దయ్యం@తొమ్మిదోమైలు - పార్ట్ 15
- seetharamkumar mallavarapu
- 8 hours ago
- 5 min read
#MallavarapuSeetharamKumar, #మల్లవరపుసీతారాంకుమార్, #దయ్యం@తొమ్మిదోమైలు, #Dayyam@thommidoMailu, #TeluguSuspenseStories, #TeluguCrimeStory, #TeluguDetectiveStory, #TeluguGhostStory
Dayyam@thommido Mailu - Part 15 - New Telugu Web Series Written By Mallavarapu Seetharam Kumar Published In manatelugukathalu.com On 11/12/2025
దయ్యం@తొమ్మిదోమైలు - పార్ట్ 15 - తెలుగు ధారావాహిక
రచన: మల్లవరపు సీతారాం కుమార్
జరిగిన కథ కోసం ఇక్కడ క్లిక్ చేయండి
టాక్సీ డ్రైవర్ రాజు చెప్పిన “దయ్యం@తొమ్మిదోమైలు” కథతో, ఎస్సై మోహన్, రిటైర్డ్ కానిస్టేబుల్ స్వామినాథంతో కలిసి రాత్రివేళ తొమ్మిదో మైలు వెళ్లాడు. తిరుగు ప్రయాణంలో తెల్లటి ఆకారం అతన్ని గాయపరిచింది. హేతువాదులమని చెప్పుకున్న ఇద్దరు వ్యక్తులు అక్కడే నైట్ స్టే చేస్తే.. దయ్యం వారిలో చిట్టిబాబును భయంకరంగా గాయపరిచింది.
తన ప్రేమ రితికకు నిరూపించడానికి వచ్చిన గౌతమ్, మురళిని కలుసుకుని పది సంవత్సరాల క్రితం జరిగిన కుట్రను తెలుసుకుంటాడు. ఊర్లో దీనదయాళు ధైర్యం చెప్పడంతో భూములు అమ్మడం మానుకుంటారు.. అయితే కాలభైరవ విగ్రహం మాయం కావడంతో వేటపాలెంలో భయం పెరిగింది. ఆ భయాన్నే ఆయుధంగా చేసుకున్నవారు దీనదయాళును హత్య చేయించారు. అది దయ్యం పనేనని భయపడ్డ ప్రజలు చాలామంది భూములు అమ్ముకుని ఎటో వెళ్లిపోయారు. దీనదయాళు హత్యను విచారించాలనుకున్న సబ్ కలెక్టర్ శ్రీనివాసరావు యాక్సిడెంట్ లో రెండు కాళ్ళు కోల్పోతాడు.
గత ఎపిసోడ్స్ కోసం ఇక్కడ క్లిక్ చేయండి
దయ్యం@తొమ్మిదోమైలు - పార్ట్ 1 కోసం ఇక్కడ క్లిక్ చేయండి.
దయ్యం@తొమ్మిదోమైలు - పార్ట్ 2 కోసం ఇక్కడ క్లిక్ చేయండి.
దయ్యం@తొమ్మిదోమైలు - పార్ట్ 3 కోసం ఇక్కడ క్లిక్ చేయండి.
దయ్యం@తొమ్మిదోమైలు - పార్ట్ 4 కోసం ఇక్కడ క్లిక్ చేయండి.
దయ్యం@తొమ్మిదోమైలు - పార్ట్ 5 కోసం ఇక్కడ క్లిక్ చేయండి.
దయ్యం@తొమ్మిదోమైలు - పార్ట్ 6 కోసం ఇక్కడ క్లిక్ చేయండి.
దయ్యం@తొమ్మిదోమైలు - పార్ట్ 7 కోసం ఇక్కడ క్లిక్ చేయండి.
దయ్యం@తొమ్మిదోమైలు - పార్ట్ 8 కోసం ఇక్కడ క్లిక్ చేయండి.
దయ్యం@తొమ్మిదోమైలు - పార్ట్ 9 కోసం ఇక్కడ క్లిక్ చేయండి.
దయ్యం@తొమ్మిదోమైలు - పార్ట్ 10 కోసం ఇక్కడ క్లిక్ చేయండి.
దయ్యం@తొమ్మిదోమైలు - పార్ట్ 11 కోసం ఇక్కడ క్లిక్ చేయండి.
దయ్యం@తొమ్మిదోమైలు - పార్ట్ 12 కోసం ఇక్కడ క్లిక్ చేయండి.
ఇక దయ్యం@తొమ్మిదోమైలు - పార్ట్ 15 చదవండి.
జరిగిన విషయాలన్నీ విన్న గౌతమ్, మురళి, రితికలను తన అన్నయ్య దీపక్ దగ్గరకు తీసుకుని వెళ్తాడు. అక్కడ గౌతమ్ అక్కయ్య నవ్య కూడా ఉంటుంది.
దీపక్ తన పక్కనే ఉన్న యువతి విభా ను వారికి పరిచయం చేస్తాడు. విభా ఒక యువ రచయిత్రి. స్క్రిప్ట్ రైటర్ కూడా.
"మనం ఎదుర్కోబోయేది పెద్ద తిమింగలాలు అన్నది మరువకూడదు. ప్రాణాలు తీయడం వారికి మంచి నీళ్లు తగినంత సులభం. మనమందరం ప్రాణాలకు తెగించి పోరాడుదాం. కానీ ఒక్క ప్రాణం కూడా పోకుండా కాపాడుకుందాం. అందుకు పక్కా పథక రచన కావాలి. విభా సహకారంతో నేను ఆ పని తొందరలోనే పూర్తి చేస్తాను. తరువాత మనం రంగంలోకి దూకుదాం" అని చెప్పాడు దీపక్.
చెప్పినట్లే మరో నెల తరువాత మళ్ళీ అందరూ సమావేశమయ్యారు.
"దయ్యం@తొమ్మిదో మైలు స్క్రిప్ట్ రెడీ అయింది. మన టీం లో అందరం ముఖ్య పాత్ర దారులమే. మొదట పదేళ్ల క్రిందటి దయ్యాల డ్రామా మళ్ళీ మొదలు పెట్టాలి. మరో వైపు టౌన్ లో ఉన్న నేరస్థుడు రమణయ్యను భయపెట్టాలి. చెన్నైలో ఉన్న అతని బంధువులకు కూడా దయ్యం చుక్కలు చూపించాలి. కాల భైరవ స్వామి, ఫోటో రూపంలో మళ్ళీ ఆలయంలోకి ప్రవేశించాడని గ్రామస్థులను నమ్మించాలి. ఊరు వదిలి వెళ్లిన రైతులు తిరిగి ఊర్లో భూములు కొనేలా చెయ్యాలి. పేపర్ రచన నేను, విభా కలిసి చేసాము. కానీ గ్రౌండ్ లెవల్లో ఎలా చెయ్యాలనే విషయానికి మురళి సారథ్యం వహిస్తాడు. అందరూ అతని ఆదేశాలు పాటించండి. మరొక ముఖ్యమైన విషయం. మనం ఈ విషయాలు ఫోన్లలో మాట్లాడకూడదు. ఏమున్నా డైరెక్ట్ గా మాట్లాడుకోవడమే." వివరించాడు దీపక్.
మురళి మాట్లాడుతూ దయ్యం కనిపించే ఎపిసోడ్ లో పాత్రలు స్వామినాథం, డ్రైవర్ రాజులు రక్తి కట్టిస్తారు. స్వామినాథం, దయ్యం కనబడింది నమ్మనట్లుగా రాజుమీద అనుమానం వ్యక్తం చేస్తాడు. కానీ దయ్యం ఎస్సై మోహన్ ను అటాక్ చెయ్యడానికి ప్రయత్నిస్తుంది. దాంతో ఈ వార్త వైరల్ అవుతుంది. ఇక కాలభైరవ ఆలయం వద్ద తిరుగాడుతున్న సాధువు మన మనిషే.
మనం ఎప్పటికప్పుడు ఆదేశాలు అతని దగ్గరనుండి తెలుసుకోవచ్చు. మన కమ్యూనికేషన్ కు అతడే మూలం." అన్నాడు.
దీపక్, మురళి, విభా అందరూ ప్లాన్ రూపొందిస్తున్నప్పుడు గౌతమ్ ఒక్కసారిగా చెప్పిన ఆలోచనే మొత్తం స్క్రీన్ ప్లేను మార్చేసింది.
అది పూర్తిగా మానసిక దాడి, రమణయ్యను అతడు సృష్టించిన దయ్యమే ఇప్పుడు అతడిని వెంటాడుతోంది అని నమ్మించే రీతిలో ఉంటుంది.
ఇదే గౌతమ్ చెప్పిన భయపెట్టే ప్రణాళిక.
రమణయ్య 'దయ్యం తిరిగి వచ్చింద'ని నమ్మేలా చేయాలి
రమణయ్య గతంలో చేసిన పనుల్లో
కాలభైరవ విగ్రహం మాయం చేయడం,
దయ్యం డ్రామా
దీనదయాళు హత్య..
ఇవి అన్నీ ఉన్నాయి.
అందుకే గౌతమ్ ఇలా అన్నాడు:
“అతను నమ్మేది భయమే. మనం అతడు సృష్టించిన భయాన్నే అతనిపై తిరిగి ప్రయోగించాలి.”
అంటే, ‘దయ్యం ఆట’ మరలా మొదలు పెట్టాలి — కానీ ఈసారి దయ్యం వాళ్లది కాదు, మనది.
అతని బంధువులకు చిన్న చిన్న ‘దయ్యపు సంకేతాలు’ పంపాలి
రమణయ్య చెన్నైలో ఉన్న తన బంధువుల ద్వారా చాలా పనులు చేయించాడు.
గౌతమ్ చెప్పిన ప్లాన్:
వాళ్ల ఇంటి గుమ్మానికి తెల్లటి పాదముద్రలు (దయ్యం ముద్రలు)
రాత్రి వాళ్లు బయటకి వచ్చినప్పుడు చెట్ల వెనుక తెల్లటి ఆకారం మెరిపించడం
వారి గేటు మీద ఎరుపు రంగులో “మళ్లీ వస్తున్నాను” అని రాయడం
వాళ్లు బయటికి రాగానే ముసుగులు కట్టుకున్న మనవాళ్లు దూరం నుంచి కనిపించడం
ఈ చిన్న సంఘటనలు వారిని మానసికంగా విరిగేలా చేస్తాయి.
రమణయ్య దగ్గరకు “దీనదయాళు ఆత్మ” నుంచి మెసేజ్ ఇవ్వాలి
ఇది గౌతమ్కి వచ్చిన అత్యంత కీలక ఆలోచన.
దీనదయాళు చనిపోయిన తర్వాత కూడా గ్రామస్థులు అతన్ని గొప్ప వ్యక్తిగా గౌరవిస్తారు.
అందుకే గౌతమ్ ఇలా అన్నాడు:
“వాళ్లు దీనదయాళును దయ్యం పేరుతో చంపారు.
ఇప్పుడు మనం దీనదయాళు ఆత్మ పేరుతో వాళ్లను భయపెట్టాలి.”
ప్రణాళిక ప్రకారం:
ఒక రాత్రి రమణయ్య ఫోన్కి తెలియని నంబర్ నుంచి కాల్ వస్తుంది.
లైన్ ఎత్తగానే గురగురా శ్వాస, చప్పుళ్లు, దూరంలో “రమణయ్యా…” అనే సౌండ్
తరువాత మిస్డ్ కాల్స్ సీరీస్..
చివరగా ఒక మెసేజ్:
“న్యాయం కోసం తిరిగి వస్తున్నాను.”
ఇవి అన్ని రమణయ్యకు ఆత్మ నిజంగానే తిరిగి వస్తోందన్న భావన కలిగించాలి.
అతని గత నేరాలన్నీ బయటకు వచ్చేశాయనే భయం కలిగించాలి
గౌతమ్ సూచన:
విశ్వసనీయంగా కనిపించే గోప్య పేపర్లు అతని ఇంటికి పోస్టు చేయాలి.
అందులో
దీనదయాళు హత్య దర్యాప్తు నోట్స్
అతని బంధువుల పేర్లు
భూములు కొనడానికి పెట్టుబడి పెట్టిన కంపెనీలు
అతని వ్యక్తిగత ఖాతా మినీ స్టేట్మెంట్ కాపీ
“భూముల దందా మీద న్యాయం జరగబోతోంది” అనే లైన్
ఇవి చూసిన రమణయ్యకు పోలీసులు తన వెంటపడుతున్నారన్న భయం వస్తుంది.
“దయ్యం తిరిగి వచ్చింది” అనే ప్రచారం సోషల్ మీడియాలో వైరల్ చేయాలి
గ్రామంలో ఉన్న యువత ద్వారా:
ఆలయం దగ్గర తెల్లటి వేషం వేసిన దయ్యం రెండు సెకన్ల వీడియో..
ఫోటోలు..
కాలభైరవ స్వామి ఫోటో ఆలయంలో మళ్లీ ప్రత్యక్షమైన వార్తకు విస్తృత ప్రచారం..
“తొమ్మిదో మైలు వద్ద అర్థ రాత్రి కేకలు వినిపించాయి” అన్న పోస్టులు
ఇవి వైరల్ చేసే ప్రణాళిక గౌతమ్ చెప్పాడు.
ఇవి చూస్తూనే రమణయ్య గుండెల్లో దడ పెరుగుతుంది.
“దయ్యం కథ తిరిగి మొదలైంది… ఈ సారి నేను బలవుతానా.. దీనదయాళు దయ్యంగా మారిపోయాడా.. ?” అని భయపడతాడు.
చివరగా — రమణయ్య వాహనం ముందర దయ్యం కనిపించే సన్నివేశం
ఇది గౌతమ్ చెప్పిన క్లైమాక్స్ దెబ్బ.
రమణయ్య రాత్రి డ్రైవ్ చేస్తూ ఉండగా
కార్ ముందు తెల్లటి ఆకారం మెరిపించాలి
అతని కారు ఆగిపోవాలి
డ్రైవర్ షాక్ అయ్యి పారిపోవాలి
కార్ అద్దాల మీద ఎరుపు రంగులో
“మళ్లీ వస్తున్నాను – దీనదయాళు”
అని కనిపించాలి
ఇది సైకాలజీకల్ పంచ్.
రమణయ్య పూర్తిగా ఒత్తిడిలో పడాలి.
అతను భయంతో తప్పులు చేస్తాడు
తప్పులు చేస్తే బయటపడే అవకాశం ఎక్కువ
అప్పటివరకు మన టీం అతన్ని నీడలా వెంటాడాలి
గౌతమ్ చెప్పింది అందరూ శ్రద్ధగా విన్నారు.
ఆట మొదలు పెట్టారు.
రాజు మీద స్వామినాథం అనుమానం వ్యక్తం చేయడంతో కథ మొదలైంది.
మోహన్ మీద దయ్యం దాడి చేయబోవడం తో దయ్యం వార్తకు చాలా ప్రచారం వచ్చింది.
తరువాత ఒకరోజు దీపక్, మురళి, రితిక,నవ్య సమావేశమయ్యారు.
దీపక్ మాట్లాడుతూ "హేతువాదులమంటూ మనవాళ్ళు ఇద్దరు రావాలి. దయ్యాల్ని నమ్మమంటూ స్టేట్మెంట్లు ఇచ్చే వాళ్ళు, దయ్యాన్ని చూసి పరుగులు తీయాలి. ఇందుకు పాత్రధారులు కావాలి" అన్నాడు.
రితిక ఆలోచించింది.
“సెల్వి వాళ్ళ ఫ్యామిలీ గుర్తుందా? మా ఫ్రెండ్స్. ఇప్పుడు విజయవాడలో ఉంటారు. వాళ్ళ అన్న చిట్టిబాబు, పండు—ఇద్దరూ ఓ దొంగ బాబా గుట్టు రట్టు చేసి ప్రసిద్ధి పొందారు.”
“అర్థం అయ్యింది,” అన్నాడు మురళి.
“వాళ్లే మన పాత్రధారులు.”
అతని కోరిక ప్రకారం వాళ్ళిద్దరూ తొమ్మిదో మైలు దగ్గరకు వచ్చారు. టెంట్ వేసుకుని నైట్ స్టే చేశారు. దయ్యం వాళ్ళను తరుముకోవడం సిసి కెమెరాల్లో రికార్డ్ అయింది.
అయితే చిట్టిబాబు బాగా గాయపడటంతో తరువాతి రోజు రితిక మురళిని అడిగింది.."దయ్యంలాగా నటించిన వాళ్ళు ఆవేశంలో చిట్టిబాబును బలంగా రక్కినట్లున్నారు" అని.
"కాదు. సన్నివేశం రక్తి కట్టించడానికి అతనే ఆ గోళ్లను తన ముఖానికి బలంగా అదుముకున్నాడు. ఇది మన ప్లాన్ లో లేదు" చెప్పాడు మురళి.
"మై గాడ్! అంత రిస్క్ ఎందుకు చేశారు? ఒకవేళ అది కెమెరాల్లో రికార్డ్ అయి ఉంటే?" ఆందోళనగా అంది రితిక.
"సిసి కెమెరాల్లో రికార్డ్ కాలేదు కానీ ఎస్సై మోహన్ ఆ సమయానికి టార్చ్ లైట్ ఫోకస్ చేయడంతో అతనికి తెలిసిపోయింది" చెప్పాడు మురళి.
"మరెలా? అతను ఈ విషయాన్ని పై అధికారులకు చెప్పేస్తాడేమో.."అంది రితిక.
==================================================
ఇంకా ఉంది
దయ్యం@తొమ్మిదోమైలు - పార్ట్ 15 త్వరలో
==================================================
మల్లవరపు సీతారాం కుమార్ గారి ప్రొఫైల్ కొరకు, మనతెలుగుకథలు.కామ్ లో వారి ఇతర రచనల కొరకు
యూట్యూబ్ లోకి అప్లోడ్ చేయబడ్డ మల్లవరపు సీతారాం కుమార్ గారి కథలకు సంబంధించిన ప్లే లిస్ట్ కోసం
ఉగాది 2026 కథల పోటీల వివరాల కోసం
కొసమెరుపు కథల పోటీల వివరాల కోసం
మేము నిర్వహించే వివిధ పోటీలలో రచయితలకు బహుమతులు అందించడంలో భాగస్వాములు కావాలనుకునే వారు వివరాల కోసం story@manatelugukathalu.com కి మెయిల్ చెయ్యండి.
మాకు రచనలు పంపాలనుకుంటే మా వెబ్ సైట్ లో ఉన్న అప్లోడ్ లింక్ ద్వారా మీ రచనలను పంపవచ్చు.
లేదా story@manatelugukathalu.com కు text document/odt/docx రూపంలో మెయిల్ చెయ్యవచ్చు.
మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.
దయ చేసి సబ్స్క్రయిబ్ చెయ్యండి ( పూర్తిగా ఉచితం ).
మనతెలుగుకథలు.కామ్ వారి ఫేస్ బుక్ పేజీ చేరడానికి ఈ క్రింది లింక్ క్లిక్ చేయండి.
గమనిక : పాఠకులు తమ అభిప్రాయాలను మనతెలుగుకథలు.కామ్ వారి అఫీషియల్ వాట్స్ అప్ నెంబర్ : 63099 58851 కు పంపవచ్చును.
రచయిత పరిచయం:
నమస్తే! నా పేరు మల్లవరపు సీతారాం కుమార్. శ్రీమతి పేరు మల్లవరపు సీతాలక్ష్మి. ఇద్దరమూ రచనలు చేస్తుంటాము. ఇప్పటికి దాదాపు 25 కథలు మనతెలుగుకథలు.కామ్, కౌముది, గోతెలుగు.కామ్, సుకథ.కామ్ లాంటి వెబ్ మ్యాగజైన్ లలో ప్రచురితమయ్యాయి. స్వస్థలం నెల్లూరు. తెలుగు కథలంటే చాలా ఇష్టం. మనతెలుగుకథలు.కామ్ నిర్వహిస్తున్నాము.
Comments