే కుమారుడు ఉన్నాడు. అతడు పెద్దల మాట వింటూ, చక్కగా చదువుకొంటూ ఉంటాడు.//

40

తేటగీతి.

మల్లనార్యుని పుత్రునిన్ మందలించి 

శ్రీకరుండు తాన్ మంచిని చెప్పబోవ

కసరు కొనుచుండి వీరేశు విసవిసనుచు 

నడిచి పోవగా జనులట నవ్వుచుంద్రు.//

తాత్పర్యము.

శ్రీకరుడు  ఉపాధ్యాయుడు కాబట్టి మల్లనార్యుని కుమారుడికి మంచి మాటలు చెప్తుంటే ఆ కుర్రవాడు  వినకుండా విసవిసా నడుచుకుంటూ వెళ్లిపోతాడు. ఆ పిల్లవాడిని చూచి ఊరులోని జనాలు హేళనగా నవ్వుతూ ఉంటారు.//

41.

తేటగీతి.

శ్రీనివాసుజననిపేరు శ్రీలతమ్మ 

ధనముపై నాశ చెందెడి తరుణి యామె 

భర్తగారిని నిత్యము పరుషగతిని 

దెప్పిపొడుచును విసువుతో ధిషణ తరిగి.//

తాత్పర్యము.

శ్రీనివాసుని తల్లి పేరు శ్రీలతమ్మ. ఆమెకు ధనము మీద కొంచెము ఆశ ఎక్కువ. ఉపాధ్యాయుడైన శ్రీకరుడిని ఆమె తెలివి తక్కువగా దెప్పి పొడుస్తూ ఉంటుంది.//

42.

మత్తకోకిల.

జీతభత్యము తక్కువంచును శ్రీకరున్ విదిలించుచున్ 

నీతిమంతుల కాలమంతయు నేడు లేదను పత్నితాన్ 

జాతకంబున సంపదల్ కను జాడ యేదని తూలుచున్ 

మూతిత్రిప్పుచుమూలనుండును ముద్దు ముచ్చట తీర్చకే//

తాత్పర్యము.

'నీతిమంతుడిగా బ్రతుకుట శుద్ధ దండుగ 'అంటూ శ్రీలతమ్మ తన భర్తకు జీతము తక్కువగా ఉందని, తన జాతకంలో మంచిగా సంపదలు అనుభ వించటమనే యోగము లేదని  వాపోతూ ఉండి, ఏ ముద్దూ ముచ్చట తీర్చక విసుగ్గా ఉంటుందెప్పుడు.//

43.

ధ్రువకోకిల.

కనలు చుండెడి పత్ని శ్రీలత కంటనీరిడి తిట్టినన్ 

మనము నందున బాధ నొందని మంచి భర్తగ మెల్గుచున్ 

ధనము సౌఖ్యము నీయదంచును తల్చుచుండెడి యొజ్జయై 

వినయవంతుడు శ్రీకరుండట విద్యనేర్పును పల్లెలో.//

తాత్పర్యము.

కోపంగా, ఏడుస్తూ, తిడుతూ ఉండే భార్యను చూచి శ్రీకరుడు మనసులో ఏమీ బాధ పడకుండా, ఆమెతో నెమ్మదిగా ప్రవర్తిస్తూ,ధనము సుఖము నివ్వదని తల్చుచూ, ఊరిలోని పిల్లలకు పాఠాలు చెప్తూ ఉంటాడు.//

పల్లె పిలిచింది పార్ట్ 10 కోసం ఇక్కడ క్లిక్ చేయండి.

టి. వి. యెల్. గాయత్రి.

పూణే. మహారాష్ట్ర.

Profile Link:

https://www.manatelugukathalu.com/profile/tvlgayathri