పల్లె పిలిచింది - 18

#TVLGayathri, #TVLగాయత్రి, #TeluguKavithalu, #Kavitha, #Kavithalu, #TeluguPoems, #పల్లెపిలిచింది, #PallePilichindi, #ధ్రువకోకిల, #తేటగీతి

Palle Pilichindi - 18 - New Telugu Poetry Written By T. V. L. Gayathri

Published In manatelugukathalu.com On 11/06/2025

పల్లె పిలిచింది - 18 - తెలుగు కావ్యము ద్వితీయాశ్వాసము

రచన: T. V. L. గాయత్రి

పల్లె పిలిచింది పార్ట్ 1 కోసం ఇక్కడ క్లిక్ చేయండి.

పల్లె పిలిచింది పార్ట్ 2 కోసం ఇక్కడ క్లిక్ చేయండి.

పల్లె పిలిచింది పార్ట్ 3 కోసం ఇక్కడ క్లిక్ చేయండి.

పల్లె పిలిచింది పార్ట్ 4 కోసం ఇక్కడ క్లిక్ చేయండి.

పల్లె పిలిచింది పార్ట్ 5 కోసం ఇక్కడ క్లిక్ చేయండి.

పల్లె పిలిచింది పార్ట్ 6 కోసం ఇక్కడ క్లిక్ చేయండి.

పల్లె పిలిచింది పార్ట్ 7 కోసం ఇక్కడ క్లిక్ చేయండి.

పల్లె పిలిచింది పార్ట్ 8 కోసం ఇక్కడ క్లిక్ చేయండి.

పల్లె పిలిచింది పార్ట్ 9 కోసం ఇక్కడ క్లిక్ చేయండి.

పల్లె పిలిచింది పార్ట్ 10 కోసం ఇక్కడ క్లిక్ చేయండి.

పల్లె పిలిచింది పార్ట్ 11 కోసం ఇక్కడ క్లిక్ చేయండి.

పల్లె పిలిచింది పార్ట్ 12 కోసం ఇక్కడ క్లిక్ చేయండి.

పల్లె పిలిచింది పార్ట్ 13 కోసం ఇక్కడ క్లిక్ చేయండి.

పల్లె పిలిచింది పార్ట్ 14 కోసం ఇక్కడ క్లిక్ చేయండి.

పల్లె పిలిచింది పార్ట్ 15 కోసం ఇక్కడ క్లిక్ చేయండి.

పల్లె పిలిచింది పార్ట్ 16 కోసం ఇక్కడ క్లిక్ చేయండి.

పల్లె పిలిచింది పార్ట్ 17 కోసం ఇక్కడ క్లిక్ చేయండి.

1.

ధ్రువకోకిల.

మనుజులందున హెచ్చె స్వార్ధము మంచియన్నది లుప్తమై 

కనలు చుండెడివారు కూడిరి కాసుకై కలహించుచున్ 

ధనముకోసము నీచులయ్యిరి దారితప్పుచు మానవుల్ 

వనములన్ బడి కొట్టి వేసిరి ప్రాణి హింసను జేయుచున్.//

తాత్పర్యము.

మనుషుల్లో స్వార్థం పెరిగిపోయింది.మంచి తనం తరిగి పోయింది. డబ్బు కోసము తగవులు పెట్టుకునే వారు ఎక్కువ అయ్యారు. మనుషుల్లో నీచ ప్రవృత్తి ఎక్కువయింది. ధనము కోసము అడవులను నరుకుతున్నారు.//

2.

తేటగీతి.

చెత్తనింపగా నదులలో చిందె విషము 

మురికి కాసారములు కావె!ముందు చూపు 

లేదు జనులకు పుఱ్ఱెలో లేదు బుద్ధి 

స్వచ్ఛజలములు కనరావు జగతియందు.//

తాత్పర్యము.

జనులకు బుద్ధిలేదు.నదులలో చెత్తను పడేయటంతో నదులు విషంతో నిండి పోయాయి.  నదులు మురికిగా తయారయ్యాయి.స్వచ్ఛమైన నీరు ఎక్కడఉంది?//

3.

తేటగీతి.

జీవకోటికి దిగులుతో చింత పెరిగె 

తరువు లెల్లను గూల్చుట ధర్మమౌన?

వేడి సెగలతో నిట్టూర్చి పృథ్వి నేడు 

కనలు చుండగా జనులిటు గాంచరేల?//

తాత్పర్యము.

చెట్లు కూల్చి వేయుట ధర్మమేనా? భూమి వేడితో మండి పోతుండగా మిగిలిన జీవరాసులకు దిగులు పెరిగి పోయింది. మనుషులు మాత్రం తెలుసుకోరెందుకు?//

4.

తేటగీతి.

వర్షఋతువులోభూమిపై వానపడదు 

శిశిరమందున వర్షముల్ చిందులేయ 

పంట కెంతయో నష్టము వాటిల నిట 

సైరికుల జీవనంబులు సాగుటెట్లు?.//

తాత్పర్యము.

భూమి వేడెక్కటం వలన వర్షాకాలంలో వానలు పడటం లేదు. చలి కాలంలో వానలు జోరుగా పడతాయి. దానితో పంటలకు నష్టం కలుగుతుంది. ఇలా ఉంటే రైతుల జీవనం ఎట్లు సాగుతుంది?//

5.

తేటగీతి.

వరద గౌతమి పొంగుచు పరుగు పెట్టి 

భీకరంబుగ గర్జించ భీతిపుట్టు 

పల్లెటూళ్లను ముంచగ భయముతోడ 

వణికి పోవుచు నా జనుల్ పాఱుచుంద్రు //

తాత్పర్యము.

గోదావరినది వరదతో  వచ్చి పల్లెటూళ్లను ముంచుతూ ఉంటే జనులు భయంతో పారిపోతున్నారు.//

పల్లె పిలిచింది పార్ట్ 19 కోసం ఇక్కడ క్లిక్ చేయండి.

టి. వి. యెల్. గాయత్రి.

పూణే. మహారాష్ట్ర.

Profile Link:

https://www.manatelugukathalu.com/profile/tvlgayathri