పల్లె పిలిచింది - 15

#TVLGayathri, #TVLగాయత్రి, #TeluguKavithalu, #Kavitha, #Kavithalu, #TeluguPoems, #పల్లెపిలిచింది, #PallePilichindi, #తేటగీతి, #ధ్రువకోకిల, #మత్తకోకిల, #కావ్యము

Palle Pilichindi - 15 - New Telugu Poetry Written By T. V. L. Gayathri

Published In manatelugukathalu.com On 05/06/2025

పల్లె పిలిచింది - 15 - తెలుగు కావ్యము ప్రథమాశ్వాసము

రచన: T. V. L. గాయత్రి

పల్లె పిలిచింది పార్ట్ 1 కోసం ఇక్కడ క్లిక్ చేయండి.

పల్లె పిలిచింది పార్ట్ 2 కోసం ఇక్కడ క్లిక్ చేయండి.

పల్లె పిలిచింది పార్ట్ 3 కోసం ఇక్కడ క్లిక్ చేయండి.

పల్లె పిలిచింది పార్ట్ 4 కోసం ఇక్కడ క్లిక్ చేయండి.

పల్లె పిలిచింది పార్ట్ 5 కోసం ఇక్కడ క్లిక్ చేయండి.

పల్లె పిలిచింది పార్ట్ 6 కోసం ఇక్కడ క్లిక్ చేయండి.

పల్లె పిలిచింది పార్ట్ 7 కోసం ఇక్కడ క్లిక్ చేయండి.

పల్లె పిలిచింది పార్ట్ 8 కోసం ఇక్కడ క్లిక్ చేయండి.

పల్లె పిలిచింది పార్ట్ 9 కోసం ఇక్కడ క్లిక్ చేయండి.

పల్లె పిలిచింది పార్ట్ 10 కోసం ఇక్కడ క్లిక్ చేయండి.

పల్లె పిలిచింది పార్ట్ 11 కోసం ఇక్కడ క్లిక్ చేయండి.

పల్లె పిలిచింది పార్ట్ 12 కోసం ఇక్కడ క్లిక్ చేయండి.

పల్లె పిలిచింది పార్ట్ 13 కోసం ఇక్కడ క్లిక్ చేయండి.

పల్లె పిలిచింది పార్ట్ 14 కోసం ఇక్కడ క్లిక్ చేయండి.

67.

మత్తకోకిల.

మంచిచెడ్డల  మేళవింపుగ మానవుల్ కల పృథ్విలో 

పొంచియుండగ భీతిగొల్పెడి మోసపూరిత రక్కసుల్ 

కంచెలెక్కడ? చేరి దౌష్ట్యము కట్టివేయుచు పూనికన్

వంచనాత్ముల దొల్గ చేసిన భావి వెల్గును శోభగన్.//

తాత్పర్యము.

ఈ ప్రపంచంలో మంచివాళ్ళు ఉంటారు.అలాగే చెడ్డవాళ్ళు కూడా ఉంటారు. అందరూ కలిసే ఉండటంతో ఎవరు చెడ్డవాళ్ళో, ఎవరు మంచివాళ్ళోతెలిసికోవటం ఎలాగా? పైగా వంచకులను వారించటానికి కంచెలు లేవు. అందరూ కలిసి చెడ్డవాళ్ళను ఏరి పారేయాలి. అప్పుడే భావి జీవితం వర్థిల్లుతుంది.//

68.

మత్తకోకిల.

ద్రవ్యరాశిని కూడ బెట్టుచు దైన్యమున్ విడనాడుచున్ 

సవ్యమైన పురోగతిన్ గను సానుకూలతనొప్పగన్ 

దివ్యమౌ మన దేశమున్ సరి దిద్దుచున్ దమ మేధతో 

నవ్యమౌ పథగామినుల్ గద నైతికవర్తనులీ ధరన్.//

తాత్పర్యము.

దీనత్వము లేకుండా డబ్బు సంపాదిస్తూ, సవ్యమైన రీతిలో కష్టపడుచు, నీతితో మేలుగుచూ,తమ మేధస్సుతో నగరవాసులు దేశ ప్రగతికి పాటుపడుతూ ఉంటారు.//

69.

ధ్రువకోకిల.

ప్రగతి బాటను జూపుచుండును పట్టణంబులు పృథ్విలో 

పగలు రేయను భేదమెచ్చట? వాహనంబులు ద్రిమ్మరున్ 

దిగులు చెందరు లోకులిచ్చట ధీరతన్ జరియింతురా 

నగరవాసులు చేరు కుందురు నవ్య మౌపథి మేలుగన్//

తాత్పర్యము.

పట్టణాభివృద్ధి వలన దేశమునకు మేలు కలుగుతుంది. ఇక్కడ పగలు రేయి అని లేకుండా వాహనాలు తిరుగుతూనే ఉంటాయి. లోకులు దిగులు చెందరు. ధైర్యంతో పని చేసుకుంటూ నగరవాసులు ప్రగతి బాటలో పయనిస్తూ ఉంటారు.//

70

తేటగీతి.

శ్రేష్ఠమౌ వైద్యశాలల సేవలిపుడు 

పట్టణంబుల లభియించ భయమువీడి 

యాయురారోగ్యములతోడ హాయినొంది 

ప్రజలు నిత్యము సుఖముగా వరలుచుండ్రి//

తాత్పర్యము.

గొప్పవైన వైద్యసేవలు పట్టణాల్లో లభిస్తూ ఉండటం వలన ఇక్కడి ప్రజలు ఆయురారోగ్యముల తోడ హాయిగా జీవనం సాగిస్తున్నారు.//

(సశేషం)

టి. వి. యెల్. గాయత్రి.

పూణే. మహారాష్ట్ర.

Profile Link:

https://www.manatelugukathalu.com/profile/tvlgayathri