పరుగుల జీవితం - పార్ట్ 1
- Munipalle Vasundhara Rani
- Jun 11
- 3 min read
తెలుగు కుటుంబ కథ, మధ్యతరగతి కుటుంబం, ఉద్యోగ ఒత్తిడి, కుటుంబ బాధ్యతలు, ఆధునిక జీవితం, మానసిక ఒత్తిడి, దాంపత్య జీవితం, కుటుంబ బంధాలు, జీవన పోరాటం, ఆర్థిక సమస్యలు, Telugu Family Story, Modern Family Drama, Middle Class Life, Family Relationships, Life Struggles, Inspirational Telugu Story, Serial Story, Telugu Literature, Telugu Web Magazine
Parugula Jeevitham - Part 1 - Telugu Emotional Story | Vasundhara Rani Munipalle
పరుగుల జీవితం - పార్ట్ 1- తెలుగు భావోద్వేగ కథ | వసుంధర రాణి మునిపల్లె
Published in manatelugukathalu.com on 11/06/2026
ఆ ఇల్లు ఎప్పుడూ ఒక పరుగుల మైదానంలా ఉంటుంది. ఉదయం ఆరు గంటల అలారం మోగడమే ఆలస్యం... ఆ ఇంట్లో ప్రశాంతత మాయమవుతుంది.
మాధవ్ ఒక ప్రైవేట్ కంపెనీలో ప్రాజెక్ట్ మేనేజర్. పెరిగిన ఇంటి అద్దెలు, పిల్లల స్కూల్ ఫీజులు, వృద్ధులైన తల్లిదండ్రుల మందుల ఖర్చులు... వీటన్నింటికీ సరిపడా సంపాదన కోసం రోజుకు పన్నెండు గంటలు ఆఫీస్ ఒత్తిడిలో నలిగిపోతుంటాడు. అతని భార్య సుజాత కూడా ఒక ప్రైవేట్ స్కూల్లో టీచర్గా పని చేస్తుంది. ఇటు ఇల్లు, వంట, పిల్లల బాధ్యతలు చూసుకుంటూ, అటు ఉద్యోగం చేయడం ఆమెకు ఒక నిరంతర యుద్ధంలా మారింది. ఈ పరుగుల జీవితంలో ఒకరినొకరు అర్థం చేసుకోలేక, విసుగులు, కోపాలతో కుటుంబంలో ప్రశాంతత కరువైంది.
ఆ రోజు ఉదయం కూడా ఇంట్లో పరిస్థితి అలాగే ఉంది. "సుజాతా! నా బ్లూ కలర్ షర్ట్ ఎక్కడుంది? ఇంకా ఐరన్ చేయలేదా? తొమ్మిది గంటలకల్లా క్లయింట్ మీటింగ్ ఉంది, లేట్ అయితే మేనేజర్ నన్ను ప్రాణాలతో ఉంచడు" అంటూ మాధవ్ హాల్లో నుండి గట్టిగా అరిచాడు. అటు వంటింట్లో కాఫీ గిన్నె కడుగుతూ, ఇటు కూర తిప్పుతున్న సుజాత విసుగ్గా, "నాకూ చేతులు నాలుగు లేవండీ! పొద్దున్నుంచి పిల్లల్ని లేపి, వాళ్ల బాక్సులు సర్ది, టిఫిన్ చేసి... నేనూ ఆఫీస్కి తయారవ్వాలి. మీ షర్ట్ అల్మారాలోనే ఉంది చూసుకోండి" అని కాస్త గట్టిగానే సమాధానం ఇచ్చింది.
మాధవ్ ముఖం ముడుచుకుని షర్ట్ వేసుకున్నాడు. డైనింగ్ టేబుల్ దగ్గరకు వచ్చేసరికి అతని ఎనిమిదేళ్ల కొడుకు చింటూ పాలు తాగనని మారాం చేస్తున్నాడు. "చింటూ! పాలు తాగుతావా లేదా? పొద్దున్నే నీ గోల ఏంటి?" అంటూ మాధవ్ అతనిపై చెయ్యి చేసుకోబోయాడు. అది చూసి హాల్లో పేపర్ చదువుతున్న మాధవ్ తండ్రి రాఘవరావు గారు, "ఎందుకురా పొద్దున్నే అంత కోపం? చిన్న పిల్లోడు కాస్త మారాం చేస్తాడు, దానికి కొట్టాలా?" అన్నారు సాంతనంగా.
"నాకు ఆఫీస్ టెన్షన్లు చాలవన్నట్టు మీరొకరు మొదలుపెట్టకండి నాన్న. అసలే వచ్చే నెల నుండి ఇంటి అద్దె పెంచుతామన్నారు. చేతిలో చూస్తే రూపాయి మిగలడం లేదు. ఎవరికీ బాధ్యత లేదు, అన్ని నేనే చూసుకోవాలి" అంటూ మాధవ్ చిరాగ్గా చెప్పులు వేసుకుని బైక్ స్టార్ట్ చేసి వెళ్ళిపోయాడు.
సుజాత కూడా కళ్లల్లో నీళ్లను నొక్కుకుంటూ, పిల్లలను తీసుకుని ఆటో ఎక్కి వెళ్ళిపోయింది.
రాఘవరావు గారు, ఆయన భార్య జానకమ్మ ఇద్దరే ఆ ఇంట్లో మిగిలారు. జానకమ్మ గారు భర్త వైపు చూసి, "ఏంటోనండీ... ఒకప్పుడు మనకూ సంసారం ఉండేది, ఇబ్బందులు ఉండేవి. కానీ ఇంత కోపాలు, విసుగులు ఉండేవి కావు కదా. వీళ్లని చూస్తుంటే భయమేస్తోంది" అంది నిట్టూరుస్తూ.
మాధవ్ బైక్ నడుపుతున్నాడు కానీ అతని మనసంతా ఆఫీస్ టార్గెట్ల మీద, పెరిగే ఖర్చుల మీదే ఉంది. సరిగ్గా అదే సమయంలో ఆఫీస్ టెన్షన్ల ధ్యాసలో ఉండి సిగ్నల్ గమనించకపోవడంతో... మాధవ్ బైక్ మరో వాహనాన్ని పెద్ద శబ్దంతో బలంగా ఢీకొట్టింది. మాధవ్ రోడ్డుపై పడిపోయాడు. బలమైన దెబ్బలు తగలడంతో స్పృహ కోల్పోయాడు......
================================
================================
వసుంధర రాణి మునిపల్లె గారి కొన్ని ఇతర రచనలు( కథ పేరు పైన క్లిక్ చేయండి.):
వసుంధర రాణి మునిపల్లె గారి ప్రొఫైల్ కొరకు, మనతెలుగుకథలు.కామ్ లో వారి ఇతర రచనల కొరకు
ఉగాది 2026 కథల పోటీల వివరాల కోసం
కొసమెరుపు కథల పోటీల వివరాల కోసం
మేము నిర్వహించే వివిధ పోటీలలో రచయితలకు బహుమతులు అందించడంలో భాగస్వాములు కావాలనుకునే వారు వివరాల కోసం story@manatelugukathalu.com కి మెయిల్ చెయ్యండి.
మాకు రచనలు పంపాలనుకుంటే మా వెబ్ సైట్ లో ఉన్న అప్లోడ్ లింక్ ద్వారా మీ రచనలను పంపవచ్చు.
లేదా story@manatelugukathalu.com కు text document/odt/docx రూపంలో మెయిల్ చెయ్యవచ్చు.
మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.
దయ చేసి సబ్స్క్రయిబ్ చెయ్యండి ( పూర్తిగా ఉచితం ).
మనతెలుగుకథలు.కామ్ వారి ఫేస్ బుక్ పేజీ చేరడానికి ఈ క్రింది లింక్ క్లిక్ చేయండి. లైక్ చేసి, సబ్స్క్రయిబ్ చెయ్యండి.
గమనిక : పాఠకులు తమ అభిప్రాయాలను మనతెలుగుకథలు.కామ్ వారి అఫీషియల్ వాట్స్ అప్ నెంబర్ : 63099 58851 కు పంపవచ్చును.
రచయిత్రి పరిచయం: వసుంధర రాణి మునిపల్లె
నాకు ఈ సదవకాశం ఇచ్చినందుకు ధన్యవాదములు.
నేనొక హౌస్ వైఫ్ ని నాకు కథలు రాయడం ఒక హాబీ.
ఇంతకుముందు జాగృతి లాంటి పత్రికలలో కథలు ప్రచురితమయ్యాయి. ఇంకా కొన్ని కథలు పరిశీలనలో ఉన్నాయి.
Comments